حوش البنات

حلقه الخامسه

رواية حوش البنات 🙋‍♀️🙋‍♀️🙋‍♀️
للكاتبة: لولو حبيب❤
للكاتبة: Fatiam _ El ❤ فاطمه ابراهيم❤
_________________________
مهاد: الو حيوانتي
ايمن: مهاد
مهاد: نعم مني معاي وين ميرال
ايمن: متخافيش رجلها وجعتها هلبا رفعتها للمستشفي تعالي تلقينا في المستشفي
مهاد: به به اما مستشفي
ايمن: مستشفي&&&&&&
مهاد: تمام مسافة الطريق بس وسكَّرت
اسراء: خيرك يابنتي
مهاد مصدومة
اسراء: هي وضربتها كف
مهاد: خيرك
اسراء: انتي الي خيرك ومستشفي شنو
مهاد: ميرال في المستشفي رفعها ايمن
اسراء: من ايمن
مهاد: ولد جيرانه
اسراء: هاداكا الي الطرف الي يجيب فيها الاول علي الدفعة
مهاد: اني مستغربة كيف ميرال مشت مع ايمن والمشكلة الزوز يكرهو بعض
اسراء: هيا نمشو وتو تعرفي بعدين
وطلعو يجرو ومهاد خايفة علي اختها واول مرة يبان خوف علي وجه مهاد
________________
انس قعد يراقب في مهاد وشبحها تتكلم في التلفون وبعدين شبح خوف في وجها وشبحها طلعت تجري لحقها شبحها خشت للمستشفي
طول طلع تلفونه وكلم الدكتور صهيب
انس: ايوا صهيب
صهيب: ياراجل مش فاضي عندي حالة
انس: به اعلاش رديت امالا
صهيب: عارفك كان مردتيش بتقعد شادها تشرين وراه بعضه
انس: به المهم ريتها البنت الي يومتها جت مع اختها الي طاحت في الدروج ورجلها انكسرت
صهيب: اي خيرها
انس: توا خشت ترا شوفها اعلاش جت
صهيب: ماهو هادي هيا الحالة الي عندي
انس بعياط: قصدك مهاد
صهيب: لا اختها الي رجلها مكسورة اهي عندي وهيا اكيد جاية عشان اختها خيرك تفهم علي الدور 700
انس: لا نقص شوي حتي الدور 200 كويس
صهيب: لا هكي هلبا 500 هكي تمام
انس: به برا شوف البنت وهاني جايك اني
وخش
_____________
اما عند مهاد طول خشت الي اختها ولقتها مكعمزة علي السرير وينحولها في الجبس وهيا خايفة وايمن واقف بحداها
مهاد طول امشت الي اختها حضنتها❤
ميرال: وينك يافرخة
مهاد: اعلاش مكلمتنيش راهو جيت رفعتك اني
ميرال: اني رجلي كانت توجع فيا شوي وبعدين قلت اعلاش انكلمك اتجيني ننزل بروحي وانشد في الحيط امشي واني نازلة رجلي وجعتني هلباوحسيت روحي بندوخ واخر حاجة ريتها ايمن شدني ومعاش نندري علي روحي فقت لقيت روحي اهني
مهاد: به ليش نحولك الجبس
ميرال: بركبولي جبس ثاني ياغبو
اسراء: ريتي ياغبية انتي قلتي كيف قلتي اني مستغربة كيف ميرال مشت مع ايمن والمشكلة الزوز يكرهو بعض
ميرال: تي كان نندري علي روحي والله مانركب مع واحد مغرور زي هادا بارد😒
ايمن سمعها: تعرفي اني الحمار الي درت فيك الخير بدل متقول شكرا وطلع
مهاد واسراء وصهيب شبحو الي ميرال هكي 🤨
{😂😂 طبعا بتقولو شن دخل صهيب في القصة بس هوا كان ينحي في الجبس وقاعد واقف بحداهم وسمع كلامهم 😂😂}
ميرال: خيركم تشبحولي
مهاد: والله ماتتحشمي
اسراء: غلط الي درتيه
صهيب: حرام اعليك الولد ساعدك
