للكاتبة 🍀QABAS ADAM🍀
طلعت النتائج وطلعت طب عام بغداد بس اني ما احب مهنه الطبيب فحولت كليه هندسه معماريه طبعا اني فرحانه كلش بس كل المقربين مقبلو لقراري وبقوا مصرين ويقنعوني انه ارجع واداوم بالطبيه بس اني اعرف تحتاج مصاريف عاليه جدا وثانيا اني ما احب مهنه الطبيب لان خيالي واسع واحب التصاميم جدا بس امي كالت اللي تحبيه سويه واني وراك وادعمك بهالفترة مشفت ابويه كان مموجود كالعاده فرحتي متنوصف بس بالي يم امي خطيه لان حايرة بمصرفي اللي زاد عليهم وملابس احتاج جديده واشياء وكتب ومراجع الله يسهل طبعا بقت فرحتي بغصه لان شفت بعيوني امي الحيرة وبذاك اليوم الجيران اجوي والفرح والجكليت مله البيت والكل فرحان كان بالليل واني بفراشي فكرت اساعد امي لان الخياطه وبهذا عمرهه تعبت عيونهه وبرغم النظارات اللي تلبسهه بس مسكينه تعب نضرهه قررت ارجع للهوايه اللي كل صيف كنت اشتغل بيهه وي امي هي التطريز وشغل النمنم والرسم على القماش وهو هذا اللي راح يساعد امي بالمصرف عليه وعلى كليتي وبهالشكل شغل امي يزيد وراح تزيد الفلوس اللي تجمعهه امي اي الحمد لله هسه ارتاحيت كانت الخطار والجيران وكرايبنه انطوني هدايه مال النجاح وجمعتهن مبلغ زين امي كالت اشتري بيه ملابس لا اني عرفت شنو اسوي بيهن نمت مرتاحه وبعمق بعد فترة من ضغط الامتحانات وانتظار النتيجه طلع الصبح واسمع هوسه واصوات بلبيت لميت شعري وغسلت وجهي ودخلت للمطبخ لكيت (هدى) اختي جايه من شفتهه وجهه معجبني بوستهه ورجلهه حباب قال هله بالشاطرة هي قالت باوعي كل عمرنه وكل كرايبنه تباوع علينه بنص عين ويعيرونه وابونه الله ينطي هو السبب ما نكدر نرفع راسنه انت باجر تروحين للكليه وترجعين لقبولك للطبيه على الاقل نكشح بواحد من هالعايله وباجر عكبه نجيج للعياده ونرفع راسنه مو كل العايله لازم تجدي واحد يساعد الكل اني كلتلهه اني ما احب الطبيه هي قوة وثانيا متعرفين شكد مصاريفهه امي حسيتهه نعقجت هنا لان تعرف تحويلي علمودهه رجلهه تدخل وكال خليهه على كيفهه مو كافي التعب هي بطله وتعرف شتريد تصير دكتوراه بالهندسه متعرفين اختك تاكل الكتب اكل وضحك اني داغير الموضوع سألت امي ماكو ريوك لكيت امي خابزة خبز حار هاي عادته هو قوري جاي والكتلي ديفور ومسويه ريوك ياقلبي حسيتهه محتفله بيه والتمو اخوتي وكعدنه نتريك ونضحك بس هدى عصبيه كل كلمه وتكول بلكي الله يهديك وتقنع بيه شويه وطب ابويه وكعد الغريب بيه من يجي يتعامل ويانه ووي امي عبالك هو معايفنه ولا مفاركنه يعني يعصب على امي ويعيط على اتفه شيء ويأمر باخوتي ويتدخل بكلشي لحد ميخلص الاسبوع يمشي كلشي بالبيت على كلامه واحنه كلنه وامي نسمع كلامه وبنهايه الاسبوع يروح وكانما مموجود يتبخر بالهوا هو وصوته وكلامه واوامرة امي رحبت بيه والكل سلم عليه واني رحت بست ايده وكلتله انه انقبلت هندسه معماريه وهو اتفاجأ لان يعرف بيه اكدر اطلع افضل هنا (هدى ) قررت تضغط عليه كدام بابا وكالتله بقت تلح عليه وتوز بيه بس لان تعرف اذا كال اروح اروح خلص بعد لازم انفذ كلامه ابويه كانما مسمع شيء بس كال تعالي بحضني انت رفعه راس فرحت من حضنته لان كنت كلش محتاجه حضن الاب بس انقهرت من شفت اخواتي معاجبهم هالتصرف الكبير كال احنه غير ما لكينه احد يساعدنه كان هم طلع براسنه خير غير الفكر وما عدنه والي واخويه الثاني جاوب يا بيت بدون اب زين ما جيت لكيتنه بالسجن لو ميتين من الجوع اني رجعت لمكاني حسيت كنت سبب بس الحق ويه اخواني لان اللي يسوي ابويه اي احد ميسويه مثله لان عايفنه ولا يعرف شيء عننه المهم منا كلمه منا كلمه امي غيرت لموضوع عيب نسيبنه كاعد وثانيا امي تتجنب ابويه لان يسكت يسكت وتالي يكول يعيط ويكسر كلشيء كدامه كالت غداكم فاصوليا ومامت تطبخ فاصولياء وتنكع التمن واني طلبت التمن بالشعريه واخويه الكبير طلب طرشي وصفى الجو وتغدينه ونسولف وورا الغده هدى راحت هي ورجلهه ما قبلو يباتون واني كلت لامي اريد اروح للسوق امي عرفت لان عندي فلوس اريد اتسوق كالت لابويه وبدلت وطلعت رحت محل تجهيزات لوازم الخياطه وبديت اشتري اشياء خاصه بالشغل اللي اريد ابديه وي امي على الاقل بالعطله قبل لتبدي الكليه وامي تفاجأت بالبدايه مقبلت واني اقنعتهه واشتريت كلشي احتاجه وافترينه بالسوق واشتريت عشا ورجعنه امي دخلت ترتب العشا وابويه كاعد اخوتي اجمعوا كلهم واني ارتب الاشياء اللي اشتريتهه بعلب صغيرة اشتريتهه من السوق وبعد مكملت جبت دفتر رسم وقلم والوان وبديت اصمم ملابس وفساتين وبلوزات هنا امي كالت اشتغلت المهندسه خياطه وفعلا كانت التصاميم حلوة وتعشينه وساعدت امي بالمطبخ جابت الشاي واني اغسل المواعين اخويه الكبير طلب من امي وابويه انه يريد يستقر ويتزوج وهو كان مجمع مبلغ ومرتب حاله واخويه النجار تكعد يسويله احلى غرفه وامي فرحت طارت بس ابويه مثل ماعجبه الكلام وكام كال ابقى حر مثل الطير ليش تحبس نفسك وراح للغرفه ينام هنا امي انقهرت خطيه واني كمزت من الفرح اريد وحده تجي ويايه للبيت صح (هدى) كانت تقهرني بس هم وجود اخت بالبيت اله طعم ثاني وبقيت اطرز وامي تفصل ملابس على رسوماتي واني ارتبهم نمنم واحيانا صبغ والملابس صارت الكل تجي تاخذ منهه واني فرحت خطبنه لاخويه وجهزت جهاز عروسته واشتغلته بايدي وي امي( هداوي ) حامل وبديت اسوي اني وامي الهه جهاز وارتب بيه امي ومرت الايام ...................يتبع للكاتبة 🍀QABAS ADAM🍀
