. طيب اسمعيني دقيقه وحده عليك الله خففي سرعتك جري انا والله نفسي قام 💔 انا زول كبير ما بقدر على جري الشفع دا 🤐
٠٠ زول كبيييير ؟؟😒 ياخ ما بقيف وعليك الله بطل تمشي وراي كدا كل يوم جبت لي سمعه زاتو
٠٠٠ ما هو انتي لو رضيتي تتكلمي ولو دقيقتين ما كنت لاحقك لي اسبوعين وبعدين والله عاوزك لي خير 💔😊
٠٠ اسمعني هنا بلا لي خير معاك الشارع الجاي فيهو الميدان ال فيهو ال مدرسه عليك الله ما تلحقني💔
٠٠٠ تمام ي ستي زي ما عاوزه بس بكره برضو حتشوفيني 😉
٠٠ اوووف 😒
٠٠٠
انا اسراء عمري ١٤ سنه 🙊 بقراء في أولى ثانوي 💗 تانيه الفصل 💜 عندي أختين اصغر مني اسيل وايمان 😍 والولد اكبر مني احمد 😊💗 ابوي اسمو حسين الله يرحمو 💔 قدر شنو أنا كنت بحبو ومتعلقه بي بس ما يغلى على ربو💔🙂 عايشين مع امي ندى أستاذه في نفس المدرسه البقرو فيها اخواتي الله يحفظها لينا ي رب 😇 وبعد ابوي اتوفى ما رحلنا من بيتنا كنا ساكنين جنب اهل ابوي ماشاء الله عمامي كلهم بيوتهم لصق بعض مستلمين الحله على حسهم 🐸 .. بس حاليا انا قاعده مع اهل امي لانو المدرسه الوزعوني فيها قريبه من بيتهم والبيت فيهو خالتو اعتماد مطلقه والسبب انها ما بتجيب عيال عشان كدا بتحبنا شديد💜 وحبوبه وخالو عصام حبيبي انا😍💗
٠٠٠
Back
٠٠ اووف ياخي ي ريت لو ربنا ما كان خلق حاجه اسمها اولاد استغفر الله العظيم بسس لاكن والله كريهين ياخ😭 فجاءه الغغغفير حق المدرسه وبي صوتو البخوف .. داا كماااان متاخره وماشه براحتك اتحركي بسرعه قبل ما اقفل الباب دا .. طبعا صوتو بجيب لي رعشه عديل انا🐸💔 جرريت جري خشيت لقيت الطابور لسه 😒 طيب الراجل دا مالو بحب يعيشني في رعب ي جماعه😭 مشيت الفصل سلمت لي بنات قلبي 😍💗 ابرار وسندس صحباتي الزفتات 😂💔( طبعا ابرار انا وهي لما يشوفونا مع بعض ما بصدقو انو احنا صحبات😂 قالو احنا بنتشابه زي الاخوات 😂فعلا في شبه بسيط ما شديييد 💗 ابرار دي اوله الفصل يجماعه💗امها ماتت وهي بتولدها وعندها اخوان من ابوها وهي ما قدرنا عمرها ١٧ لانو وقفت قرايه فتره بسبب ظروف ناس بيتهم بس لما رجعت خالتها من الهند مع راجلها وشافت حب ابرار لي القرايه ما طبيعي قررت انها تجيبها الخرطوم وتقريها ابوها كان رافض بي سبب خساسه مرتو بس اقتنع بعد تحانيس وكان شارط انو اول ما يجيها عريس حيطلعها من المدرسه وراجلها حرر يقريها ولا يقعدها برضو تفكير مرتو🐸بسمع كلامها شديد تقول رابطه🐸 ) .. (سندس ١٤ سنه ودي وحيده البيت ومدلعه وطلباتها منفذه 💜يعني مستواها كويس غايتو وياهو ما بتطلع من العشره الاوائل 😍 والسبب انو جنها اولاد ترتبط مع ميه نفر في الوقت الاول 💔😂 لاكن والله مسكينه وقلبها ابيض ووقت الجد جد وانا وابرار حاولنا نتكلم معاها بس بدون فائده بقينا بس بنعاين ليها بسكات).. شويتين كدا والجرس ضرب 😪 وبلا فخر انا المذيعه حقت المدرسه يجماعه لانو صوتي حلو 🐸😂💗 فيهو بحه واي زول بعلق عليهو 🙈💗 خلصنا الطابور ورجعنا الفضل والحصص التلاته ال قبل الفطور خلصو ومرقنا عشان نفطر فجاءه جى على بالي موضوع الولد 😒 كلمتهم ..