#ضابط_واربع_بنات
#الجزء_الثالث
#بقلم_امل_احمد_سلوم
*╚══════ღღ══════╝
وصلت لارا لمكتب الضابط طارق ودقات قلبها ماعم تهدي… دق العسكري عالباب ووصل لمسامعها صوتو لتنحبس انفاسها وينخطف لونها
طارق : ادخل
العسكري : احترامي سيدي السجينه لارا
طارق : تمام فيك تنصرف… . وانتي لارا تعي اقعدي
كان مسلط نظرو عليها وهو عم يحك دقنه ويفحص تفاصيل وجهها
لارا بقلبها : رح ياكلني بعيونو اكيد بيحبني 😍
طلعها صوتو من احلامها وهو بيمد ايدو وبيعطيها صورتهم سوا
طارق : وهي الصوره ياست لارا مبسوطه
مسكت الصوره بسرعه وعيونها عم تلمع من الفرحه وانفاسها عم تتضارب بصدرها
لارا : حلوه… حلوه كتيررررر شكرا حضرة الضابط
طارق : باقيلك تلات ايام وتطلعي افراج
نزلت عيونها بالارض 😔 وهزت راسها بدون جواب
طارق : ليش مابدك تطلعي شو السر يلي مخليكي تحبي هالمكان
لارا : انت
طارق : شو ؟؟!!
لارا : قصدي انت موجود هون وانا تعودت ادربني وازا طلعت مارح كون قادره كفي تدريباتي
طارق : ازا كرمال هيك لاتشغلي بالك رح تكفي تدريبات
لارا : مابدي حدا يدربني غيرك
رفع حاجبه ب استنكار : بس انا ماقلت في حدا غيري رح يدربك
لارا : يعني رح تخليني هون
طارق : لا رح دربك بشكل شخصي انتي وانا وبس
لارا بقلبها : اتاريك واقع لشوشتك بحبي… . اه منك خجلان تقلي بدك تلتقي فيي لوحدنا وعم تتحجج بالتدريبات 😍
طارق : وين شردتي ليكون مابدك
لارا : لا بالعكس بدي
قام من ورى مكتبه وقعد قبالها : كتير منيح بس كيف رح اعرف وين ساكنه… . قصدي شو عنوانك مين هنه اهلك
لارا : ما بعرف 😔
طارق : كيف مابتعرفي يعني ماعندك اهل ولا بيت تروحي،عليه ؟؟!!
هزت راسها بالايجاب… بس رح عيش بغرفة صديقتي مايا
طارق : مايا !!
لارا : اي هيه سجينه هون ورح تطلع بعد شهر
طارق : ووين هي الغرفه
مسكت لارا القلم وكتبت العنوان يلي حكتلا عنه مايا على ورقه
لارا : هاد هوي العنوان
مسك طارق الورقه وقرأ العنوان… غرفه بحي عادي هيك هيه عم تصعب عليه المهمه
طارق : انا بدي اعرف كل شي عنك من لما وعيتي ع الدنيا لحتى يومنا هاد
بلعت ريقها وانتابها الخوف : حححاضر
*╚══════ღღ══════╝
بطه : عرفتي شو رح تعملي
ريهام : اي طبعا بس انو وحده منن
بطه : هديك الشقره يلي شعراتها ناعمين واشرت ع رهف بعيونها
ريهام بخبث : لك مو حرام هالوجه الحلو يتشوه 😈
