انا بنت المدينة وانا ابن الريف

بارت 15

بارت 15

الكاتبة . Ronak

راوية. فديوم رجعت من المدرسة دخلت البيت جان دوامي ظهري رجعت الساعة ب3للبيت  كملت الدروس ورجعت جان شهر الخامس حارة الجو جنت لابسة نفنوف طويل ملون ومرهما وية شال وجنطة وحذاء دخلت وجان اشوف صديق بابا نعرفة من زمان دخلت للبيت صاحني بابا لان جان باب الاستقبال مفتوح
ابو راوية. تعالي بنتي هذا عمج ابو وائل سلمي علية

راوية . سلام عليكم شلونك عمو شلون صحتك عمه ام وائل شلونها ان شاء الله بخير

ابو وائل . وعليكم السلام الحمدالله بخير عمتج الحمدالله انتي شلونج اخبارج ماشاء الله كبرانا الله يحفظج بنيتي ليش ابو سامر اني ادور الوائل على مرة وانت عندك بنات

راوية . هنا نصدمت من كال ادور على مرة وانت عندك بنات شلون ماجان جاوبتة على سلام بس بصدمة الحمدالله بخير تسلم عمو ويحفظلك ولدك يلة من رخصتكم

بابا وابو وائل . اخذي راحتج مرخوصة

راوية . دخلت للمطبخ ماما موجودة بالمطبخ سألتها اكولج ماما اشو صديق بابا هنا شعندة يمنة شعجب

ام راوية. شبيج مثل الثولة من اجيتي منهم وانتي مو على بعضج غير صديق ابوج واجة يشوفة

راوية . ها لا هيج بس اشو يكول البابا انت عندك بنات واني ادور على مرة الوائل شنو هذا شبي

ام راوية . ولج قصدة انتي مرة صايرة هو ليش يدور الابنة يعني يقصدة انتي العروس صايرة

راوية . هذا شيخربط لو اموت مااقبل بابنة
بعدها صعدت وبدلت جنت شكد جوعانة هذا من حجة سد نفسي بعدها غسلت وصليت ونمت اكعدت الساعة ب6 نزلت لكيتهم كاعدين صديق بابا رايح غسلت وتوضيت شوية وياذن بعدها صلينا واني وزهراء رحنة نسوي عشاء عاد زهراء سألتني

زهراء. راوية شبيج ليش ضايجة خير اشو مو على بعضج

راوية. ولج زهراء صديق بابا جان هنا وسولفتلها كلشي الصار

زهراء . شنو وائل المكروه ولج يومية اشوفة اتخبل منا

راوية . وين شوفي ولج هو من جنة صغار جانو يجون يمنة

زهراء . ولج اخو ويانة بالخط واني وية فد جامعة ومن نرجع اشوف وائل

راوية . ها ها فتهمت

صدك خلي اسولف الكم على عائلة وائل
ابو وائل وام وائل واخو اصغر منا اسمه امير عمرة 22سنة طالب جامعة

هسة نحجي على وائل
خريج كلية يشتغل بشركة اهلية ببغداد طوله 168عمرة 27سنة شكل عادي مثل اي شاب معتني بنفسة

وائل .هلو نحنو هنا اني راح اكمل 
بابا عندة معارف هواي بكل مكان اني من تخرجت كتلة اريد اشتغل تعرفون العراق مابي وظائف حكومية عندا صديق بغداد مدير شركة اهلية هو شغليني وية على ختصاصي صار 3سنوات اشتغل بشركة الاهلية عايش يم بيت خالتي واجي الاهلي  3ايام نهاية الاسبوع فد يوم جن يوم الاحد بابا اصر الاروح البيت صديقة ليش مااعرف هو وماما ولازم اني اروح وياهم شنو سالفة ماادري طاوعتهم ورحت اني اعرفهم لان من جنة صغار كل سبوع روح يمهم نلعب وية سامر وراوية وامين وزهراء امير من صغير يحب زهراء هههه والى ان كبر وصارو بنفس الجامعة  بعدها رحنة جانت الساعة ب4العصر دخلنا ورحبو بينا هما كلش خوش ناس

ابو راوية . ياهلآ وسهلآ نورتو البيت هلا شلونك ابني وائل اخبارك وين ماوين

وائل . بالمهلي عمي والله بدوام وملتهي اليوم ماداومت عطلة عندي الحمدالله انت شلونك اخبارك

ابو راوية .الحمدالله بخير وليدي
اي ابو وائل شلونك اخبارك اخبار شغلك شلونة صار فترة ماكو شعجب

ابو وائل . الحمدالله بخير انت شلونك والله ملتي بالشغل الحمدالله تمام شلونج اختي ام سامر اخبارج سامر ماكو

ام سامر . الحمدالله خوية بخير والله سامر مشلوع قلبه من ورة دوام ومكانة موزين وخايفة علية

ام وائل . لا يمعودة كولي يالله ليش تخافين علية الله موجود هو يحفظة الج ليش ماكلتو الابو وائل هو يكدر ينقلة الكم مو ابو وائل

ابو وائل . اي عادي وين ميريد انت ليش ماكتلي هو وين يريد انقلة بس يكول ويدلل سامر خوش ولد

ام سامر . تسلم خوية اي والله علوة ينقل يمنا بديالى ونخلص

وائل. هما ضلو يحجون واني ساكت بعدها دخلت بنية لابسة لبس كلش حلو نفنوف ومحجبة اني ماعرفتها
من امها صاحتها عرفت هي راوية

ام راوية .  تعالي ماما هي هي عمج ابو وائل وعمتج ماكو احد غريب

راوية. يبو حظي جابهم اليوم دخلت سلمت عليهم اشوف الولد واكف وبس يباوع علية رحت باوست امه وهو صافن بوجهي بعدها عرفت هذا وائل ههه شلونك وائل

وائل. صافن عليها هي راوية هيج صيرة بس مغرورة بالكوة تتحاجة جاوبتها الحمدالله وانتي شلونج

راوية . الحمدالله بخير( بقلبي كلت جنت زينة بس من شفت وجهك جنك غراب صرت مو زينة ) يلة من رخصتكم 

ام وائل .كعدي حبيبة خلي نشوفج صايرة جنج عروس تخبلين الله يحفظج

راوية . ههه ابتسمت بوجها بس اجاملها تسلمين عمه لاوالله هسة اجيت من الدوام وكلش تعبانة تسمحولي وهذا هو صافن بوجهي ويتبسم  (بقلبي عابتك هل شكول صدك زهراء كالت ما ينبلع ) بعدها صعدت الغرفتي بدلت وغسلت وصليت ونزلت بالبيت للمطبخ شربت عصير لان اكلت بالمدرسة لليل اخابر على جعفر وماكو صار يومين ماكو جعفر صدك قلقت علية

ومن هنا بدأت المي واوجاعي

انتهاء البارت 😊😊😊
اتمنى يعجبكم