روايه أنثى متمرده
الجزء العاشر
ⓐⓨⓐⓣ🌹
**********
في اليوم التالي تم نقل أشياء جميله إلى غرفتها في القصر وكانت مجاوره لغرفه يارا وتعرفتا على بعضهما مما جعلهما سعداء جدا .
لم يكن أحد في القصر معهما سوا فيصل وجو .
وبعد ساعه وصل مراد وأمجد ورامز إلى القصر فامرهما فيصل بعدم النزول فجلستا معا .
جميله: انا مش فاهمه انتي هتعيشي معاه هنا .
يارا: انا نفسي مش فاهمه الي بيحصلي بس صدقيني معدتش في حاجه تفرق معايا .
جميله بحنان: ولا يهمك ممكن نبقا أصدقاء بقا.
يارا بابتسامه: طبعا يا حبيبتي .
************
في الاسفل .....
رامز لجو: يعني اختك دلوقتي فوق .
مراد: يا شيخ انا عمري ما شفت اختك دي .
جو: ومش عايزك تشوفها .
امجد: ههههههههههه يبقا موزه بقا .
جو بغضب: لم نفسك يا امجد .
فيصل: بطل انت وهو بقا وقولولي عملتو اي في موضوع صفقه السلاح الجديده .
مراد: كل حاجه تمام وبكره جابر الانصاري هيوصل معاه الأسلحه وكل شئ يتم .
فيصل: هو ده الي انا عايزه .
امجد: بس انت خلي بالك من جابر ده ملوش امان.
جو: مفيش حاجه تهمنا ده ضعيف وجبان .
فيصل: تمام يلا عشان نروح الشركه ونجهز كل حاجه.
خرج فيصل معه جو ورامز وامجد عدا مراد اللذي بقي بسبب اتصال ما اتاه .
في الاعلى .....
جميله: شكلهم مشيو انا هنزل اجيب حاجه نتسلى بيها وآجي .
يارا: اوك هستناكي .
نزلت الدرج وهي تركض بمرح كعادتها لتصتدم فجاه بجسد كبير قوي البنيان تراجعت الى الخلف بسرعه لتنظر اليه باحراج: انا اسفه والله ما اخدت بالي بعتذر جدا .
ماذا تقول ؟؟؟ هو لم يسمعها اصلا يبدوا في عالم آخر لا يستطيع ابعاد نظره عنها يالا هذا الجمال .
لاحظت جميله شروده فقالت: يا استاذ حضرتك كويس .
افاق على صوتها فقال: اه انا كويس انا اسف حضرتك تبقي مين ؟؟؟
جميله: انا اسمي جميله .
مراد بدهشه: انتي جميله اخت جو .
جميله: اها انت تعرف جو ؟؟؟
مراد بابتسامه: طبعا انا صاحبه مراد اهلا بيكي يا جميله .
وفي نفسه: والله اسم على مسمى .
جميله: شكرا ليك بعد اذنك .
انطلقت من امامه بسرعه وهي مبتسمه وبداخلها شعور رائع يتولد في قلبها لاول مره .
اما هو فقد تذكر فيصل وانه سيحاسبه على تأخره فاسرع الى الخارج وركب سيارته ونظر إلى هاتفه يقول كالمجنون: والله الحمدلله ان المكالمه دي جت عشان اشوفها حقك فعلا يا جو تخاف عليها وتخبيها دي ملكه ااااه منك .😂😂
**************
في بيت كرمه خرجت من المشفى وعادت إلى بيتها مع مروان وامه بعد ان رفضت ذهابها معهم رغم اصرارهم الشديد .
دخلت البيت وجلست معهم وبعد نصف ساعه طرق باب البيت بقوه ففزعت .
وقف مروان ليفتح الباب ليتفاجأ برجال يرتدون جلبيات واسعه ويبدوا عليهم القوه.
مروان: اهلا ازيك يا عمي ياه يعني تيجو من الصعيد لينا مخصوص اي الزياره الحلوه دي.
الرجل: كيفك يا ولدي انا سمعت بالي جرا لبت اخوي هو صوح .
مروان: اتفضل الاول .
دخل ومعه ثلاثه رجال آخرون .
خرجت اليهم كرمه لتركض بسرعه وهي تبكي الى ذلك الرجل: عمي حسن وحشتني يا عمي .
ضمها اليه وهو يقول: كيفك يا بنتي اي الي جرالك اكده .
لم تجبه لانها اخيرا الحضن اللذي عوضها عن والدها وغيابه ....
جلست معه وقال: عاوز اعرف اي الي حصل عاد وكيف يارا بنت المنشاوي يحصلها اكده ؟؟
مروان: يا عمي ممكن اشرحلك بس .
