كرونيك:💕💕تزوجت ابن خالي لارضاء جدي💕💕

4

تحمق فالبيت مع جداتي دخلت
واش كاين ماما
والو هيا اخرجي
حكمتها جداتي مسكينة
يا بنتي انا خاطيني داداك لي هدر
واش كاين ماما انطقي
جدك حاب يخطبك لخالد
😲😲😲😱😱😱
انا بديت ندمع مسحتلي دموعي
ماتبكي ماوالو
شويا يما بنتي منمدهاش مزالت صغيرة 18 مزال ماقفلتهاش وزيد تقرا وناجحا نجيبها لهنا لدوار ندفنها غير انساو
وخطفتني من يدي داتني انا شويا ستحرمت بماما وراحتلي البكيا وعلبالي خالد يحب صاحبتو اكيد موحال يخليها على جالي
فليل جا من الخدمة دخل لصالون كان لابست فيست كوير كحلة وسروال جينز كحل حاط نواضر فوق راسو والله ضارب تبييشا هيا ههههه
انا كنت لابسا جبة صيف غوج ونواغ صدرها كوغ وطالقا شعري طويل شاف فيا وضحك سلم عليا جبدني من شعري
لمي علينا شعرك هذا من بعد نلقاوه فالماكلة
حرجني قدامهم وليت نشوف فيه 10
مكان مدخلك مانيش راح نحكلك انا لعشا
وقت لعشا عيطلي خالي باباه نتعشا عندهم رحت فوق القلب درت التيليفون سيلونس حطيتو في صدري ودخلت كاينا غير بلاصة قدامو قعدت انا قعدت وهو حط رجلو فوق رجلي هذي طبيعتو كن بكري نقعدو هك يحط رجلو فوق رجلي درك حست روحي نخون في شاكر جبدت روحي منو
لحقني وليت مالقيت وين نهرب حبست وخليتو حاطها
كي كملنا حكمني خالي قالي اقعدي نحكي معاك
وااااااع فهمتها اين انت يا نبع الحنان قعدت مع خالي كان واعي بزاااف ومخو كبير ومثقف صح
شوفي سمرة حنا حابين نخطبوك لخالد واش رايك
انا طووول بديت نبكي وندمع مانطقت حتى كلمة فحمت حتى ولا يسكت فيا ومسحلي دموعي وعطاني الشوكولا ههههههه وصح والله جامي ينسانا فالشكولا ديما في جيبو لاشتا مزوجين وبلولاد ويمدلهم
خلاص اسكتي برك ماهدرنا والو انساي
قعدت معاه شويا وخرجت قابلني خالد فالبيت شاف عينيا حمر انا هربت لدوش غسلت ضربت طلة على التيليفون لقيتو طافي واااااااع😱😱😱😱 خلاااات حليتو وياااا دلالي نلقا 20 مكالمة وميساج
انسايني خلاص درك 3 شهر متزيديش تسمعي صوتي تقفلي عليا التيليفون ؟ معليش انا لي نقش نجري وراك كي تروحي نحيلك ربك غير مكاله تحوسي عليا ولا تخليني نشوفك
رحت طووول بديت نعيط عليه يصوني ميهزش يصوني ميهزش انا زادت فيا البكية شرقت ولا طفا التيليفون ولا دار الرونفوا انا هبلت شبعت بكا بالسيف لا خرجت من الدوش حابا غير نزوح لدارنا
رحت لماما قتلها المرة هذي كي تروحي نروح معاك مانقعدش 3 شهر موووحال والله نموت
هي عند بالها على حكاية خالد وانا راني حابا نرجع باش نشوف حل مع شاكر لي مازادش عيطلي ولا فتح التيليفون
وحد الليلة خرجت برا لخلا فليل وقاعدا نمشي تحت ضو القمر ونخمم في شاكر لي توحشتو بزاااف وتفكرت كي باسني مانيش مقتنعة انو يجي نهار ندي غيرو ويبوسني كيفو شواربي رجعو تاعو وخلاص حتى نلقا خالد خرج معايا قلبي حبس فالظلمة والله قربب طحت
واش راكي ديري هنا
قلقت فالدار خرجت نشم شويا هوا
ماخفتيش من الذيابة
شفت فيه وضحكت نخاف من البشر كثر من الحيوان اخلودي انا علاقتي معاه كانت عادية يعني مكانش مشاكل ولا غير ساعات برك يصمط من بعد قالي
واش قالك بابا علي قبيل حتى خرجتي تبكي
والو حاجا بيني وبينو