خش سالم علي صوت الدربوكة والزمارة وزفة اصحابة له يضحك ووجهه احمر ... لابس بدلة رسمية غامقة ..
وقف صوت العزف وبدو الكل يباركولة ويهنو فيه..
كمل سلام وخش للعمارة معاة اربعة من اصحابة يوصلو فيه للشقة
ولا يخلو الامر من النكات والتركيب عليه وهو في قمة الاحراج ...
وصل في باب الشقة وفتحة وحاولو اصحابة يدفوة ويخشو كعادة شبابنا الشراقة لازم العروس اديرلهم عشاء 😂يبو يذوقو مكرونتها وقهوتها كنوع من التضييق عالعريس واستفزازة🤭
لكن سالم لحق علية ودفة بقوة برا الشقة وسكر الباب وهو يسمع في ضحكهم برا
واحد منهم: ياعيني ياعيني عاللي مش قادر يصبر
واحدثاني : منور يابو صاحب عالبيوع ... لكن مردودة
سالم فاتهم وخش مالممر للصالة لقاها قاعدة بخجل والطرحة مغطية طلتها❤...
قدم ومسك ايدها وصباها وجابها قدامة
رفع الطرحة وابتسم وباس راسها بكل حب ...
هي ابتسمت 😊
حط ايدة على راسها وبدا يدعي ❤
بعد كمل دعاءة قاللها: الف مبروك علينا ... ربي يباركلي فيك وايعيني عشان نقدر نسعدك وانهنيك ...
ريم رفعت عيونها فيه ورفعت ايديها وحاوطت رقبته وقالت: امين ياعمري😊... ونزلت عيونها باستحياء ...
خذاها من ايدها وخشو لداخل وين ما دار النوم🤭
وعاشو العشاق احلى ليله من ليالي العمر ❤❤❤
🌷🌷🌷
في مكان ثاني
قاعدة ورابطة راسها وتبكي💔
فوزيه 😢::: الله لا يسامحها خذت كبدي مني غصبن عني .... الله لا يسامحها الله لا يسامحها 🤲🤲
سعاد بنتها قاعدة جنبها واطبطب عليها :: خلاص يا ماما ادعيلة ربي يسعدة
فوزية ::: غير كيف تبي تسعدة هالفانص ... مانك عارفتها ... مش مزبوطة .... ملعبة كيف ماكانش شايفها ملعبة وعينها قوية .. اصلا كانهم ناس يفهمو فالاصول مايعطو بنتهم لواحد امة مش راضية ... ردت حطت ايديها على راسة وطبست وهي تهز فيه يمين ويسار
🌻🌻🌻🌻
بعد مرور حوالي 20 سنه
🌟🌟
عماد صديق سالم المقرب قاعد قدام حجرة سالم فالمستشفى يحكي مع الدكتور
الدكتور : خلاص العلاج معش يجيب نتيجة .. المرض في المرحلة الاخيرة💔 والكيماوي يزيد معاناته الافضل انه يوقف ويطلع من المستشفى وياخذ مسكنات ويقضي الفترة هذي مع الناس المقربه له ..
عماد حط ايد في وسطة ومسح بالايد الثانية راسه وقال : يعني مافيش امل يادكتور نطلعو بيه برا ..
الدكتور بأسف : للأسف😔 الافضل انه يرتاح بين عائلته . ونتوقع انه عندة شهر او اقل .. السرطان منتشر والعلاج شبه مستحيل .. فالمرحله هذي😔😔
عماد :ان شاء الله خير.. شكرا دكتور
الدكتور : العفو ..
وعطا لعماد ورقة فيها تقرير بحالة سالم وورقة فيها وصفة العلاج ومشى
أنت تقرأ
فرصة اخيرة
Fantasyلو جاتك فرصة ترجع بالزمان شن ح يكون رد فعلك .. تصلح اخطاءك .. تتجاوز عن اخطاء غيرك . بطلنا في اخر ايام حياته تفتح قدامة بوابه تخليه يعيش حياته من البدايةة.. ونحن نعيشو معاه التجربة.
