حوش البنات

حلقه الرابعه عشر

رواية حوش البنات 🙋‍♀️🙋‍♀️🙋‍♀️
للكاتبة: لولو حبيب❤
للكاتبة: Fatiam _ El ❤ فاطمه ابراهيم❤
_________________________
عند ايهم
الولد 1: وصلنا ياولاد
ايهم: استنو شوي قبل ماننزلو
الولاد: خيرك
ايهم: قولو شني اساميكم
الولد1: خالد
الولد 2: طلال
الولد 3: عبد المهمين قولولي عبدو خير
ايهم: ايهم
ونزلو اول مانزلو في المحور ايشوفو للدنيا كيف دمار الحياش( حوش) طايحة والسيارات متاعهم نصها مضروب قعدو يشبحو وخلاص
طلال: هي ياولاد توكلنا علي الله
امشو كلهم وايهم قعد واقف بس
خالد حط يده علي كتف ايهم: ايهم خايف
ايهم شبحله: مش خايف نفكر فيها
خالد: ربي يهنيها انساها ومدامك اتحبها تمنالها الخير من بعيد وخلاص
ايهم: المشكلة مش اهني
خالد: امالا وين
ايهم سحب المسدس متاعه وابدي يضرب فوق في الهواء
خالد: صح صعبة ياصاحبي لكن هادي سنة الحياة مش اي حاجة نبوها ناخدوها
ايهم تنهد وامشي هوا والولاد وصار اعليهم هجوم ابدو يرمو اعليهم وخلاص
الولاد كلهم يحاربو ويفكرو في اهاليهم وناسهم وامهاتهم وحبيباتهم وزوجاتهم وصغارهم
وايهم كان يفكر في مهاد وانس
//////
عند مهاد
كانت اتصلي وتدعي الي ايهم انشالله ايكون بخير
مش قصة انها اتحبه بس هيا حاسه بالذنب اتحس انه هيا السبب الي يخليه يمشي الي الجبهة
//////
ميرال كانت فاتحة فايبر وتهدرز مع اسراء وصلتها رسالة
ميرال: هي اسراء طيري توا بري كلمي مهاد
اسراء: اتفو ياكلبة
طلعت ميرال من المحادثة وخشت علي المحادثة متع الرقم الي بعتلها
ايمن: هلا
ميرال: برا مانيش راده اعليك
ايمن: انتي ردتيتي اصلا😂😂
ميرال: خزي برا هي
ايمن: غير اسمعي نعرف انعبر صح امنين قتلك نحبك في المستشفي
ميرال: تحشم
ايمن: انحبك
ميرال: قلت تحشم
ايمن: مانيش متحشم انحبك
ميرال: انديرلك تأمين راهو
ايمن: جربي
ميرال: هي سلام ودارتله تأمين
واتكت وهيا مبتسمة تغطت كويس وبترقد
ايمن: حي والله دارتها ونزل
ادم: وين ماشي
ايمن: شوي وجاي
ادم: وين ساعة 12
ايمن: قتلك شوي وطلع
ادم: اه ياربي معاش اعرفت انسيطر اعليهم خوتي هادم واحد امشي للجبهة والتاني هايم مع ميرال ويطلع في اليل
ادم: خيرني انقول هكي هاني حتي اني هايم مع مودة خلي نكلم حبيبتي وبعتلها رسالة علي الواتس وقعدو يهدرزو
اما ايمن امشي نقز من الصور وركب الي بلكونة ميرال طق طق طق
ميرال: هادا شنو
طق طق طق
ميرال: اللطف باب البلكونة هادا
ايمن: تي افتحي يامكسورة انتي
ميرال: سلام قول من ربي الرحيم هادا شنو فيه صوت
ايمن: حاول يفتح مقدرش
ميرال ناضت فتحت الباب القت ايمن
ميرال: ايمن شني ادير اهني
ايمن خش يجري صقر باب الدار بالمفتاح وكعمز علي السرير
ميرال: نوض روح شني جاي اهني
ايمن: اعلاش درتي تأمين
ميرال كعمزت علي الكرسي قدامه: لانك اتقول انحبك
ايمن: انحبك
ميرال: ياريته فيه بلوك في الواقع
ايمن: به اني شني قلت توا