وحكى له كل شئ رغم تعجبه من الامر إلا انه لم يبدي اي رده فعل .
حسن بلوم: نفوخها ده صعيدي اصيل لازم تاخد بتارها وتار ابوها .
كرمه: هو ده إلي انا عايزه افهمه يا عمي اي هو التار الي على فيصل وابوه ل يارا اختي .
حسن: هجولك يا بنتي ...
فلاش باك ⬅
قبل عشرة سنوات بينما يارا في 11 من عمرها كانت لا تزال في الصعيد مع والديها وكانت كارمه في التاسعه من عمرها.
كان والدهم يعمل في التجاره مع جدهم حتى اتاه فرصه للعمل في القاهره فاستاذن والده وسافر.
لم تكن العلاقه متوازنه بين زايد وبين زوجته كريمه لان كريمه لم تحبه قط .
وبدأ بالعمل في شركه كبيره وقام بتوسيعها حتى اصبحت من اهم الشركات في مصر .
وبعد ظهور عصابه مافيا في مصر خاف كثيرا على بناته وحاول حمايتهم لانه كان ذا سلطه ونفوذ وبالتأكيد سيكون من اهداف تلك العصابه .
زايد: كريمه مش عاوزك تخرجي ابدا من البيت لوحدك انتي فاهمه .
كريمه: لا والله انا هخرج براحتي وانت مش هتمنعني يا زايد .
زايد بغضب: نعم مين هو ده الي مش هيمنعك طيب ماشي مفيش خروج من البيت خالص وهشوف كلام مين الي هيتنفذ .
كريمه بغل: انا بكرهك يا زايد وهندمك على كل الي عملته فيا .
تركها زايد وخرج لاجتناب ضربها او اذيتها.
اما هي فقد امسكت بهاتفها واتصلت باحدهم .
كريمه: الليله نفذ الي بينا .
المتصل: وهديتي انتي زي اتفقنا .
كريمه: طبعا يا حبيبي بس خلصوا عليه ...
وفي تلك الليله هجم مجموعه من رجال تلك العصابه على بيتهم وقتلوا زايد بوحشيه امام ابنتيه ومن بعدها فقدت كرمه ذاكرتها فلم تتذكر ما حدث .....
أما يارا فقد زاد الحقد بداخلها وتواعدت ان ترد لهم التار عاجلا او آجلا .
وبعد تلك الحادثه باشهر تزوجت كريمه من اكرم اللذي كان يسعى خلف يارا بشهوه حقيره ولكنها لم تسمح له وابت ان تكون منهم رغم الأموال التي عرضوها عليها وسعت لدراسه الحقوق حتى اصبحت بما هي فيه .....
باك ➡
كرمه بصدمه: انا مش مصدقه يعني ابويا مات مقتول على ايد العصابه امال ليه بتقولولي انه مات مريض ليه .؟؟؟
حسن: يا بنتي اختك الي اصرت تعمل اكده وتكدب عليكي عشان متفتكريش حاجه .
كرمه: والعمل دول اكيد هيقتلوها عمي انا لازم الاقي اختي يا عمي لازم .
وانهارت في البكاء الهستيري .....
ضمها مروان إليه وقال: كرمه حبيبتي هرجعهالك والله لارجعهالك .
حسن: وانا مهرجعش الصعيد تاني الا اما اطمن عليها ومتجلجيش يا بنتي بعون الله هترجع .
ثم تركهم وغادرالبيت وهو يفكر كيف يستعيد تلك الامانه التي ضاعت منه. . ......
************
في المساء في القصر يارا جالسه في الحديقه تفكر في اختها وكيف هي حالتها الآن تتمنى ان يخبروها انها بخير ...
سمعت صوت احد ما خلفها وقبل ان تلتفت قالت: فيصل صح .
ولكن الصوت اللذي اتاها غير ذلك: لا مش صح ..
التفتت لتجد جو واقف ينظر اليها وقال: آسف لو ازعجتك بس ممكن نتكلم ..
يارا: اها بكل تاكيد اتفضل يا جو ...
انتهى الجزء العاشر
انا عارفه ان الحلقه قصيره جدا بس والله بحاول اطولها على قد ما اقدر .....
يتبع.......
أنت تقرأ
روايه أنثى متمرده. بقلم/( رفيقه الكلمات آيات محمود )
Actionروايه أنثى متمرده اقتباس......... ⓐⓨⓐⓣ🌹 *********** قلبها قاسي لا يلين تربت على الشده ولا شئ يهين فهل يأتي اليوم الذي يتحرر فيه قلبها من هذا الأسر اللعين ام ان حياتها بين الجرائم ستدوم حتى حين . من قوتها اطلق عليها نمره ومن جمالها وجاذبيتها تمردت...
