#سجين_و_رُوح.
الحلقة الثانية
//
//
لايييييييييك قبل ماتقرو
//
كملنا و مشينا شور الزنزانه
طبعا في اي سجن عادي في العالم يكونو مقسمين المجرمين علي حسب الجرائم بس هنا ملخبطين الدنيا ..
غسان هله ناس معروفين و باته محامي معروف وعنده مكتب محاماة ، ما عندش غير غسان و اخته ... غسان جاي متاع مشاكل
قبل ثلاث سنين خشيت انا للحبس بعد خشتي بست شهور جا غسان وقعد ثلاث شهور ما تعرفنش علي بعضنا واجد داير عركة و ضارب ولد جيرانهم وشكو عليه وبعد فترة طلعه باته بكفالة... طلع وبعدها بشهرين جا و تهمته كانت عركه 😂 ... برضو تعارك مع واحد و كسرله يده وكان كسر عميق مش كسر عادي وتسببتله في ضعف في عضلة اليد و الحمد لله ماتسببلش في عاهه عشان كان ح يقعد ١٠ سنين 😂
وله سنتين معانا و طبعا مش هذي حد العقوبه بس باته دفع جزء من الكفالة عشان يطلع قبل بوقت علي امل انه يكون تربى ... فالسنتين هذينا غسان قعد رفيقي
طارق ومحمد برضو نفس التهمة عرايك و ضرب ولهم سنة بس هنا
وانا ليا هنا ثلاث سنين !
مسكت الكاشيك و درت خط عالساس
غسان >> 1270 يوم
انا >> ايام عدن من عمري !
غسان>> تفرج يا صاحبي
انا >> ان شاء الله ان شاء الله
خشيت وحطيت راسي عالمخدة
//
//
قبل اربع سنين
امل >> اليوم اول يوم جامعة
انا >> امتي تكملي
امل >> عال ٢ محاضرتين اليوم بس من ال ١٠ لل ٢
انا > تمام
كنت ماسك و الساعه ٩ كمل وقت شغلي ... بحتت في دبشي لقيت روحي لابس لبسة الشغل ! اللبسة العسكرية ... فكرت نمشي ولا ما نمشيش
ولعت السيارة ومشيت شور الجامعة درست وشفتها خاشه من الباركنق وصلها باتها .. خليته لعند يعدي ونزلت
امل>> انت شن ادير هنا ؟؟
انا >> يعني اول يوم جامعة ومانجيش نشوفك
امل ضحكت
انا >> فطرتي ؟
امل >> لا طلعت مستعجلة
انا >> تعالي
امل>> را يمسكوك
انا بحتت فاللبسة الي لابسها وبحتت فيها
امل>> هههههههههه متوترة سوري
خشينا شور الكافيتيريا وفطرنا وبعدين وصلتها المحاضرتها و روحت للحوش
//
//
قعدت نذكر فالايام كآنهن امس ، ولا كآنه مر عليهن اربع سنوات ... كيف قدرت انها تنسي كل التفاصيل اللي بيناتنا بسهولة هكي و تقرر انها تبعد
عشان ظرف مش بيدي صاير معايا ... كنت متأكد من روحي لوصار معاها اي ظرف مستحيل اني نسيبها ومستحيل اني نبعد عنها وحانفهم ظروفها ونقدرهن
