حوش البنات

حلقه الثانيه

رواية حوش البنات 🙋‍♀️🙋‍♀️🙋‍♀️
للكاتبة: لولو حبيب❤
للكاتبة: Fatiam _ El ❤ فاطمه ابراهيم❤
__________________
شرحت ميرال النقاط ورجعت الي مكانها وكمل الدكتور باقي الشرح وتمت المحاضرة طلعت ميرال طول للكافيتريا وطلبت قهوة لانها راسها يوجع فيها
خش ايمن الكافيتريا القاها مقعمزه بروحهاقعمز في الطاولة الي مقابلتها
ايمن: بس بس
ميرال شبحتله وتجاهلته
ايمن: ياحلوة انتي
شربت من القهوة وحطت الطاسة بالقوة علي الطاولة
ايمن: بالشويا اعليك متعرفيش تشرحي ومتعرفيش اتشدي القهوة هلبا هكي
ميرال وقفت : ايمن خلااااص اسكت 5 دقايق بس وبعدين اني شرحت والطلاب فهمو شني مفيش الا انته دماغك صارله استك
ايمن: زي ماقلتي انتي اني شاد التلفون مش مركز
ميرال: واني مش مجبوره انعاود نشرحلك
ايمن: تبي الصراحه اني فهمت
ميرال: اعلاش امالا اتقول مفهمتش
ايمن: واعلاش انتي ديما تنجحي الاولي علي الدفعه اعلاش انتي شاطرة هكي اعلاش انتي حلوة اعلاش انتي الولاد كلهم يحبوك اعلاش انتي البنات كلهم يزمزكولك بش اتسميلهم اعلاش اعلاش بس
ميرال من الصدمه امشت وسيباته وهوا ناض روح هوا وايهم
طلعت مهاد وبتروح هيا وميرال
مهاد: ميرو خيرك
ميرال ساكتة وماشية بس
مهاد: ميرال
ميرال: ها خيرك تخلعي
مهاد: انتي الي سارحه وين وصلتي
ميرال: شي
مهاد: انكلم فيك خيرك
ميرال: مهاد راسي يوجع فيا اسكتي خلاص
مهاد هزت راسها وسكتت وصلو للحوش ركبت ميرال طول نحت العباية ولبست توتة وتكت في سريرها
خشت مهاد وجايبة امعاها طاسة اميه وباندول
مهاد: ميرو حبيبتي نوضي اهو جبتلك حبوب راس
ميرال ناضت كعمزت واخدت الحبوب والطاسة
مهاد: ارقدي توا ارتاحي بعدين العصر انوضك نبيك في موضوع
ميرال: عارفة وراها مصيبة مداما انوضك ونبيك في موضوع
مهاد: هههه مصيبة كان تسمع بيها مودة تقتلنا
ميرال: ههه خلي انوض انطيب الغدي
مهاد: ارقدي تو انطيب اني
ميرال: امنين نهبل تو انخليك انتي اطيبي
مهاد: اعلاش ديما تحطيم معنويات
ميرال: اقلبي وجهك نوضي
وناضت ميرال اطيب في الغدي ومهاد تتفرج علي التلفزيون
__________________

