للكاتبة 🍀QABAS ADAM🍀
اني بالعطله واشتريت ملابس وداشتغل وادرس وارتب موضوع بحث التخرج واعتني بالبيت وبامي والبيت صار بيت عائله كبيرة اخواني كلهم تزوجوا وخلفو بس اني ممرتبطه بالبيت وكبرت العائله وامي تعبت من المسؤليات والجناين وسوالفهن والولد والاحفاد وابويه اللي تعب ورجع للبيت مو مثل قبل انهد حيله السهر والحياه وحده تعبته واجه عاش ويانه والحياه تمشي مرات يصير عصبي ومرات ميتدخل واني مشغوله وممفكره بنفسي لان الشغل والالتزامات كلش هواي وامي محتاجه والبيت كبر وكل اهلي يحتاجون مصاريف اني الوحيده مصروفي قليل لان ماعندي التزامات وامي تنقهر عليه وتكولي اشتري ذهب واني ما اريد اهم شيء اهلي وامي ميحتاجون شيء بهالفترة كل شهر واجاني خطيب واني اريد اكمل الكليه لان حسيتهه تعبتني لان شغل ودراسه اشتريت ملابس وخيطت اكثر (هداوي) تدول صبغي شعرك غيري لونه واني ما قبلت من بدت الجامعه وباشرت بالدوام وبديت ادرس قررت ابدا ما ادخل الشغل بحياتي اثناء الدوام اريد اركز بالبحث وبالنتائج واريد اكون الاولى على القسم درست ودرست وتمشي الايام ايام ثكيله اريد بس اخلص وبين مكتبه وقسم وصديقات ودراسه وتصاميم بوقت الفراغ خلصت الكورس الاول وعطلت رحت يم اهلي البيت مو مثل قبل الجناين ومشاكلهن والاطفال وعرايكهم واخواني ونقاشاتهم الحاده علمود المصرف وامي اللي تعبانه وهلكانه بنصهم وابويه اللي صعب جدا يسكت بالمشاكل الكبار وميتدخل ويتعارك ويكلب البيت على صغار الامور والمصرف اللي كل واحد من الولد يذبه على الثاني وكل جنه تطلب وتعاند بالثانيه وامي طاحنه روحهه بنصهم وفوكاهه اختي ( هدى )صار عدهه ٣ بنات ووضعهم المادي تعبان وهم تجي وتريد من امي البيت كله هوسه واني متعوده على الهدوء وماكو خصوصيه اليه وانام بالمطبخ لان البيت صغير والولد اربعه وامي وابويه واني خطار اجي ميكدرون يرتبون حياتهم على جياتي القصيرة انام اخر وحده واكعد اول وحده لان نومتي بالمطبخ والهوسه كلش ضجت بهالوقت اكعد من وقت ومن يصير الضحى قبل الغدا اروح انام بغرفه امي وابويه تغدينه وطلعنه العصر نتمشى اني وامي اريدهه تغير جو وتطلع من جو البيت ونتمشى امي وكفت تسلم على ابن جواريننه اني ما اعرفهم لان ما اختلط ولا اجي هواي هو واخته الصغيرة وبقت تسأل عليهم وعلى اختهم الكبيرة وتسولف عيون الولد تراقبني ورجعت امي تسولفلي عليهم تكول خطيه هذوله ماتت امهم مريضه وابوهم ميت من كانو صغار هم ولد بنات ٣ الكبيرة والصغيرة ممتزوجات والوسطانيه متزوجه وابنهم خوش ولد وووووووو الطريق كله تحجي عليهم تمشينه وصلننه للاسواق واني اشتريت مسواك مال عشه كامل وامي تكول بنتي فكري بنفسك كافي تفكرين بيننه اشتري شيء لنفسك كلتلهه اذا انتم بخير ومرتاحين اني مرتاحه امي باستني ورجعننه والعلاليك ثكيله وما اخلي امي تشيل شيء خطيه هي تعبانه صادفنه ابن جيراننه اللي شفناه قبل شويه وسلم وكال اني اوصل العلاليك وما قبلنه بس الح وانطيتهياه وصلننه للبيت اني وامي ومرت اخويه الكبيرة نسوي عشا ونسولف وامي تسولفلهم على جيراننه ونصبوا عليه واخويه اعترض كال ما تزوجه دكتور ومهندس وكل الناس اللي خطبوهه تاخذ هذا اللي برقبته عايله كبيرة وبس هو رجال بنصهن اني كلت الله يعينه عوفوننه منه وتعشيننه والبيت كلشي بيه مابيه خصوصيه وهوسه وتخلي شيء متلقي بمكاننه وضجت كلش وامي حست كالت خلي نروح لبيت خالتك ورحننه تغدينه يم بيت (هدى) وغيرننه جو وتوسلو نبات يمهم بس امي مرضت لان البيت وراهه تصير بيه مشاكل منا الجناين واخوتي