مهاد: تعرفي لو مشدكش( مسكك) راهو ابصر شن صار فيك راك طحتي في الدروج ومرات حتي اتموتي
ميرال: متت متت الله يرحمني
مهاد: اوف النقاش معاك عقيم
ومشت بتطلع انخبطت في انس الي كيف خاش
مهاد: دير عيون وقامت راسه شبحاته
انس: كانه الصدف كثرت هلبا وزوتدها
مهاد: ياربي شن الناس الي وين مانمشي نلقاهم ... قولي مدايرنلك لصقة فيران وانته لاصق فيا
انس: بالك انتي مدايرتها😏
مهاد: باللهي حول حتي اني فاضية نتكلم معاك
وطلعت
وخش انس
انس: السلام عليكم
اسراء& ميرال& صهيب: السلام عليكم
انس: انشالله لاباس ميرال
انس بينه وبين نفسه: حي عليا فضحت روحي
ميرال شبحتله: منين عرفت اسمي ؟
انس توتر: لايومتها امنين طحتي اختك قالت اسمك
ميرال: منذكرش قالت اسمي
انس: لاقالت وبعدين انتي لاهية في رجلك ولا هية في اختك هاداكا الوقت😂
ميرال: اه ممكن واني مسمعتش😂
اسراء شبحتله هكي😏
______________________
اول ماطلعت مهاد القت ايمن في باب المستشفي يدخن ويتكلم بروحه وقفت وراه تسمع فيه
ايمن: اوف منقدرش نروح ونخليهم بنات بروحهم انروح بيهم معاي وخلاص ... اوف منها ميرال بتجيبلي الجلطة... سكت وبعدين بدي يتكلم .. زعما انحبها هادا اعلاش درت هكي .. شني اتحبها ياراجل الا هادي تي هادي اكبر عدوة ليا مستحيل ايصير الشي هادا مستحيل ياربي متورطش قلبي في حبها انحب كلب وابوبريص ولا نحبها هيا
مهاد تضحك من دون صوت😂
مهاد:ببببببببببخ
ايمن نط في مكانه : خيرك
مهاد: ههههههه خواف
ايمن: باردة
مهاد: باللهي اعليك
ايمن: امم شن رجلها
مهاد: رجل مني
ايمن: رجل اختك الباردة يعني مني
مهاد: معاش اتقول اعليها باردة خيرلك
ايمن: مرات انحس فيك ولد
مهاد: المهم جيت بنشكرك علي الي درته لو مش منك مش عارفة شن كان حيصير
ايمن: لا عادي هادا واجبي.... اهو نستنا فيكم بتروحو معاي راهو
مهاد: لاعادي تو انكلمو مودة
ايمن: لالا عادي اني جبتكم تروحو معاي معناها
مهاد: جبت ميرال مش اني
ايمن: عادي حتي انتي معاها
مهاد وهيا بتخش: ع فكرة اقرا كويس السنة هادي لانه ميرال تقرا هلبا في الحوش رد بالك😏
وخشت وهيا تتضحك
انس: شوره الحلو جوه رايق
مهاد: واتعكر بعد ماشفتك
انس: 😒😒 باردة
مهاد: طالعتلك
انس: اني جنتل وصقع اعليك مش بارد زيك
مهاد: مغرور😒😒
وخشت ودارو جبس تاني الي ميرال
وهما طالعين اسراء جاها خوها روحه بيها
مهاد: عندي ليك خبر
ميرال: شنو
مهاد وقفت في باب المستشفي : ريتي السيارة هديكا بتروحي فيها
ميرال: لاااا نروح علي رجليا ولا نروح معاه
مهاد: 😂😂 كان قدرتي روحي بالجبس الي في رجلك
ايمن: هي شنو يابنات وشبح الي ميرال: 😒
ميرال: 😒 شكرا علي الي درته وتو نروحو بروحنا
ايمن: كان قدرتي تروحي علي رجليك هي
مهاد: هههه هيا ميرو
ميرال: ياربي ومشو ركبو معاه وصلهم ونزلو للحوش
مهاد: شكرا ايمن سامحنا في تعبك