سندس قالت لي ياخي انتي كدي شوفي عاووز شنو أنا الشمار حرقني 😂 .. قلت ليهم انا حكلم خالو عصام يجيبني بعد داا🐸💔 .. ابرار قالت لي ويرجعك برضو🤨 .. قلت ليها لا لا في الرجعه قاعد يكون مافي 😂💔وبعدين خالو اصلا حيكون في الشغل 🐸💔 .. سندس قالت لينا وهي بتضحك والله انتو مكبرين الموضوع على الفاضي 😂 .. قلت ليهم يلا ما علينا ارح نراجع شويه عشان الحصه الجايه رياضيات وعارفين الاستاذ بيسال🐸💔.. شويه والجرس ضرب ورجعنا الفصل وخلصنا دوامنا ورجعنا البيت وطبعا كالعاده برجع البيت بلقى حبوبه ناااايمه بخش بستحمى 🐸💔 بصلي وباكل حاجه وبنووم😴 بصحى العصر بلقى خالو عصام وخالتو اعتماد رجعو من الشغل بصلي وبغسل ملابسي وبنتغداء 🤤 وبمشي براجع لحد المغرب بعدها بصلي المغرب وبعمل شاي المغرب وبنقعد نتتونس لحد ما العشاء يأذن 😍💗 خالو عصام بمشي الجامع وبجي غرفتي يشوفني اذا ناقصني شيء ولا عاوزه يشرحو لي شيء 😍 ويتصل لي على ناس ماما اكلمهم 💗 المهم بحبو شديد الراجل دا انااا 😭💗 طبعا مع العلم انو دا الروتين حق كل يوم🐸💔 ممل اي لاكن اتعودتا 🐸💔😂 كان لما ازهج شديد بطلعني خالو باكلني اسكريم وبجيبني 🤤💗وطبعا بمشي لي ناس ماما كل خميس وبجي السبت 💗 .. لازم لما تجي الساعه 10 خالتو اعتماد تتأكد اني خلاص بجهز عشان عاوزه أنوم 😴 .. بتصحيني تاني يوم لي الصلاه وبعدها مافي نوم براجع حبه وبقوم بكوي ملابسي وبستحم وبشرب شاي وبطلع🐸💗 .. بس لي اسبوعين كدا 😒 بقيت اشيل هم لاني حلاقي المصيبه دي مع اني ما بخاف منو ولا حاسه انو حياذيني ولا حاسه انو قليل ادب بس مشيهو وراي اسبوعين دي كانت عامله لي رعب 😣 .. طلعت من البيت وانا متاكده اني حلقاهو وفعلا اول ما مشيت وقطعت الزلط ودخلت الحله ال فيها المدرسه لقيتو في وشيء 😏
٠٠٠٠٠
٠٠ اصبحنا واصبح الملك لله🙂
٠٠٠ ي بختو البصطبح بي وشك دا 😍
٠٠ استغفر الله العظيم بسس 🤬
٠٠٠ بالمناسبه يعني انا قاعد اكسبك حسنات لانك قاعده تذكري ربك كتير 💔😂
٠٠ بيك بلاك قاعده اذكرو🙂
٠٠٠ اللهم الثبات 😪 وجنتك بتظهر وقت تصري اها لما تضحككي بيحصل شنو؟!
٠٠ اسمعني انا زهجت من الوضع دا عاوز مني شنو انت ياااخ🙂
٠٠٠ عاوزك لي خير😪
٠٠ ي ربببيييي يااااخ خير شنو ال ساكيني بيهو في الشارع دا 🤬💔
٠٠٠ ما عارف يااخ بس والله انتي زي الساحره ما عارف عملتي فيني شنو أول ما شفتك بقيت زي المراهق اسكسك فيك من شارع لي شارع و...
٠٠ ( طبعا قاطعتو وانا غضبانه😠) اااسمعني هنااا بلا ساحره بلا شريره معاك ما تورريني وشك تاني وانا قربت على المدرسه اختفي من وشي😒💔
٠٠٠ طيب زي ما عاوزه 💔
٠٠٠
طبعا الولد مشى طوالي 😪ما عارفه لي جاني احساس كدا بحاول اكذبو حسيت نفسي مضايقه لاني قسيت عليهو ورفعت صوتي كدا بس قلت ااه ما علينا اصلا لازم اعمل كدا عشان يختفي من حياتي 😒 وانا ماشه كدا اسمع ليك صوت زول بيصرخ بي اسرااء ااااسراء ومن الصوت بتعرف الزول دا نفسو مقطوع من الجري اتلفت ألقاها ليك ....
يتببععع🐸
