ခရစ်တော်၏ ပြောကြားချက်များ

ဘုရားသခင်သည် လူသားများအကြား၌ ကြီးမားသည့် အမှုအား ဆောင်ရွက်ခဲ့သည်ကို သင်သိပါသလား

ခေတ်ဟောင်းကုန်လွန်သွား၍ ခေတ်သစ်ကို ရောက်ရှိလာခဲ့ပြီ။ တစ်နှစ်ပြီး တစ်နှစ်၊ တစ်နေ့ပြီး တစ်နေ့၊ ဘုရားသခင်သည် များပြားလှသည့် အမှုကို ဆောင်ရွက်ခဲ့သည်။ သူသည် ကမ္ဘာကြီးထဲသို့ ကြွဆင်းလာခဲ့ပြီးသည့်နောက်မှာ ခွဲခွာသွားခဲ့သည်။ ယင်းသံသရာမှာ မျိုးဆက်များစွာအထိကို ဆက်ပြီးဖြစ်ပျက်နေခဲ့သည်။ ယနေ့တွင် ဘုရားသခင်သည် သူ့အနေနှင့် ဆောင်ရွက်ရမည့်အမှု၊ ပြီးဆုံးအောင် လုပ်ဆောင်ရဦးမည့်အမှုကို ဆက်ပြီးဆောင်ရွက်နေသည်၊ သူသည် ယနေ့အတွက် အနားယူဖို့ လိုပါသေးသည်။ ဖန်ဆင်းမှုကာလမှနေပြီး ယနေ့အထိ၊ ဘုရားသခင်သည် များပြားလှသည့် အမှုကို ဆောင်ရွက်ပြီးခဲ့ပြီ၊ သို့သော် ဘုရားသခင်က ယနေ့တွင် ဆောင်ရွက်နေသည့် အမှုသည် ယခင်ကထက် ပို၍များပြားနေပြီး အတိုင်းအတာမှာ ပို၍ပင် ကြီးမားသည်ကို သင်သိသလော။ သို့ဖြစ်၍ ဘုရားသခင်သည် လူသားများအကြား၌ ကြီးမားသည့်အမှုကို ဆောင်ရွက်ခဲ့သည်ဟု ငါပြောနေခြင်းပင်ဖြစ်သည်။ ဘုရားသခင့်အမှု၏ အချက်တိုင်းမှာ လူသားများနှင့် ပတ်သက်ဆက်နွှယ်နေသည့်အတွက် သူ့အမှုအားလုံးတို့သည်၊ လူသားအတွက်ပင်ဖြစ်စေ၊ ဘုရားသခင်အတွက်ပင်ဖြစ်စေ၊ အလွန်အရေးကြီးသည်။

ဘုရားသခင်၏အမှုကို ကမ္ဘာကြီးအနေနှင့် မြင်တွေ့နိုင်ရန်ဝေးစွ၊ မြင်၍လည်းမရ၊ ခံစား၍လည်း မရနိုင်သည့်အတွက်၊ ၎င်းသည် ကြီးမားသည့်အရာတစ်ခုခု မည်ကဲ့သို့ဖြစ်နိုင်သနည်း။ အမှုအရာများ၏ မည်သည့်ပုံစံများကို ကြီးမားသည်ဟူ၍ ယူဆရမည်နည်း။ ဘုရားသခင်၏ အမှုအားလုံးတို့သည် ကြီးမားကြသည်ဟု မှတ်ယူမှုကို မည်သူမျှ မငြင်းဆိုနိုင်သည်မှာ သေချာသော်လည်း၊ ဘုရားသခင်၏ ယနေ့အမှုမှာ ကြီးမားပါသည်ဟူ၍ ငါပြောနေသည်မှာ အဘယ်ကြောင့်နည်း။ ဘုရားသခင်သည် ကြီးမားသည့်အမှုကို ဆောင်ရွက်ပေးခဲ့သည်ဟူ၍ ငါပြောဆိုရာတွင်၊ လူသားများအနေနှင့် နားလည်ဖို့ကြိုးစားကြရဦးမည့် နက်နဲရာများ များစွာ ပါဝင်ကြမည်မှာ မလွဲဧကန်ပင် ဖြစ်သည်။ ၎င်းတို့အကြောင်းကို ယခုပြောကြစို့။

