فرصة اخيرة

6

سالم🌟🌟🌟

من يوم زيارة خالتي ... والحمدلله وضعي تحسن ... ونفسيتي كذلك..
يوم عن يوم نتأقلم مع إعاقتي الجديدة ، لعند معش حسيت بيها ..
تعمقت علاقتي بعائلة خالتي وتمى في بينا زيارات واجد .. وسي الهادي مرات يروح بيا من المكتب معاه لحوشه ..
زدت تعرفت على جميلة اكثر 💗.. برغم قلة الحديث اللي بيناتنا الا إني قدرت نشوف انها إنسانة مثقفة ومتمسكة بدينها ..

🌟🌟🌟
مرت ايام وشهور  وسكرت سنه كامله الساعة ماتحركتش فيها ولا مرة ...

توقعت انه خلاص .. ح نعيش حياتي طبيعي ومعش في لخبطة ح تصير ..

ويمشن الايام 🌃🌄🌃🌄

بديت انلاحظ ان حياتي وحياة ناصر في خط متوازي ..
انا للأحسن🌟🌟 وناصر للأسوأ 💔💔

ناصر اللي ماقدرش مايحس انه هو السبب فاللي صارلي ..
شايف انه هو السبب في بتر رجلي ..
الشي هذا خلا ناصر اللي متعلق بيا واجد يحاول يهرب مني ومن افكاره ... وزي اي شاب في نفس سنه لجأ للشرب .💔💔

ناصر 💔💔
بعد ما كان هو الروح الحلوة في حوشنا ... حاله تبدل .. تما عصبي ومش طايق كلمة من حد .. وأولهم سالم    ... كل ما يشوفه كأنه شاف ذنبة اجسد قدامه 💔💔

🌟🌟
سالم

في يوم وعيت مالنوم طلعت للكوجينا ...
لما قريب نوصللها نسمع صوت وقربعة

بعد خشيتلها شفت ناصر بحالة غريبة يضحك وايدندن وحاط قدامه كأس امية يشرب منه ويرد يضحك ..
اول ما شفته دغري فهمت ... ناصر كان سكران😔😔

قربت منه

سالم : ناصر .. كنك فيش تحس .  ليش داير في روحك هكي  .

ناصر رفع عيونه فيا .. ووجه سبابته عليا ... سبابته بس ثابته وباقي جسمه يمشي يمين ويسار ..

ناصر : أن ... ان ...أنت .. ههههه . . . انت طيب ياسالم ... تس تس تسأل عليا وشاغلك ... وبسبب .. وبسببي انا قطعولك كراعك ... بسبببب .. بسببي معش تقدر تمشي من غير عكوز ... .. هبل انت ..هههه .. هبل ... كء ... كان خليتني متت ولا نشوفك كل يوم قدامي
ناقص 💔

فجأة قعد عالأرض وتما يبكي بصوت عالي 😭💔
قربت منه بسرعة

سالم: هش اش اش .. خلاص اسكت توا توعي بوي .. صبي صبي قبل مايجي ويشوفك هكي ...

سندته بصعوبة لأني انا نفسي مش متوازن ... مشينا شوي شوي لعند وصلنا للدار .. خششته وسكرت الباب ...

اول ما خشينا للدار ناصر اطوح عالسرير ... بدبشه وكندرته ...حولتلا الكندرة  وغطيته وقعدت انبحت فيه ...
ليش ناصر وصل للحالة هذي ... انا الحمدلله وضعي احسن ومش حاس بنقص ... ليش ناصر شايفني ناقص ... وليش شايف انه هو السبب ... انا اخترت ما حد جبرني .. نفديه الف مرة بروحي ..