كرونيك:💕💕تزوجت ابن خالي لارضاء جدي💕💕

8

خالد شبع فرحة كي قبلت بيه رجع يعاملني كي حبيبتو انا قلبي يتقطع مانيش حاملاتو كرهتو يقولي قوليلي نحبك علاش تعيطيلي باسمي انا نشبع بكا مانقدرش ربي عالم موحااال ننطقها ثقيلة هو كيما خويا جامي توقعت يجي نهار نديه مرضت هذيك الفترة كي سمعت ماما بلي قبلت تشوكات تعرفني مانحبوش
وشبيك  سمرة كيفاش هذا فجأة قبلتي بخالد
نورمال ولد خالي خير من البراني يحبني وزيد بدارو ( حنا كي نهربز من الحب نحوسو على المتريال نصبرو روحنا بيه)
المهم كذبت على روحي وكذبت على ماما حتى قنعتها رجعت تقولي ايه صح متلقايش كيف خالك يحبك ويديرك كي بنتو
فاتو ليام وصل عرس اختو تلاقينا لتم كان فرحان بيا يشطح معايا ركبت معاه فالكورتاج يدو في يدي متلبسيش ما ديريش ما تعدليش هبلني بصح انا راح نموت من داخل حابا نعيط نقولهم منحبوش راح نديه مكرة في شاكر وفيا حابا نقولو اماما تعيشي متخلينيش نغلط ونديه راح نتعذب ياااا ماما بنتك قلبها مجروح حبيبها بهدلها ورماها قدام الناس بحجة الغيرة اسسسمعوني يااا ناس راح ندمر حياتي بيدي
كنت نشبع بكا فات العرس تاع ختو روحنا زادو شهر وجاو درنا خطبة اوفيسيال واش بكيت واش تمرمرت قلبي يبكي الدم هدى تبكي معايا وتصبر فيا وانا نقولها مانديهش مانحملووووش مستحييل نعيش معاه ولا نوالفو يااااااا ربي صبرني ودلني لطريق الصحيح اني حاسا روحي تسرعت ودرت حاجا راح نندم عليها متمنية يجي واحد يحبسني راني نمشي لجهنم بيديا
كريت لاغوب فالفوشيا ومشطت شعري بابيليز لميت شويا وطلقت شزيا ماكياج فونصي لي يشوفني يقولي جيتي تهبلي كنت نضحك ونتبسم بصح من داخل قلبي مفتت حتى رجع يوجعني  نسمع فالكلاكسون وصلو جدي يشطح بالبارود كي سمع بينا راح نزوج ناض من الموت يا الزح هههه قلبو الدنيا نهار هذاك تقول عرس ماش خطبة
شويا قالولي راهو جاي يدخلك
كنت في بيتي فوق الكرسي جا طابس عليا سلم عليا وقالي جيتي تهبلي بيبي
في قلبي مانيش حاملتك وكلمة بيبي هذي نكرها منك مانحملهاش 😈😈😈😈 وقفت قدامو حكملي يديك جبدها تحد يدو كان يرعش انا عفتو وحابا نبكي نضحك فوق القلب لليوم لي فوطو شاهدين كيفاش وجهي مبدل هو دخل يشطح معايا ويشطح فيا انا نشوف في شاكر قدام عينيا دخلو خوتو الذراري ولاد خالتي زهاو العرس هو شابع فرحة ميتة يسلملي على راسي يصور ماخصو يبوسني على فمي
لبسلي الخاتم قصينا لابياس نحب نرقد ننسا يا ربي علاااااش لغذوة دارو الفاتحة وليت مرتو اوفيسيال رجع يحب يخرج وصيت ماما قتلها قولي لبابا يقولو ممنوع الخرجة باش ميوالفش قاتلي اوكي
رجع يحكي فالتيليفون ويحكيلي على زواجنا وعرسنا وليلة عرسنا وانا نبكي نلعبها خفت نقولو بدل الموضوع تعيش
هويشبع فرحة ويحس بالرجولا كي يشوفني خفت وانا كان قلبي مع شاكر حابا كلش يفوت معاه نتفكر في بوساتو وتحضانو حنانتو وقلبو لكبير غيرتو سباب لخلى كفوفو لحلوين نحبببو يا ربي نحبووووووو كون يقطعني نعشق فييييه نحي قلبي نعفسو نحطو فالميكسور ينطق يقولي تحبيييه
ااااه يا ربي واش فات عليا
مرة خرجت معاه كي كثر عليا بالهدرة قبلت
كان كي يشوفني يعود يرعش تقول خلات عليه انا معاف روحي نحسو يتشهاني برك يحب يدير واش تملي عليه رغبتو وخلاص نزيد نكرهو
حبيبي علاش جامي سمعتيني كلمة حلوة من هذو الشويربات
خالد ماتبداش تعيش لبارح كنت ولد خالي برك وكيما خويا درك فحأة وليت خطيبي والله علبالي صعيبة باش نتعود عليك ونقولك هذوك الهدرات
لالا بيبي قوليلي تعلمي من درك هاني انا نقولك نورمال
انت راجل ماش كيف كيف
تعيش ما تضغطش عليا خليني براحتي مع الوقت اكيد نوالف
انا نقولو غير فكني مكاله نغلط فيك ههههه
ايا درنا شويا تغذينا عطاني دراهم ورجعني لدار قعد شويا وروح
جدي قاللهم العرس مانطولوهش ماعندناش لعروس لي تقعد من وقت الطماطم لوقت الطماطم هههه يعني مايدورش العام عليها انا كي سمعا نهرت بالبكا خالد عيطلي فرحان قالي راح نصبغ لاشومبر باش تخيري لاكولاغ وبدا يدخل فيا فالجو تاع العرس زالتوجال جهازي كامل شراتو ماما من الملابس الداخلية لتصديرا
مرة كنت برا مع هدى رحت ندير التبرئة فالجامعة ياااا يما حتى نلقا شاكر حكمني من يدي
عاااااااااام ياااا شاكر عااااام  

جاااا للحلقة باش نعرف شكون رهو يقرا جااام