ميرال: شني قلت
ايمن : اي الكلمة الي قلتها اني قوليها انسيت شني قلت اني
وابدي يمثل ع الساس راسه يوجع فيه
ايمن: ااه انتي مني شني كنت انقولك اني
ميرال: اني ميرال وقتلي انحبك
ايمن: شني قتلك
ميرال بعياط: انحببببببببك
ايمن كعمز لوطة وجبدها من علي الكرسي وحضنها
///////
مودة: دقيقة ادم شوي وانجي
ادم: اوك
مودة ناضت: هادي خيرها هبلت الي مني اتقول انحبك في نص اليل هادي
وامشت طقطقت
مهاد طلعت من دارها القت مودة طقطق علي دار ميرال
مهاد: خيرك
مودة: اختك كانت اتعيط انحببك
مهاد: انتي تتخايلي اني مسمعتش
مودة: شني نتخايلي بتهبلوني وتفتح في الباب
ميرال: حي اطلع للبلكونة
ايمن خش للبلكونة وصقر الباب وخش تحت الطاولة
ميرال فتحت الباب: خيرك انتي وياها
مودة خشت: الي مني كنتي اتقولي انحبك
ميرال: شني تخرطي انتي
مهاد: قتلك تتخايلي
مودة: به هي تصبحو علي خير
ميرال: مودة مش واثقة فيا
مودة حضنتها: اكيد واثقة فيك حبيبتي بس نبي نعرف حبيب قلب اختي الي في البلكونة مني
ميرال: 😂😂
مهاد فتحت الباب: ايمن اطلع
ايمن:ااااسف مودة
مودة: اوك الاعتذار مقبول لكن معاش اتجي في اليل شتي بيقولو اعلينا الناس
ايمن: اي صح كلامك غير هادي عصبتني دارتلي تأمين
ميرال رجلها ابدت توجع فيها وهيا تخفي في الوجع بالابتسامة
مهاد: كلمكم ايهم
ايمن: لالا
مودة: هي الي حوشكم ايمن
ايمن: ميرال فيك حاجة
ميرال هزت راسها بي لا
ايمن: رجلك توجع فيك
ميرال عيطت باعلي صوت: ااااااااااااااااااااااااااااااااااه
وطاحت لوطة
ايمن: ميرال ميرال
ميرال: اااه رجلي😭😭😭
ايمن: خلاص حبيبتي هي نمشو للمستشفي
مهاد طلعت من بحداهم ومودة تلبس في ميرال في العباية
مهاد: ايوا انس
انس: به قلبك حن اعليا وكلمتيني
مهاد: انس صهيب في المستشفي
انس: خيرك شني في
مهاد بعياط: تي صهيب في المستشفي
انس: اي بري للمستشفي تو نمشي الي حوشهم ونجيبه للمستشفي غير بري بس
ايمن ولع سيارته وامشو للمستشفي وميرال في السيارة تبكي
وصلو وحطوها في السرير ويستنو في صهيب
مهاد: انس وينكم
انس خاش هوا وصهيب: اهو جينا
مهاد: به اعلاش راد اعليا اتعبيلي في الرصيد انته
انس: تو نعبيلك اني
مهاد: خليه عندك
صهيب: هي اركبي معاي انديرو صورة
ميرال: مش قادرة نوقف
ايمن قامها
ميرال: شني ادير انته😭
ايمن: صهيب وين هي
صهيب: القحني
وامشو كلهم
حطها ايمن وطلع وصورو رجلها
صهيب: هي كملنا
خش ايمن
ايمن: هي
ميرال: خليني ننزل بروحي
هي نزلت وحاولت توقف وجت طايحة شدها ايمن
ايمن: مهما اديري مفيش هروب من حضني
ميرال: اوووف وقامها ايمن وطلع بيها نزلو لوطة والناس ايشفولهم حطها علي السرير وكعمز بحداها وهوا شاد يدها
مودة: ها يادكتور طمنا
صهيب يشبح للصورة: شني بنقوللكم
مودة: قول
صهيب: لازم اتحافظ عشان العظم ينجبر ولا انديرو عملية نركبو بلاتين
ميرال: لالا نحافظ علي روحي
صهيب: اوك دارلها جبس ورحو
