ضابط_واربع_بنات
#الجزء_السابع
*╚══════ღღ══════╝
كان معن عم يدقق بملامح طارق الغاضبة وهمس بتوتر : لسا مافي دليل كافي لحتى نتهمها ولو كانت هي اللي عملت هيك لشو طلبت الشرطه
طارق ببرود بيعكس البركان اللي بداخله : انت ماسمعت بالمثل يقتل القتيل وبمشي بجنازته المثل منطبق عليها.....
معاذ : قصدك انه رهف القاتله ؟؟!طيب ليش وشو مصلحتها ومين الشخص اللي قتلته
طارق : بس يوصل تقرير الطبيب الشرعي منعرف هوية القتيل وبعدا منعرف ليش قتلته واحتمال ماتكون وحدها
معن : قصدك البنات معها
طارق : هدول شله بيعملو كلشي سوا انا غلطت وقت امنتلهم
معن : لاتتسرع طارق ..انت انتقلت عالمخابرات من جديد حافظ على مركزك ولاتفوت الامور ببعضها
معاذ : انا من رأيك معن لازم نتأنى ونتأكد
سكت شوي وبعدا حكا… .لحظه اتأكد.
طلب احد الحراس اللي كلفهم بمراقبة البنات رن رن وبعدين فتح الخط.
طارق بنبرة جادة : البنات اللي كلفتك تراقبهم طلعوا اليوم شي
المخبر : اي سيدي الصبح راحوا ع المول و بعدين طلعوا الكل بالسياره و راحو ع بيت ما بعرف لمين وبعدا بقيوا فوق وبنت وحده طلعت بالسياره وراحت و كان باين عليهم التوتر.
طارق : وبأي مول كانو
تمتم الاخر : ف*******.
ابتسم بخبث و سكر الخط واطلع لمعن و معاذ و اردف : شفتوا قلتلكم .
معن : بس يا طارق هي بنفسها طلبت الشرطة.
طارق بحدة : ولما طلبت الشرطة ليش هربت ليش ما اجت قدمت بلاغ ليش مابلغتني الي وانا بتصرف
معن : يمكن تكون....
قاطعه طارق وهو بيقوم وبيلف ورى مكتبه : انا رح اعرف الجواب بنفسي تعالو معي....واياكم حدا يعرف بالمعلومات هي كلامي مفهوم.
معاذ بجدية : اكيد لا تشغل بالك
طلع طارق من القسم ووراه معن ومعاذ وركبوا السيارة و انطلقوا بسرعة فائقة.....
كان طارق معصب وعم يكز ع اسنانه وعيونه داميه من الغضب
اطلع عليه معن وحكا بضيق : من عقلك شاكك بالبنات
طارق : بحربي هي انا بشك بنفسي وما عندي وقت للمشاعر
معاذ : حرام عليك نحنا ما شفنا منهم شي
تمتم طارق بهدوء : ماتغرك المظاهر يا معاذ انا من الاول ماكنت مطمنلهم وبعرف انهم رح يجيبولي مشاكل خاصة بعد هروبهم من السجن بس للاسف محتاجهم لاوصل للحقيقه
معاذ بخفوت : براحتك.
*╚══════ღღ══════╝
فتحت رهف عيونها بفزع وقت سمعت طرق الباب بعنف انتفضت و تكورت عحالها من الخوف
رهف بخوف و بكاء : مين...اللي بيدق هيك عالباب انا خايفة.
لين : اهدي شوي وخليكي طبيعيه انا رح شوف مين بس اوعى تبيني خوفك.
اومأت راسها ببطئ وشدت الغطا عحالها… وتحركت لين بخطوات سريعه وفتحت الباب
لين بصدمه : حضرة الضابط
شهقت لارا وقامت من مكانها وهي شايفه طارق بيدفع الباب بقوة و بيفوت ووراه معن ومعاذ
لارا بهمس : طارق !!!
لين بفزع : شو في وليش هيك فايتين متل القضى المستعجل .
طارق بهدوء : وين رهف
لين :
لف طارق انظاره بالغرفه وشافها متكوره عحالها وقاعده عالكنبه وعم ترجف… . كز ع اسنانه وتوجه لعندها بسرعة ووقف قدامها
رهف بتوتر : ششو في لي هيك عم تطلع عليي
طارق بتهكم : انتي عارفة كويس شو في وليش نحنا موجودين هون....
رهف : لا مابعرف شي
