فرصة اخيرة

3

لما تغلط في يوم
غلطة تكلفك غالي جدا
وتعيش سنين من عمرك نادم عليها ..

وتتمنى لو يرد بيك الزمان وماتعاودش نفس الغلطة ..

💔💔

سالم🍁🍁
بين ايديه فرصة 🌟🌟..

اليوم بالذات كانت بداية غلطة في حياته ..
وهوا توا رجع بيه الوقت
🕕🕔🕟
عشان يصلح الشي اللي ندم عليه عمرة كله ..

يمشي سالم بخياله🗯🗯
لليوم اللي خطب فيه ريم...
غصب عن الكل
خذا ناس كبار من عائلته وتم فيها

ولان اهل ريم همهم المضاهر واخر همهم الاصول وافقو
عجبهم سالم الشاب الطموح المهندس الشاطر
ومع اصرار ريم عليه وافقو

تم النصيب🤝

فرحة سالم في وقتها  ماكانتش سايعتة ..

حب ريم وتولع بيها ..بنت دلوعة وناعمة ومهتمة بنفسها 💅👄👗👠
هو لما عرفها كان في بداية العشرين وزي اي شاب فالعمر هذا شاف لجمالها لدلالها ودلعها
هذا اللي كان يشوف فيه

بالنسبه لامة كان يظن انها يجيها يوم وترضا ..
كان متأكد ان حنية قلبها عليه رح تخليها تسامحة وتغفرلة  ..
سالم ماكانش شايف اللي امه شايفته ..

ريم اللي عشقها وقلبه رفلها 💗💗
اول حب له واول بنت تشغل تفكيرة
امه كانت شايفتها بنظرة ثانيه .. كانت شايفتها البنت اللعوب المتحررة زيادة عاللزوم..واللي ماتصلحش بولدها

قلب الام خلاها تنفر منها
وماتتريحلهش ..

🍁🍁🍁

فاق سالم من سرحانة

عالباب يطق

صبا وفتح الباب
كانت خالته وبناتها جايين

سلم عليهم تامل في وجوههم كويس  .
خالته نسخة امه❤❤
نفس الطيبه والملامح
وراها بنتين متحجبات 🧕🧕

وحدة متواريه ورا امها والثانيه ضحكت وقالت :سالم كيف حالك ؟؟

سالم رد بضحكة : اوو ايمان كيف حالك؟
سلم عليهم وخششهم
لفتت نظرة "جميله" كيف متحشمه ومنزله راسها...

سالم توا غير سالم زمان
ماكنش شايف بنت خالته هذي ولا لفتت نظرة حشمتها

لكن سالم توا قلبه وعقلة ناضجين ..
دق قلبه 💗💗 مش زي دقة شاب طايش عمرة ماذاق الحب ...

دقة قلب ثانيه شدتها حشمه ووقار💗💗

خش سالم جوا وكلم امه ..

سالم :،يام

جاته امه تجري 😤:شن قلتلك انا ..مش قلت بعد تجي خالتك اطلع خلي البنات ياخذن راحتهن ،،

سالم 😁:طالع يمي طالع .. غير اصبري شوي .جهزولي قهوة ☕  وطلعوها ليا فالجنان ..

امه "فوزيه":باهي توا تجيبها لك اختك .. احتمال خالتك متعشيه عندنه .. قول لباتك يجيب حاجات للعشاء