وائل. بعدها رجعنا للبيت بس اني متفاجئ براوية شلون صايرة كلش متغيرة الله يحفظها ويرزقها ابن الحلال اليستاهلها
ابو وائل. ها بني وائل شفتها الراوية شلون صايرة جنها كمر الله يحفظها شنو رأيج ام وائل
ام وائل . اي والله شكد حبابة وخوش بنية صدق تنحط بالقلب الله يحبها الي راوية صير جنتها كون صير الك يمة وائل
وائل . شنو لا يمة عوفي هي السالفة بعدين البنية خوش بنية والله يحفظها الاهلها بعدها كمت لغرفتي بدلت وكعدت اكلب بالفون مالتي
(تسريع الاحداث )
راوية . مر شهر وجعفر ماكو كلت يجوز عندة شغل وبعدها صار شهرين وهم ماكو الى ان صار 3اشهر وجعفر لاحس ولا خبر اتصل ومغلق اراسل محد يرد ياربي اخاف جعفر بي شي شلون لااكدر اكول السامر ولا اكدر اظل ساكته بس اني طول هي 3اشهر اتصل وماكو ماقطعت الامل وكام يجي ابو وائل على بابا كل كم يوم بس جياته مو خالية وراها سالفة ومنا جعفر ماايرد لا على الرسائل ولا المكالمات فديوم اجة صديق بابا ابو وائل وجايب وية هداية وجان يحجي وية بابا بسالفة نقل سامر من الموصل الى ديالى بعدها راح وجتي زهراء
زهراء . ولج هذا تدرين ليش جاي وجايب وية هي الهداية
راوية. شنو ولج شنو هداية شنو خطابة انتي جاي تحجين ولج لو اموت ولو يبقى وائل اخر واحد بدنيا ماارضه بي اني كلش نقهرت وضجت احس مخنوكة ماادري ليش صعدت الغرفتي كلت الزهراء هي تكمل العشاء ضليت بس ابجي ماادري على حظي ماادري على جعفر الخلاني متعلقة بحبة وعافني وماادري عنه اي خبر عاد صارت الساعة ب9ونص نزلت جوة بس راسي يوجع من القهر والبجي ماما شافتني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ام راوية . حبيبتي راوية شبيج ماما ليش عيونج حمر شبيج باجية خير امي احجيلي