انس: ياصهيب كلمتني
صهيب: شني قاتلك
انس: خيرك حمار كلمتني بش انجيبك من حوشكم
صهيب: نحسابه تهدرز اعليك
انس: هيا هادي اتهدرز اصلا
صهيب: برا اخطبها وريح راسك وريحني معاك
انس: يصير خير ووصل صهيب لحوشهم وروح حتي هوا وقعد يفكر في مهاد لين رقد
///////
ميرال اول موصلو ركبت دارها ورقدت طول
ايمن: باللهي يابنات ردو بالكم اعليها
مودة: هي تصبح علي خير وخشت
مهاد: ايمن كان ايهم كلمك قولي به
ايمن: انشالله وامشي روح
خشو رقدو البنات
////////
الصبح ناضو البنات امشو للجامعة ومودة امشت للخدمة
مهاد: صباحو
اسراء: صباح الورد خيره الحلو زعلان
مهاد: شي شنجو
اسراء: تمام
امشو الكافيتيريا وكعمزو
اسراء: امس كلمني محمد
مهاد: اه وشني قالك
اسراء: قالي عادي انهدرزو مداما غذوة المقابلة صقرت اعليه التلفون وحطيته حظر
مهاد: اه وشني قلتيله
اسراء بعياط: مهاد خيرك
مهاد انخلعت: خيرني
اسراء: انقولك صقرت اعليه ودرتله حظر اتقوليلي شتي قلتيله
مهاد: اسراء سمعتك غير نتسهوك اعليك
اسراء: شنجو ميرال
مهاد: امس نخلعنا خلعة في اليل
اسراء: احكيلي
مهاد ابدت تحكيلها
//////
ميرال: زيد غادي نركب بروحي
ايمن: نشدك بس
ميرال: لالا
ايمن: الدكتور قالك حافظي علي روحك الا عاد لو تبي انتي اديري عملية😏
ميرال شدت في تيشرته: لالا منبيش اندير عملية
ايمن ضحك وقامها
ميرال تندب: حي العار نزلني شني بيقولو الناس
ايمن: ايقولو حبيبها وخطيبها وراجلها
ميرال غطت وجها بالوشاح
ايمن: ههههه متبيش يعرفوك
ميرال: اي
ايمن: هادي حبيبتي ميرال
ميرال ضرباته
وفي ولد نازل من الدروج : ربي يحفظكم لبعض😂
ميرال: عاجبك هكي
ايمن: 😂😂
ودخلها للقاعة وكعمز بحداها في الكرسي
ميرال: نوض اقلب وجهك
ايمن: لا
ميرال: بارد
ايمن: طالعلك
ميرال: اوووف وخش الدكتور وابدي يشرح
////////
عند مودة
مودة: اه ياراسي باللهي قهوة
الولد: حاضر
ادم: وقلنا السلام عليكم
مودة شبحتله: وعليكم السلام
ادم: شني ايدير الحلو اهني
مودة: ناخد في قهوة
ادم: امممم مفروض اليوم منديروش مقابلة صح
مودة: اعلاش
ادم: نقرو الفاتحة ونروحو طول
مودة اخدت القهوة تشرب وتشبحله
ادم: بالحق نقرو الفاتحة موافقة انتي
مودة: هههه موافقة
ادم: هي تعالي اقرا معانا الفاتحة خلي انروحو
الولد ابدي يقرا في الفاتحة
مودة: 😂😂 تي قلت في وقت المقابلة مش توا
ادم: اسكتي خلي نقرو
مودة: 😂😂😂 وامشت وخلتهم
ادم: منور علي الفاتحة حتي تكسب اجر
وامشي يجري لحقها وقعد يهدرز هوا وياها
///////
عند ايهم
مكعمز هوا والولاد ايهدرزو
طلال: تعرفو ياولاد كرهت صوت الضرب
ايهم: ماعندنا مانديرو ياصاحبي
خالد: جعان ياولاد
عبدو: من الدقيقة الي حطينا فيها رجلنا اهني وانته جعان خيرك ياراجل ياكل معاك دودو الداخل ولا كيف
خالد: مبردك نوض ديريلي حاجة ناكلها
عبدو: بالك الخادمة متاعك نوض دير لعمرك
خالد: ااوووف الولد هادا مفيش منه فايده وخش يدير في نص
