المصايف
الحلقه 37 والاخيره
دخل عمليات وجاء جميع الاهل
وخرج بعد فتره بسيطه
ندي :خير يادكتور طمني
دكتور:بسيطه الاصابه سطحيه وخيطناها يفوق من البنج وشوفوه
بس بلغنا البوليس طبعا وزمانه جي لان دي اصابه من اعتداء عليه
ندي:لما يجي البوليس ناديني انا شوفت الجاني واقدر اوصفه
دخلو له جميعا واستفاق
ندي:سلمتك ياحبيبي الف سلامه عليك ياريتني كنت انا بدالك
طارق:بعد االشر عليكي دا انا كان يجرالي حاجه
ندي:بعد الشر عدوينك واللي يكرهوك
الدكتور:الظابط بره
ندي انا جايه
وامسك يدها
ندي:ماتقلقش عليا هاجي علي طول ماعنديش حاجه اغلي من حياتك
وخرجت ندي تقص ماراته وشكل الجاني ولكنها اضافت شكوك حول الجاني الاصلي وابلغت عن كل جراءم نبيل سواء معها او مع اختها
واخذو اقوالها علي امل التحقيق وان ياتو بالجاني الذي سيرشدهم عن الجاني الفعلي
وبعد تحقيقات وصلو لحمو الذي دلهم علي منير الذي دلهم علي نبيل وواجهوه بذلك وانكر
كان طارق خرج من المستشفي
طارق:وحشتيني اوي ووحشني البيت
ندي:طب مانا معاك علي طول ف المستشفي
طارق:لكن ف البيت طعم تاني
بس ايه طقم الحنيه الي كان ف المستشفي
ندي:مش جوزي حبيبي
طارق:هو انا لازم اموت قدامك عشان تحني عليا دا ايه الحب المهبب ده
المهم بقي طالما فيها جوزي حبيبي والله ماعتقك
ندي:لا تتعب انت لسه طالع مالحقتش
طارق:هو انا اللي هتعب ولا انتي انتي اش احشرك بيني وبين تعبي
ندي:ﻻا لا طارق بس بقي
طارق:شوفي بقي انا كنت هموت بسببك بلا طارق بلا زفت
ندي:ولو قلتلك اني حامل
طارق:امتي ده لحقتي لقطتي من مره وكنتي من غير نفس كمان امال لو بنفس بقي تعالي تعالي يمكن يبقو تؤام
ندي:هههههههههههههه
وبعدها
بحبك يا احلي واجمل ندي ف الدنيا
ندي :بموت فيك ياطروقتي
طارق:دا فرح البت اختي كمان كام يوم كانو هياجلوه قلتلهم بقيت كويس خليهم يفرحو
ورن التليفون
الظابط:ممكن تيجو القسم عاوزكو ف حاجه
وفعلا ذهبو
الظابط:هو انكر ومش عاوز يعترف فانا عندي اقتراخ لو جبناه يواجهكو ممكن ينهار ويعترف
طارق؛ بس انا مش عاوز اعرض مراتي لكده
ظابط:بس لو كان ف سبيل تثبتو عليه التهم ويروخ السجن يبقي كويس
ندي:موافقه ونظرت لطارق تطمنه وجابو نبيل
وعندما راها انت لسه ماموتش
عامله ايه ياحبيبتي هو التلقيحه ده مش هنخلص منه انا بحبك ياندي من يوم ماكبرتي علي ايدي وبحبك انما ده جاي ع الجاهز ياخدك مني دا بعده واختك كمان كانت عقبه بس هنخلص منها طول مااحنا مع بعض
الظابط اظن كده كل حاجه واضحه
نبيل :ماتسبنيش ياندي انا بحبك
الظابط:بس القضيه كده هتاخد منخني تاني القاضي ممكن يحكم بالكشف علي قواه العقليه ولو ثبت ان في خلل هيودعوه ف المصحه
طارق:المهم يبقي محجوز ومايقربش من مراتي ف سجن ف مصحه المهم عليه حراسه مشدده
وفعلا هذا هو مصير نبيل
.........................
وجاء الفرح وكانت ندي وهدير ورغد زي القمر
واثناء الزفه وعند دخول القاعه حمل احمد رغد وجري الي البيست ليرقص معها اول رقصه
رغدبزهق:بلاش كل شويه تشيلني عامل زي اللي ماسك لعبه ولة شايل بنت اخته احترمني شويه
احمد؛ مش عارف لما بشوف حجمك ده بيغريني اني اشيلك بحس انك مش هتقدري توصلي لحد هناك هههه
رغد:بايخ ورخم والله
واستمتع الجميع بالحفل
وعاش الجميع سعداء حتي جاء موعد زفاف رغد وكانت هدير في اخر شهر ف الحمل وندي ف التامن وكانو مثل كرمبتين ف الفرح
اما رغد فكانت كالقمر كعادتها
رغد:خليكو معايا ماتسيبونيش وحاولو تيجو الصبح مش بليل ومعاكو الاسعاف
ندي:ليه داخله مصارعه
رغد:مصارعه تيران ياحبيتي مش شايفه التور اللي هجوزه دا انا ببقي عمله زي النمله علي ودان فيل
ندي:ماتقلقيش كله بيعدي
هدير :الحقوني ياناس بولد
رغد:يخرب بيتك بوظتي الجوازه
ندي:ادينا هنجيب الاسعاف لاختك اهو مش ليكي نقيتي فيها يافالحه
رغد:انا ماليش دعوه انا راحه اجوز موبيلات بقي وطمنوني
هدير:اه ياندله يامعفنه تجوزي واختك بتولد
رغد:وانا هولدك يعني دا كده احمد الي هيولد لو سيبته انهارده
وذهبت رغد مع احمد والجميع ذهب مع هدير التي ولدت ولد سمته مهند
اما رغد واحمد
رغد:بر احه عليا يااحمد انا مش حملك راعي فرق الاحجام انا بنبه من اولها
احمد:بس مع انك قصيره بس موزه يابنت الايه
رغد:هم يعني القصيرين مش مزز مش احسن من الطوال الهايفين
احمد:بس ده مايمنعش اني خايف اقلبك بوستر ع السرير
رغد:لا ماهو مش عشان ربنا مديك شويه صحه تفتري ع الناس
احمد:اخلصي يارغابه عاوزين نصلي يلا ونخلص اللي ورانا
رغد:ليه وراك مشوار
احمد:ايه البت المتخلفه دي اه مدي معاد لواحد صحبي يوم دخلتي
مش اختك بتولد واكيد هنبقي نطمن عليها ولا نروحلها
رغد:اه صحيح
احمد:طب يلا ياعبقريه زمانك
رغد:ماتسخرش مني
احمد:ياختي ياختي امشي يابت بدل مانفخ فيكي اطيرك خلصي ولا اشيل
رغد جريت لا خلاص انا اتوضيت اصلا من اول امبارح
احمد:هههه تحفه وبليت نفسي بيها
..... ........
و ندي بعدها بشهر ولدت رواء بنت جميله شقراء بيضاء كامها
ونبيل اودع مصحه تحت حراسه وكانت سها تذهب خلسه تشاهده مع ولدها بين الحين والاخر
اراءكو ماتبخلوش بيها علينا
أنت تقرأ
حب المصايف
Romanceأحبها ولكنها لم تعطي فرصة للتجاوب مع هذا الحب لوجود سر في حياتها فحاول جاهدا معرفه سرها والضغط عليها للموافقة علي الزواج منه فهل وصل الي مراده ام سيزداد الوضع تعقيدا