ايمن: تعبكم راحة
وامشي وهما خشو للحوش
ميرال: اه رجلي
مهاد: كعمزي تو انطيب اني غدي
ميرال: زعما تقدري
مهاد: وخيرك هازية اعليا
ميرال: هههه بدلي حوايجك واني انقولك شن اديري
مهاد : تم ركبت بدلت ونزلت تجري
ميرال: بشويا يابقرتي خير مطيحي ويصريلك زي
مهاد: مانيش عمياء زيك
ميرال: شنو غير رجلي توجع راهو نضت وريتك العمياء تو اتجي مودة انقولها
مهاد: به وانتي كل شي اتعاودي فيه
ميرال: مهاد😡
مهاد: 😂😂نبصر خيرك
ميرال: هي شن تبي اطيبي
مهاد: كسكسي
ميرال انخلعت: اه طول كسكسي خاشة علي القوي طول
مهاد: عادي
ميرال: هي طلعي الطنجرة والكسكاس متاعها
مهاد: في اما دولاب
ميرال: وه متعرفيش حتي في اما دولاب كيف بطيبي كسكسي ترا
مهاد: بدل مترفعلي معنويات
ميرال: هههه هي مهاد مهاد تعرف اطيب هي مهاد مهاد ... كويس هكي ارتفعو معنوياتك😂😂
مهاد: 😂😂😂😂 ثانكيو
ميرال: هههه وقعدت اتقولها ومهاد اطلع وادير مرة يضحكو مرة يتعاركو
_______________________
عند مودة طلعت من الكوافير وهيا مروحة صارت عركة قدامها وبدو يطلعو في السلاح وهيا معاش عرفت كيف ادير
وفي نفس الطريق كان ادم وصاحبه مروحين حتي هما وشبحو العركة
وابدو يضربو بالرصاص ومودة مصقرة وذانها وتبكي😭
مؤيد: ادم شوف البنت هديكا
ادم شبحها عيط: مودة
مؤيد: مني مودة؟
ادم: مؤيد انته روح بسيارتي لحوشنا واني بنروح بيها
مؤيد: غير تعالي هادي مودة الي تحبها وبنت جيرانكم
ادم: اي اي ونزل يجري الي مودة
ادم طقطق اعليها من المرش
مودة قامت راسها شبحاته
مودة فتحت الباب طول: ادم
ادم مسح دموعه : خلاص متبكيش اركبي غادي واني نروح بيك
مودة ركبت وهوا ركب وابدي يسوق يجري قريب يقلب السيارة
بعدو هلبا علي العركة ودرس شبحلها
ادم: انتي كويسة مافيك شي
مودة: اي الحمدالله
ادم شد يدها: متخافيش اني معاك
مودة تحشمت سحبت يدها
ادم ابتسم واعطاها اميه وابدي يسوق وصلها للحوش
مودة: شكرا ادم
ادم: هادا واجبي يامودة
مودة ابتسمت وجت بتخش
ادم: مودة
مودة تلفتت : نعم
ادم: عندك واتس
مودة: اي
ادم: اوك توا افتحي نت طول وتو انكلمك
مودة: بس امنين جبت رقمي
ادم: سالت علي رقمك واخديته
مودة: اه تمام
وخشت مودة نحت سبيدروها
مودة: السلام عليكم
ميرال ومهاد: وعليكم السلام
مودة😱: هادا شنو
ميرال: هيا ابدت
مهاد: اي اني
( طبعا المنظر الي شافته مودة انه مهاد وميرال مبزعين علي بعض اميه تيشرت متاعهم يعوم ويغطس😂)
مودة: يلا فوق بدلي حوايجك انتي وياها قبل متمرضو
مهاد: حقا في قصة طويلة وعريضة بنقولهولك
مودة: به اركبو بدلو قبل
ركبو بدلت كل وحدة منهم طبعا ميرال بعد جهد جهيد
لبست ونزلو مهاد اتسقي في الغدي وميرال تحكي الي مودة
مودة حضنتها: اه ياوخيتي خيرك مكلمتنيش
ميرال: منبيش نخوفك اعليا
مودة: امشيت اليوم الي الكوافير
مهاد: وشن اديري غادي