كرونيك:💕💕تزوجت ابن خالي لارضاء جدي💕💕

1

عنوانها
#تزوجت ابن خالي لارضاء جدي
اييييه يا زمان الصغر واش عملت فينا
من نهار كبرت وانا نسمع فيهم يقولو سمرة لخالد وخالد لسمرة مكنتش نعرف معناها ولا وين راح توصلني هذ الجملة الصغيرة كنا صغار انا 7 سنين وهو 8
كان هو ولد الريف البسيط وانا بنت المدينة المدللة حبيبة ماماها وباباها كانو لتم يشوفوني جايا من المريخ هو مالڤري كان صغير بصح كان يحسسني انو كثر من عمرو من غيرتو عليا كان ميخلينيش نلعب مع خوتو الذكورا ويضربني ويديني عند ماما يقولها احكمي بنتك لانقتلها هههههههه
كان يجيبلي النوار والبليري ويديني معاه نحوسو فالجبل ونجريو ونلعبو اياااام طفولة مستحيييل ننساها
كنا نلعبو عريس وعروسة ديما يحب يلعب معايا وانا نحب نمكنو نقولو نلعب مع نسيم خوه التوأم يروح يحرش نسيم عليا يقولو كون تلعب معاها تولي ماش خويا ولازم تضربها وتنحيلها الشوشو من شعرها تحليها مشعشعة ونضحكو عليها ههههه
كان ديما يبكيني من بعد يقولو انا باباك واحد ما يدي بلاصتي زعما قصدو راجلك واشنو حنا كنا صغار منشوفوش العلاقة بهذ المنظور ههههه
كان ديما يبكيني من بعد يقولو انا باباك واحد ما يدي بلاصتي زعما قصدو راجلك واشنو حنا كنا صغار منشوفوش العلاقة بهذ المنظور ههههه
كبرنا وليت انا 10 وهو 11 بدا هو يبينلي بلي انا تاعو رجع يعسني بزاااف اكثر من قبل يحب يكون في جنبي وين متحركت يشوفني نلبس ونعدل ميخلينيش نخرج كنت نحس بروجولتو قبل الوقت يحمق فيا نموت يجبدني من شعري ميحبش يشوفني ماشطا وعادلا
كان جدي كي يشوفو يديرلي هك يعجبو الحال ويضحك ويقولو هذي من درك ديرلها كي تكبار تلقاها واجدا كان جدي يمووووت عليه هو ونسيم وخاصة هو كان كبير من عمرو نسيم كان كالم وناس ملاح وانا نحبو بزاف كيما خويا ونحب نلعب معاه بصح خالد ميخلينيش 😢😢😢 كبرنا وانا كل صيف وعطلة عندهم وهو يزيد يزير عليا كثر حتى اني بديت نحس صح اني تاعو وبديت نتقبل الامر ونعتاد عليه وصلت لسن 15 هو 16 مرحتش هذاك العام فالعطلة حتى لصيف
كي رحت مكانش خالد لي نعرفو كبار فجأة طوااال كنت انا اطول منو قبل سنة كنت انا نقريه لاشتا اكثر مني سن بصح انا فاهما عليه فجأة رجع راجل وانا تاني بدات علامات النضج تبان عليا صدري كبار رجع يهز الروبات و ولي تيشورت لي كنت نلبس
كي شافني فرح بزاف سلمت عليه كي العادة كان يخزرلي بطريقة غريبة انا كنت نحشم منو بزااف كي يشوف فيا هكذاك بصح مرجعش يتوشيني كيما بكري عاد يتحاشاني وكنت نشوفو يقعد وحدو بزاااف