انا بنت المدينة وانا ابن الريف

البارت 1

بارت 1
الكاتبة .Ronak

اني سامر عمري 30سنة اداوم كلية بتكريت كلية تربية اخو راوية بطلة القصة

اوكف خلي اني اكمل اعرفكم عن نفسي اني راوية بطلة القصة عمري 24سنة طولي 155وزني 60عيوني سود وشعري طويل واصل النهاية ظهري بشرني حنطية على بيض وشفيفي كبار اليشوفني يكول ضربة فلير بس اني شفتي طبيعية خريجة كلية وعائلتي تتكون من ولد ثنين (سامر وامين ) وبنات ثنين واني واختي الصغيرة زهراء وماما وبابا اني من ديالى

وبدت القصة
فديوم كاعدين اني وماما واختي واخوية سامر تصل علية صديقة وهو يحجي وية ها الف مبروك يوم نفرح بيك ولك بذات همزين عرس اخوك ذكرك بية ان شاء الله اجي اني والاهل النا شرف باي باي

جعفر . هلو سامر شلونك اخبارك حقك والله بس بعد كم يوم عرس اخوية وكلت اخابرك واعزمك انت والعائلة شرفونا اني من زمان كتلك جيب العائلة هنا واشو انت مغلس هههه باي باي

خلي اعرفكم بنفسي اني جعفرعمري 29سنة طولي 170وزني 65ضعيف اسمر مو فدمرة لاسماري حلو صديق سامر من ايام الجامعة تخرجنا وبعد ماصار عندي وكت اخابر واسال علية ملتهي وية اهلي شيوخ وعشاير وزرع وحصاد اخوي خطب وكال اعزم صديقك الي من ديالى خوش ولد اني هنا ذكرت صار هواي ممخابرة كلت خلي اكولة يجيب الاهل ويجي لان هو مواعدني يجيب اهلة

راوية . كاعدين كمل اخوية مكالمة كال يمة باجر نروح اني وياج ولبنات البيت صديقي جعفر عزمني على عرس اخو واني كتلة نجي

ام سامر . يمة عليش بس انت روح وحدك

سامر. لا يمة اني من زمان مواعدا بعدين راوية وزهراء ماشايفات عيشت القرية والرياف خلي يشوفن حلوة حياتهم

راوية وزهراء . اي والله روح يمة علوة احنة بالمدينة ومحبوسين عفية يمة

ام سامر . يلة على كولتكم محبوسين ههه روح

راوية . شكرآ يااحلة ام اني راح اسوي كيكة وحلويات حتى ناخذا ويانة

سامر . عفية باختي السباعية احسن هو هم مرة راد مني واني نسيت دومج رافعة راسي معدلة 😙😙
راوية . دلل حبيبي ليش اني كم سامر عندي
هسة اسوي حتى الصبح اخلي بالكارتون وناخذا 😊😊
زهراء . ها ها بس هي المعدلة واني ليش محد يكولي ولو اني بس شغلي انطي رئيي بالاكل

سامر . لاعمي انتي المدللى مالتي بس راوية الجبيرة وتقرة افكاري اني شعندي غيرجن

زهراء .فدوة القلبك تسلملي حبيبي

راوية . سويت كيكتين كبار وحلويات وياهم وخليتهم يبردون بعدها زينت الكيك وخليتة بالبراد هو والحلويات رحنة اني وزهراء حظرنة ملابس مال عرس ومال بيت لان احنة راح نظل اربع ايام يمهم بس اني خايفة مااعرف ليش وزهراء فرحانة راح نشوف الريف والله جنت اتمنى مثل هي الطلعة

زهراء. اكولج بس احنة شلون هناك نلبس تراكات اني مااعرف البس دشداش شلون

راوية . ولج اني هم مااكدر البس دشداشة بس تراك باعي اني راح اخذ وياية روب شتائي لان احنة بشهر الثالث بعدة جو بي برودة وهناك بتكريت اكيد باردة اوكي
زهراء . هي خوش فكرة اوكي اكوم اطلعهم

راوية . يلة حظرت الجنطة مالتنة وحظرت الاخوية تراك وملابسة اليروح بيهم وماما هم حضرت الها ملابس جبة مالتها وعباية الراس لان هي متعلمة تلبس عباية راس

ثاني يوم الساعة ب6صبح اجتي ماما كعدتنا يلة ورانة روحة كومو اخوكم كام يغسل اني طفرت على السريع ارجت سبحت وطلعت صليت وكملت بعدها نشفت شعري وكعدت بدلت خليت مكياج مرتب ولبست نفنوف طويل بي ورد وابست وية شيلة سودة وحذا كعب اسود وجنطة سودة واختي زهراء لبست بنطرون ونفنوف قصير فوك من الركبة وهم لبست شال بس هي متخلي مكياج ماما ماتقبل تخلي دكول صغيرة

سامر. يلة بنات كملتو اني بالباب راح اخلي الحلويات بالسيارة

ام سامر . يلة يمة بس البنات يكملن نطلع
راوية و زهراء . يلة بس الشال ههه شكد نتاخر

راوية. طلعنة ب 7ونص لتكريت وووووو

خلص البارت 😘😘😘😘

اتمنى يعجبكم