#سجين_و_رُوح.
الحلقة السادسة
.
.
.
انا >> كان كيفه كيف اي يوم عادي نضت متأخر كنت الليله لي قبلها ماسك وروحت وجه الصبح
روح >> كمل
انا >> يعني نحكي كل حاجه ؟ شن دخل كلامي فالقضية وبعدين مش حانذكر يوم مر عليه ثلاث سنين
روح>> انا محاميه قصقاصه :) وبعدين اليوم هضا بالذات انا متأكده انه مطبوع في ذاكرتك
انا >> وانا متهم مانحبش نحكي واجد
روح >> صققرر ارجوك :(
انا >> يا دي ام اسمي لما تقوليه خلاص حاضر
ضحكت روح بعد ما عرفت كيف تستدرجني
انا >> المهم نضت العصر دوشت و تغديت و لبست و طلعت كسدت مع شباب اصحابي فالكافي ، قعدنا مكسدين بعدها مشينا لحوش صاحبي لعبنا صوني و طلعت للحوش وانا فالطريق رن عليا علي صاحبي
//
//
قبل ثلاث سنين
علي >> ماسك اليوم
انا >> لالا اليوم ماعنديش شي
علي >> انا ماسك عند الجلاء
انا >> تم
علي >> تجي تكسد بعدين
انا >> لا والله مافيهش نعسان ونبي نرقد
روحت للحوش لقيت فاطمه اختي
انا>> ديري عشا
فاطمة>> ليش ما جبت معاك وانت جاي
انا >> فاطمة بديري ولا ماتبيش
فاطمة>>نقول لا بيش بعدها امك تقتلني
انا >> معناها خلاص خشي ديري 🤷🏻♀️
خشيت للدار غيرت دبشي ورنيت علي امل
//
//
من جهة روح ... لما كان يحكيلي صقر في تفاصيل يوم الجريمة اللي مر عليه ثلاث سنين كنت نبحت فيه ونسمع ماكنتش نكتب عشان عارفه انه ذاكرتي تسجل في كل شي
لما وصل في بارت رنته علي امل رفعت حاجبي وربعت يديا
صقر ابتسم >> نكمل ؟؟
روح >> ليش وقفت
صقر بخبث>> ولا حاجه مرات موضوع امل ما يهمش فالقضية
روح ميلت كتفها >> لا القصة هذي بذات مهمه بكل :)
صقر >> مدام مهمه ف تمام 😂
رنت عليا وطبعا تعاركنا عشان روحت متأخر
حكتلي علي يومها و كانت في فترة امتحانات نذكر ف قعدت نسأل فيها قرت ولا لا
ومدينا فالكلام يومها و طولنا لعند ما صوتها نعس
سيبتها ترقد ... ورغم اني كنت نعسان قبل ما نكلم امل وعلي اساس شويه و نصكر بس خذانا الكلام وطار نومي
روح >> متعودين اطول المكالمه ساعتين وثلاثه؟
انا ضحكت >> يعني مش ديما لعند ما حد فينا ينعس او يكمل الرصيد
روح >> كمل ، بعد سكرت من امل شن درت ؟؟
صقر >> لقيتها الساعه قريب ١ ف خذيت سلاحي ولبست جاكتي وقلت نمشي نكسد مع علي وين ما ماسك