ယေရှုအား သူ၏တည်ရှိမှုကို ခွင့်မလွှတ်သည်းမခံနိုင်ခဲ့ကြသည့် ကာလမျိုး၌ နွားစားခွက်ထဲ မွေးခဲ့ခြင်း ဖြစ်ခဲ့သော်လည်း၊ ကမ္ဘာကြီးက သူ့အား မတားဆီးနိုင်ခဲ့ချေ၊ သူသည် ဘုရားသခင်၏ စောင်မမှုကိုဖြင့် လူများအကြား၌ သုံးဆယ့်သုံးနှစ်ကြာ နေထိုင်ခဲ့ပါသည်။ မိမိအသက်၏ များပြားလှသည့် ယင်းနှစ်များထဲတွင်၊ သူသည် လောကကြီး၏ခါးသီးမှုကို ခံစားခဲ့ရပြီး ကမ္ဘာပေါ်က အသက်ရှင်မှု၏ ဆင်းရဲလှမှုကိုပါ မြည်းစမ်းခဲ့ရပါသည်။ လူသားမျိုးနွယ် တစ်ရပ်လုံးကို ရွေးနုတ်ပေးရန်အလို့ငှာ သူသည် ကားစင်တင်ပြီး အဆုံးစီရင်ခံခဲ့ရသည်အထိ လေးလံသည့်တာဝန်ကို ထမ်းဆောင်ခဲ့သည်။ သူသည် စာတန်၏ အုပ်စိုးမှုအောက်၌ နေထိုင်ခဲ့ကြရသည့် အပြစ်သားများ အားလုံးတို့ကို ရွေးနုတ်ပေးလိုက်ပြီး၊ နောက်ဆုံးမှာတော့ သူ၏ထမြောက်လာသည့် ခန္ဓာကိုယ်သည် သူ၏ကျိန်းဝပ်ရာအရပ်သို့ ပြန်သွားခဲ့သည်။ ဘုရားသခင်၏အမှုသစ်ကို ယခုစတင်လိုက်ရာ၊ ၎င်းသည် ခေတ်သစ်၏အစလည်းဖြစ်သည်။ ဘုရားသခင်သည် ကယ်တင်ခြင်း အမှုသစ်ကို စတင်ရန် သူရွေးနုတ်ပေးလိုက်သည့် ထိုလူများကို မိမိအိမ်သို့ ခေါ်ဆောင်လာခဲ့သည်။ ယခုတစ်ကြိမ်တွင် ကယ်တင်ခြင်းအမှုသည် အတိတ်ကာလများနှင့်စာလျှင် ပိုပြီးစေ့စပ်သည်။ ၎င်းကို သန့်ရှင်းသော ဝိညာဉ်တော်က လူသားများ သူတို့ဘာသာသူတို့ ပြောင်းလဲလာကြရန် လူသားများထဲ၌ လုပ်ကိုင်မည် မဟုတ်သကဲ့သို့ ယေရှုကိုယ်တိုင် လူသားများအကြား၌ ပေါ်ပေါက်လာလျက် လုပ်ဆောင်မှု မဟုတ်ဘဲ၊ အခြားသောပုံစံမျိုးဖြင့် လုပ်ဖြစ်ဖို့ ပို၍ကိုအလားအလာနည်းလှသည်။ ယင်းအစား လူ့ဇာတိခံ ဘုရားသခင်ကိုယ်တိုင်က အမှုကို ဆောင်ရွက်ပြီး ထိန်းကျောင်းပေးသွားမည် ဖြစ်သည်။ လူသားကို အမှုသစ်ဆီ ခေါ်ဆောင်သွားရန်အတွက် ထိုသို့လုပ်ဆောင်မည်ဖြစ်သည်။ ၎င်းမှာ ကြီးမားသည့်အရာ မဟုတ်ပေလော။ ဘုရားသခင်သည် ယင်းအမှုကို လူအချို့မှတစ်ဆင့် သို့မဟုတ် ပရောဖက်ပြုချက်များမှတစ်ဆင့် လုပ်ဆောင်မည် မဟုတ်ဘဲ၊ ဘုရားသခင်ကိုယ်တိုင်မှ လုပ်ဆောင်မည်ဖြစ်သည်။ အချို့တို့က ၎င်းသည် မကြီးမား၊ ၎င်းက လူသားကို စိတ်ဓာတ်တက်ကြွအောင် မလုပ်နိုင်ဟု ဆိုကောင်း ဆိုနိုင်သည်။ မည်သို့ပင်ဖြစ်စေ၊ ဘုရားသခင်၏အမှုသည် ထိုသို့သက်သက် မဟုတ်ဘဲ၊ ပိုကြီးမားပြီး ပိုများပြားသည်ဟု ငါသင့်ကိုပြောလိုသည်။