حب المصايف
الحلقه 25
ظل الجميع هكذا وندي وطارق بين ناقر ونقير وياسر سافر وانتهي المصيف ولابد من العوده
طارق؛ والله ماعارف هسيبك ازاي اتعودت اصحي الاقيكي وانام عليكي
ندي:ايه قله الادب دي ايه انا عليكي دي
طارق:يابت يعني انام علي رؤيتك يعني دايما فهماني غلط
مش عارف هعمل ايه وابعد عنك ازاي يادوب اجي مره ولا اتنين ف الاسبوع اشوفك مش هينفع الكلام ده معايا
ندي:لا هي مره حلو اوي واحمد ربك علي كده دا انا ماصدقت خلص المصيف زهقتني ف عيشتي
طارق:ليه يابت مقطعك من البوس داهي بوسه يتيمه وتحت المايه كمان باقيلك ف زمتي بوسه ف الجو بقي اخطفلك طياره عشان ابوسك فيها يبقي جو وبحر مش حارمك من حاجه اهو
ندي:لا خليهالك مش عوزاها
طارق:يابت هتندمي هتغلي وهتبقي بفلوس بعد كده
ندي:شكرا يلا سلام مااشوفكش الا بعد اسبوع مش نروح الاقيك ناطط ف وشي
فاقترب منها حتي التصقت بالجدار
يعني انتي مش عاوزه تشوفيني بجد
فارتبكت من قربه منها اه عاوز حاجه تاني
طارق:عاوز دي وقبلها
لتبعده قلتلك ماتعملش كده تاني
طارق:بابتسامه ساخره خلاص عملت وخلاص
سلام حبيبتي
سميحه :يلا ياندي انتي فين هاتي الشنطه الباقيه ابوكي مستني
طارق:هاتي انتي هتشيلي وانا موجود ووصلها واغلقو الشاليه
وايضا جاء اخوته فقد كان ينتظرهم ليسوق بهم ورجعو لبيوتهم وهم متفقون علي موعد شراء الشبكه عندما ياتي ياسر وحجزو القاعه ف وقت ال10 ايام الاجازه بتوع ياسر فكل شيء معد لحين ياتي
اما رغد فتنسيقها جاب علوم
جاء ياسر واشترو الشبكه
وفي يوم الفرح ذهبت العروسين ورغد للكوافير وكانت رغد اشترت فستان سواريه ولبست كعب عالي كانت انسه جميله اما العروستين كانتا كملاكان يهبطان من السماء فجمالهما الملائكي مع فستانهما الابيض كانا كالملائكه
وجاء العريسان لاستقبالهما وانبهرا بجمالهما ورقتهما
ياسر:كنت عاوز اسالك ع المدام بتاعتي هي فاتحه محل جزاره تقريبا هي تاهت ولا ايه
هدير:انت بتتريق والله اقلع وماكملش
ياسر:اهدي يامعلم خلاص لقيتها ايوه كده ارجع لقواعدك انا قلت خموني وجابولي ملكه جمال الهند
هدير:ليه شايفني طلعالك علي فيل
ياسر :يخرب بيت قلشك بموت فيكي يابنت الايه
جننتي ياسر واللي جابو ياسر
واخذها بالسياره المخصصه لهم ومعهم رغد والتي صادف ان احمد بن خالته من يسوقها لانها بتاعه احمد السياره
وعندما راته لا انا هركب مع طارق
ولم ياخذ احمد باله من هذه ولم يعقب
وبدلت مع سها فركبت سها مع ياسر وهي ركبت مع طارق
طارق:هو مش انهارده الدخله باين
ندي تنظر له وتبرق انت هتستهبل انهارده الشبكه وكتب الكتاب
طارق:ياااراجل تصدقي افتوجئت انا جاي عامل حسابي ع الدخله وبعدين بقي ارجع ابرمج نفسي ازاي تاني انا كنت مؤهل لكده
ندي:هزار بايخ وتقيل علي فكره
طارق:امال انا شايفه خفيف وظريف ويجز علي شفتيه وزي القمر يلا اركبي يامجنناني
ندي :الله ايه اللي جابك مش قلتي هتركبي مع هدير
رغد:لا سها ركبتها هناك اصل حصلت ف الامور امور
ندي:هههههه ايه الامور اللي حصلت ف الامور
رغد:اصل احمد.هو اللي سايق
ندي:وايه يعني
رغد:عشان يرميني من العربيه وهو سايق لو افتكرني
طارق:مش ده الواد اللي كان عاوز يغرقك وعيتي بسببه والله لاوريه
ندي:توريه ايه احنا هنتخانق ف الفرح ماهو كمان عيي ماهي غرقته هي اختك بتسيب حقها
طارق يمسكها من ذراعها وانتي بتحاميله ليه ياست هانم
ندي:مش ابن خالتي
طارق:وايه يعني تكلمي عن راجل غريب وانا قدامك.مش مالي عينك ولا ايه
ندي:ايه الهبل ده دا زي اخويا الصغير
طارق؛ ماهو شحط اهو ف طولي وعرضي صغير فين بقي
ندي:لا دا جنان بقي اللي انت فيه ده
طارق:اه انا مجنون بقي ارتحتي واياكي تتكلمي علي راجل غيري
ونزلو وهو متنرفز ودخلو القاعه
ندي:افرد وشك الناس بتبص علينا يقولو واخدها غصب عنه
طارق:لا وانتي الصادقه هي اللي وخداه غصب عنها
لا وكمان بتكلم علي رجاله غيره قدامه
ندي:يوووه مش هنفضها سيره بقي مخه اد النمله
طارق:بتقولي ايه ابت
ندي:مابقولش اسكت بقي
طارق:والله لو ماكنا ف القاعه والناس بتتفرج علينا لكنت سفختك قلم عدلك
ندي تنظراليه وتبرق
طارق:ماتبصليش كده والله هاين عليا اشيلك اخدك شقتنا اللي مافهاش كرسي حتي واربيكي واعلمك الادب هناك
ندي:طلقني ياطارق
طارق:مش لما البسك الشبكه الاول ايه النسوان الطقه دي
........
ياسر :شوفي بقي احنا داخلين اهو بنقول ياهادي اشوفك بترقصي ولا تتشقلبي انتي حره
هدير:ليه وانا هقعد زي الكرسي اللي عليه
ياسر:لا ابقي قومي ارقصي معايا اما اقوم
هدير:وافرض ماقومتش يبقي بلاش يعني
ياسر:هو انا هسيب رقصه مارقصهاش دي الليله ليليتنا ياقمر وامك دعيالك
هدير:والله انت مسخره
أنت تقرأ
حب المصايف
Romansأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