مودة شاده الورقة الي فيها حالة الطفل عمره 6 سنوات طق الباب
مودة: تفضل
خش ادم : دكتور علي وينها الحالة
مودة: اهلين ادم
ادم: اهلين مودة كيف حالك؟
مودة: الحمدالله كيف حالك وحال خوتك؟
ادم: الحمد الله وينك ليك وحشة معاش نشبح فيك في المستشفي والشارع
مودة انحرجت من كلمه ليك وحشة: كنت واخده اجازة وتمت
ادم: انشالله خير ليش اجازة
مودة: كنت مريضة شوي
ادم: سلامتك
مودة: يسلمو
ادم: ريتي دكتور علي
مودة: في الكافيتريا
ادم: اوك شكرا
مودة: عفوا
وطلع
مودة كملت الحالة وكملت شغلها طلعت بتروح
ادم يولع في السيارة بيروح
مودة واقفة في الباب شبحها ادم نزل يجري
ادم: مودة
مودة: نعم
ادم: بتروحي
مودة: اي
ادم: هيا تعالي انروح بيك
مودة: لالا انروح علي رجليا
ادم جبدها من يدها: لالا والله لما انوصلك كيف راك زميلتي في الخدمه وبنت جيرانه وحب..... وسكت
مودة: شنو قلت
ادم: لالا شي
ركبو وصلها نزلت
مودة: شكرا ادم
ادم: مش بيناتنا
وخشت مودة اتنحي في كندرتها: السلام عليكم
ميرال: وعليكم السلام
مودة: محلاها رائحة الغدي
مهاد: اني طيبته
مودة: من دون كذب
مهاد: ههه ميرال
مودة: اي تعالو انقوللكم
ميرال ومهاد كعمزو بحدا بعض ومودة مكعمزة مقابلتهم
مودة: ادم قالي ليك وحشة ووصلني اهني وقالي انتي زميلتي في الخدمه وبنت جيرانه وحبيبتي كان بيقولها وسكت
مهاد وميرال شبحو لبعضهم
مودة سرحت تتذكر في ادم: اه يابنات محلاه
مهاد ضربتها كف
مودة: خيرك ياحيوانة
ميرال: انتي الي خيرك تحكي علي ادم
مودة: اني حكيت علي ادم
مهاد: لالا اني وميرال
مودة: نوضي انتي وياها بدت مهزلة هادي نوضي
ميرال ناضت اتكمل في الغدي ومهاد بدت تتفرج وهيا بدلت حوايجها وكعمزت بحداهم اتغدو وخشت كل وحدة رقدت في دارها
__________________
عند الولاد
خش ادم القاهم يتفرجو
ادم: قولو مني وصلت اليوم لحوشهم
ايمن: مني يعني
أيهم: نانسي عجرم ولا اليسا
ادم: خير منهم الزوز
ايهم ناض امشي يجري الي ادم: يعني هيفاء وهبي
ايمن: 🤣🤣🤣 عجبتني هادي
ايهم رجع لمكانه : ادم خش طيب غدي
ادم: وصلت مودة وكنت حنقوللها بس مقدرتش
ايمن: ادم اني قتلك الموضوع فوته ولا
ايهم كمعز: اعلاش انته رافض الفكرة ياايمن
ايمن: هكي
ادم: اني انحبها وبنمشي نخطبها
ايمن: تمشي تخطبها نطلع من الحوش اني ومعاش خوتي لانعرفكم وناض خش لداره وقربع الباب بالقوة
ادم كعمز: اوف هوا ايحبها ولا شني
ايهم: مش هكي هوا ميحبش ميرال
ادم: شن دخل ميرال في مودة
ايهم: مش بتبدا اخت مرت خوه
ادم: عارفة مش حيديرها اني ونبي نستعجل في الموضوع اليوم بنمشي انقولها
ايهم: اتصرف اي بنقولك
ادم: شنو
ايهم: اول حاجه ديرلنا غدي بطني تاكل في روحه وتاني حاجه الحيوانة مهاد ضربتني كف في الجامعه
ادم : ههههه تكذب
ايهم: والله وغدوة لما انردلها كفها
ادم: فكنا ياراجل
ايهم: تو اتشوف
ادم: مش راجل كان اتمد يدك اعليها
ايهم: نوض دير غدي نوض
ادم: ههه تمام
دار ادم غدي واتغدو ورقدو
___________________
مهاد: ميرال ميرال
ميرال: همممممم خليني نرقد
مهاد: نوضي
ميرال ناضت كعمزت : شن تبي
مهاد: مش قتلك بنقولك حاجه
ميرال: اي شنو
مهاد: ........
______________
شن رايكم في الرواية انشالله نالت اعجابكم ❤
مع السلامه❤