كرونيك:💕💕تزوجت ابن خالي لارضاء جدي💕💕

6

انا قلت المهم تهنيت منو درك نريڨل اموري مع شاكر برك ويجي يخطبني قبلو ونتهنا هههههه
روحو عشيا كامل وانا نعيط والو تيليفون مقفول سمانة وانا نعيط مكانش هبلت ضعفت وليت ماناكلش راح نهبل عليه عيطت لهدى حكيتلها قاتلي بلي هي ومنصف تفارقو عندهم شهر  لاسباب تافهة يعني ماتفاهموش برك اصلا ماحبوش بعض من نهار اللول جابوها علاقة اميتي وفرات قاتلي عيطيلو سقسيه على شاكر انا نحكي معاها وانا نلقا شاكر يعيط كوبيت طول وهزيت زاااد سمعني مالا يرضيني
راكي تحكي في نص الليل مع لقح..... لي كيفك واليوم ني.... اليوم نحيلك ....وانا غير نبكي زنحاول فيه وااالو كمل كوبا وقفل التيليفون
زهري العط...... ونعرفو تفووووف عليك ازهري
بايتا نبكي هذيك الليلة تمرمرت منو قتلني بالصماطة
فاتو ليام قاتلي ماما هيا نخرجو نحوسو شويا
لبست وبيشت كنت فادا من الدار ماكياج خفيف برك وخرجت انا وماما نمشيو نشوف فيه جاي مقابلني عينو لي عيني ويخزر يااااا يما رجليا فشلو توحشتو حبيت نحضنو الدمعة طاحت شافها تشوكا ماقدر يقول والو هبطت النواضر على عينيا قدام ماما كنت نتعصر فالبكية هذيك لامتها جهدي بقيت غير نيماجيني في وجهي وعينيه كيفاش يشوف فيا
درنا شويا وروحنا انا وماما طلعت لبيتي لقيتو بعتلي ميساج
وشبيه ربك زينت هك والله يا الدمعة هذيك هي لي توخدني في عمري ههههه
عيطتلو صونا كوبا وعاودلي انا شبعت فرحا مع هزيت قالي توحشتك فرماجة 😅😅😅😅
حشمني الكبيدة تاعي
قالي كي شفتك خرجتي هكذاك قدام الباب وهو شاف فيك وضحك هبلت
الحمد لله ماسمعوش واش قال قالي شكون هذاك قتلو ولد خالي وخفت نقولك تتغشش قالي سع فضحك ربي ههههه
المهم رجعنا علكيف خير من قبل زدت عشقت فيه كثر وهو تاني كان يعبدتي نحسو يموت عليا كون يصيب يحطني في عينيه يستنا غير وكتاه يجي يخطب هههه
عشنا اجمل الاوقات كي رجعت نقرا عامي تاع الباك فوووور معاه ترنيف تحواس تقلاش علمني نبوس هههههه كان يهزلي عود رقيق تاع الشجرة يقولي بوسيني كون متعرفيش تدي شحطة ههههههه 
ديت الباك وكان شاكر كل يوم هو يوصلني منين نعقب ويرجع ليا 4 مرات فالنهار ههههه كانو كامل حاسدينا في حبنا لي يشوفنا يقول متزوجين المهم طلعت لافاك العام اللول هبلني صح بالغيرة شحاب من مرة نتقلبضو ولينا نايفو زعما سمانا ماكسيموم هو قالي زيدي عام ونجي نخطبك انا فرحت هبلت ايا تناصف العام وصل عيد ميلادو كنت محرقا ناشفا لميت بالدورو من المصروف وهو حبس الخدمة في هذيك مع خوه صراو مشاكل راح يهبل قلت نفرحو شريتلو بارفا وشوميزيي بيضة قلت نهار يجي يخطب يلبسها ههههه