ومنا ابويه وهي الوحيده اللي تهديهم رجعننه واني قريت ورتبت روحي بعد اسبوع اداوم اجتني العصر جواريننه بنيه عمرهه تقريبا ٣٥ محلوة خطيه وممهتمه بنفسهه ولا بملابسهه وكعدت تسولف واني سلمت وداشتغل بايدي فستان لبنت اخويه لان هواي لحت عليه امهه وهي عيونهه منزلت من عليه كالت خاله البنيه ولا تشبهكم كالتلهه على اهلنه الكبار هيك وسألت اني شنو تحقيق ومرت اخويه تمشيء وتغمزلي اني دخت من كد ما حجت وكلامهه كلهه اخويه (أدم ) واخويه مبينه السالفه كمت ورحت مددت بغرفه امي واشتاقيت لغرفه القسم الداخلي وهدوئهه وتمنيت هسه ارجع سبحان الله هاي الغرفه اللي اول سنه شبعت بجي لان وحدي بيهه جتي مرت اخويه وتضحك وتكول افراج راحت رجعت يم امي وحجه كالت عيب عفتيهه وكمتي كلتلهه كمت اشوش ما اسمع دخت هالكد ما حجت وتعشيت ثاني يوم الولد جيراننه محاجي اخويه ويريد ياخذ موعد يجيب عمامه يطلبوني بس اخويه من كلامه عنه مقابل ومعاجبه الولد امي كالت شكو بيهه خوش ولد وصار ٣ سنوات جيراننه ما طلعت منهم العيبه وناس اخلاقهم روعه وابوكم اذا وافق خلي يتفضلون وكامت تحمد بيه كدامي اني ما علقت وكان كل همي اروح للجامعه واكمل بحثي والكورس الاخير واخذ الشهاده وارتاح بس شفت الموضوع صار صدق البيت كله يسولف بهالشغله وابويه كال خوش انسان وامي رايدته كلش لان مربي اخواته تكول رجال بس اخويه الكبير ميقبل لان حالته الماديه فقيرة وبرقبته اخواته يكول يجيك احسن منه لتستعجلين اني مهتميت بالموضوع ورحت للكليه وركزت وامتحن واني بالمكتبه دادرس اجه بوجهي ابن جيراننه (أدم ) اللي تقدملي وسلم اني صفتن وشويه رديت السلام هو اعتذر على طريقه جيته بدون اذن مني او علم من اهلي بس على كلامه كال مجبور لان اريدك تفهيني صح اني اجيت من الباب اولا وثانيا اني حبيت اعرف ردك واذا موافقه اريد احجي وياك بكم شغله قبل لتصير الشغله رسمي ابتسمت عجبتني الصراحه جرأته وثقته بنفسه وبنفس الوقت صريح وواضح اني جاوبته بصراحه تعرف انه اني مفكرت بالموضوع اصلا هو عكد حواجبه وأتفأجأء بس كملت كلامي مو صغرا بشخصك ولا تقليل من شأنك بس لان مشروع التخرج اللي صار اربع سنوات اشتغل عليه لازم اسلمه هالشهر وعندي امتحانات وهنا يله قريت العطله كلهه ما درست لان بيت اهلي اطفال وعدد هوايه وما كدرت هنا ابتسم وارتاح ونزل اكتافه اللي كانو متشنجات وكال الحمد لله يعني هذا يبشر بخير وافضل من الرفض ضحكت وكلتله بس ميعني قبول هو كال تأكدي ما اخلي هالموضوع يأثر ابدا على دراستك بالعكس اعينك بيه حسيته صادق بكلامه هنا ارتاح وراد يكمل حجي انطيته اهتمام وكال اذا صارت بيننه قسمه اني اريد تعرفين انه اني فقير ماديا ويمكن ما اكدر اجيب كل اللي تتمنيه بس اوعدك بسعاده وحب طول العمر وربك يجيب الخير اذا احنه مقسومين لبعض هنا كام وكال اسف لازعاجك كملي قرايتك وفكري من يصير عندك مجال واني انتظرك وراح حسيته خفيف وصادق ورجل حقيقي وحسيت انه فعلا شاريني وكلامه حقيقه مو بس حجي دق قلبي لاول مرة وبيومهه ما كملت دراسه وماعرف كل دقيقه يجي ببالي كلامه حركاته هو حلو مقاصر اسمر عيونه واسعات وطويل ورشيق شعره رافعه ليفوك عقلاني ولبسه انيق ومرتب هسه صدك قلبي ما اعرف شبيه وبقيت طول شهر كامل واني اقرا وافكر بيه وهنا وابتسم على رفعه حاجبه هنا واحس بصدق كلامه كلش ارتاحيتله وصار بطل احلامي بهذا الشهر وكان ثكيل وعاقل وما حاول يلتقي بيه حتى ميأثر على قراري ودراستي ما اصدك اللي داعيشه قلبي يدك بسرعه ........يتبع
للكاتبة 🍀QABAS ADAM🍀