كان في قلب كل شخص وجع اكثر من التاني
< وجعهم كبير هلبا هادا السبب الي يخليهم يمشو يحاربو مفيش حد يمشي للموت برجليه لكن لو خسر حاجة غالية اعليه اكيد يبدا يتمنا للموت ايجيه >
////////
روحو البنات من الجامعة وجت ام اسراء ونظمو امورهم وجو الولاد
ام اسراء: مودة
مودة: نعم
ام اسراء: هي بنيتي بري
مودة وقفت وتاخد في شهيق وزفير
مهاد: تي بري وانتي اتقول بتخشي الي عملية
مودة: خزي ياكلبة وامشت خشت
مودة: السلام عليكم
ادم& اب اسراء: وعليكم السلام
اب اسراء: كعمزي بنتي
كعمزت مودة مقابلة ادم وناض اب اسراء طلع
ادم: احم احم
مودة: رد بالك اتموت😂
ادم: لا بعد قليل لكن توا خلي نقرو الفاتحة ونروحو
مودة: اي شني شروطك
ادم: ولا شي
مودة: به اعلاش مدايرين المقابلة
ادم: بش انشوفك اهم حاجة امي وخوتي وبس
مودة: اهم حاجة خواتي وبس
قعدو يهدرزو شوي
اسراء: تي هيا اطلعو
مهاد: خيرك مستعجلة انتي
اسراء: نبي نشوف محمد
مهاد: هادا كله امس صقرتي اعليه
ميرال: مهاااااااد
مهاد: ها ها
ميرال: جعانة
مهاد: ارقدي ترا فكيني منك وامشو وقفو قدام باب المربوعة ويسمعو فيهم
مودة طلعت
مودة: شني اديري اهني انتي وياها
اسراء: خيرك عطلتي الزفت
مودة: وخيرك مستعجلة انتي
مهاد: تي هيا خشي
اب اسراء: شني اديرو يابنات
اسراء: احم احم
مودة: كح كح وهربت
مهاد: كنا نجرو علي زقرلو( صرصور ) جي اهني
اب اسراء: به هي اسراء يخش محمد وتعالي
طلع ادم وخش محمد
اسراء: السلام عليكم
محمد: 😍😍 وعليكم السلام
اب اسراء: كعمزي يابنتي
وناض طلع
محمد: شني القمر الي مكعمز قدامي هادا
اسراء: تحشم
محمد: تي شني تحشم تو بتبدي حلالي
اسراء: غير ننخطبو قبل
محمد: لالا اختاري يانخطفك يانقرو الفاتحة ونروحو
اسراء تفجرت ضحك وطبعا ضحكتها تسمع الي اخر الشارع
اسراء: 😂😂😂😂
محمد: اسسسسس هي نتكلمو بجدية
اسراء: ههه تمام هي ابدا بجدية
محمد: شني اسمك يااسراء
اسراء: 😂😂😂😂 وووه اعليا جنابي
محمد: 😂😂
اسراء: قوية شني اسمك يااسراء
محمد: خلاص ماهو كله من ولد عمي نسال فيه امنين خطبت شني قلت للبنت قالي قلتلها شني اسمك
اسراء: 😂😂😂😂
محمد ناض يصقرلها في فمها: خلاص اسكتي
اسراء: ههههه به نحي يدك
محمد نحا يده
اسراء: 😂😂😂
خش بوها: صقري فمك وانتي صوتك يسمع العالم كله
اسراء: 😂😂😂 هي سلام وخشت الداخل
اب اسراء: سامحني ياوليدي
محمد: لالا عادي
وتفاهمو كلهم ان تلبيسة بعد اسبوع
مهاد: خيرك تتضحكي
اسراء: سمعتوني
ميرال: اي
اسراء: حي عنده الحق امنين قالي بوي صوتك يسمع العالم كله
مهاد: به ضحكينا اعلاش تتضحكي
اسراء: قالي شني اسمك يااسراء
كلهم: 😂😂😂😂
////////
عند ايهم
طلال: ياولاد طيارة فوق
خالد ابدي يضرب اعليها
وكلهم يضربو اعليها
ايهم: طلاااااااال
خالد: ايييييهم
عبدو: 😨
____________________________
اعطونا رايكم فيها
انشالله عجبتكم
وشني تتوقعو صار وليش عبدو انصدم