حب المصايف
الحلقه 22
ياسر:عاوز تروح فين يا جميل انا بتاعك ال10 ايام دول عشان هتنسي خلقتي الشهر اللي بعدهم
هدي:ياحبيبي انت محفور ف قلبي انساك ازاي بس
ياسر:اش اش لا احنا نسيب الشغل بقي ونقعد جمبك ان شاالله ماحد عنه اشتغل
هدير:لا ياروحي اجدعن كده ف شغلك عشان نخلص الجهاز علي طول ومانتاخرش
ياسر:ايه البت الواقعه دي
انتي ماصدقتي والله كنتي ف جره وطلعتي لبره والله اقلب علي عمرو واطلعه علي جتتك شكلك ماينفعش معاكي غير كده كنتي زي الحمل الوديع اول ماشوفتك دلوقت استاسدتي
لا اشتغل كويس وخلص الجهاز علي طول
يابت انا لسه جاي من السفر وكتبت كتابك دااحنا اصلا ماعملناش الخطوبه وكتب الكتاب ومستعجله ع العفش
ايه هنسلخ قبل ماندبح
هدير:والله انت رذل وغتت طلقني
ياسر:لا والله هو دخول الحمام زي خروجه انتي دخلتي عصمه من لا يرحم
يلا يابت قدامي شوفي هتودينا فين انا معرفش حاجه ف ام البلد دي واياكي تتوهيني عارفك انتي عاوزه تستفردي بيا ياشقيه
هدير :بقي انا الي عاوزه استفرد بيك ليه ان شاء الله هغتصبك
ياسر:يمكن وانا عارف نيتك ايه ياختي وشرف الواد زي عود الكبريت مايولعش غير مره واحده
هدير:هههه لا والله ابقي هاتلك ولاعه
ياسر:اه ياسافله مش قلتلك انا اتغشيت فيكي وانا اللي فكرتك محترمه شوفي هتودينا انهي غرزه
هدير:هههه لا مش للدرجه دي
تعالي نروح نغتت علي اختك واخويا
ياسر:وانتي عارفه هم فين
هدير:اهو هنحسس لحد مانوصل
ياسر:لا كده هبلغ فيكي بوليس الاداب مالكيش حل يخرب بيتك
طارق:هتتعشي ايه
ندي:ماليش نفس
طارق:انتي بتوفريلي من حالا
لا المره دي براحتك بعد كده اخرك معايا كشري
ندي:ياسلام ليه بقي
طارق:هو كده فاغتنمي الفرصه واطلبي ماتشتهين
ندي:ماشي هات كباب وكفته وفراخ مشويه وحمام وكتر السلطات و....
فقام وشدها من يدها
ندي:فيه ايه
طارق:انا هدخلك المطبخ بتاع المطعم نفسه عيشي حياتك فيه واماتنفجري اقصد تخلصي ابقي اجي اخدك
ندي:مش انت اللي عاوز اطلب استحمل بقي
طارق:لا انتي كده داخله علي طمع وبتستغلي الظروف
ندي:خلاص مش قد العزومه ماتعزمش
طارق:طب ايه رايك هجيب اللي طلبتيه ولو ماكلتهوش كله هعملك زي دكر البط وازغطك حتي لو رجعتي ف ايدي هكمل اما اشوف انا ولا انتي
ندي:خلاص خلاص مش عاوزه
طارق:ليه ماجبلك البط والفراخ الحمام
والياقوت والمرجان احمدك يارب
اصلك داخله مغاره علي بابا مش مطعم
ندي :خلاص تعالي نتمشي ونجيب برجر وناكله واحنا ماشيين
طارق:ماشي ياحنين اوامرك ياقمر
وامسكها من وسطها
ندي:بردو
طارق:دي حاجات منتهيه بالنسبه ليا ومفروغ منها ومش عاوز اي اعتراضات عليها
انا وعدتك بس مش هقربلك ليله الدخله لكن التحابيش دي مش هتحرميني منها مستحيل
فرضخت له باستسلام امري لله هي جوازه باينه من اولها
مجوزني مجنون اصلا
هي وحشه للدرجه دي العدد ف النازل نلغي ونقفل علي كده ولا ايه
أنت تقرأ
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
