وفجاءه احس بي يد زول في كتفي .. سرو سرو مالك انتي كويسه ي بنت .. رفعت رأسي لقيتو بكري ورجعت كملت بكى طوالي قعد وبقى بقول لي قولي بسم الله واستغفري ويحنس فيني وما خلا شيء ما قالو وانا بسس ااابكي بعد شبعت بكى وسكت .. قال لي روقتي اخيرا طيب فهميني الحاصل شنو وانتي مشيتي وين من قبيييل قلقنا عليك بنتصل ليك ما بتردي .. في حاجه بس قالت لي احكي ليهو لانو بالجد مضايقه شديد ونفسي زول يسمعني للنهايه وعارفه لو حكيت لي وحده من البنات اصلا مستنين الشماته وما حيبردو لي بطني والباقين كلهم ضدي 💔😪 .. عاينت لي كدا وبديت احكي 😭 ما خليت شيء ما حكيتو من بدايه العلاقه ابراهيم كان كيف لحد هسه هو بقى كيف 😭💔 .. بعد خلصت قال لي اول شيء بالجد ي اسراء الولد دا بحبك .. قاطعتو قلت لي يعني انت برضو معاهو ؟!😪.. قال لي انا ما قلت ليك معاهو بس بالجد تصرفاتو ناتجه عن حب هو اي اسلوبو ما حلو بس لانو عصبي اتصرف كدا وانتي استحملتي وختيتي لي عذر بس شكلو تصىرفو الاخير نرفزك شديد وما قادره تتجاوزي بس أن شاء الله تتناسي والأمور ترجع على طبيعتها .. قلت لي ياخ ما عارفه بس كرهتو اكتر هسه لانو بي سببو الناس دي كلها ضدي اتخيل بي ماما 💔 اتخيل فجاءه قرر انو نتزوج هسه بعد كنا متفقين بعد نخلص جامعه ما عارفه احتمال لي قدام يغير راي في قرارات كتيره ما عارفه ياخ انا خوووفني فجاءه اتغير بقى ما إبراهيم آل انا بعرفو ال بببسط الأمور وبحاول يحلها بي حكمه بقت حياتنا كلها جوطه وعصبيه ومشاكل وشكوك 😭 .. قال لي معليش استحملي شويه ياخ بكون مضغوط .. قلت لي ما عارفه ياخ خلاص اقفل الموضوع دا انت لي قاعد لسه ؟! .. قال لي خليت جيهان تمشي لاني مستني صحبي قال لي نرجع مع بعض وهو لسه عندو محاضرتين .. قلت لي ايوا طيب انا زاتي ماشه البيت .. قال لي ترجعي براك ؟ وبي حالتك دي لا طبعا 😴 .. قلت لي لا ياخ ما فيني شيء انا كويسه .. قال لي لا يعني استني .. اتصل على صحبو وكلمو انو ما حيقدر يستناهو واعتذر لي وقال لي يلا ورجعنا مع بعض .. وصلت اللبيت مصدعه صداع شديد عاوزه انوم بسسس كلامي مع ناس البيت بسيط شديد بي اعتبار أنهم زعلانين من تصرفي وكدا بس ما مشكله بتناسو في النهايه انا ال بنتهم ما إبراهيم 😴💔..
....
اسبوعين خلصوو وانا ما حاولت اتصل لي ابراهيم ولا اتكلم معاه .. بس عادي علاقتي رجعت مع ناس بيتنا طبيعيه حتى احمد صالحني وقال لي دي حياتك الشخصيه ما ح اسالك فيها بس حتندمي لي قدام 😴 حتندمي لي قدام دي اتحفرت لي في رأسي وخوفتني شدييييييد بس اتجاوزتها 😴 .. سندس برضو رجعت معاي عاديه بعد ما روحي طلعت معاها 😑 لاكن ساره حظرتني واتس ومكالمات 💔 .. بشوف مرات ابراهيم خاتي حالات كلامها قاسي بس بتجاوزو وخالص ما غيرت الاسم 😪 ياهو بابا 💜 .. اما بالنسبه لي الجامعه ف كان امتحاني بتاع السمستر الاول قرب 😴 وشلتي الجميله ال وحيده ال بطلعني من النفسنه والوحده ال انا عايشه فيها .. وعلاقتي مع بكري بقت حلوه شديد وبقينا نتكلم مكالمه مرات لما اكون زهجانه شديد وعاوز يطلعني من ال انا فيه .. ومره قاللو نطلع كلنا ونمشي نتغداء واخترت ليهم المكان انا وطبعا طبعا ومشينا السسسسوري 😍 .. كنت قاعده في النص بين بكري وتوسل عشان اكتر اتنين بحبهم وبنتونس ونضحك ونتصصصور 💜 .. جيهان فجاءه بقت تعاين وبتعمل لي حركات كدا نظام عايني وراك لما اتلفت لقيت ابراهيم وكان يعاين لي شدييييييد عاينت لي كدا وقبلت وعملت ليها حركه بي يدي كدا نظام ما عندي لي حاجه 😴 وانا كان قلبي بضرب شدييييييد بس عملت رايحه ورجعت اتكلم واتونس مع بكري كان بحكي لي في حاجه وبقيت اضحك شويه كدا ابراهيم شال طلباتو وطلع .. وانحنا خلصنا اكلنا وتصويرنا واي زول رجع على بيتوو 😍 .. بليل كدا فتحت الداتا لقيت رساله من بابا 💜 مكتوب فيها .. ربنا يهنيك ويسعدك معاهو وحظرررني 😃💔 .. طبعا عرفتو فهم غلط وأنو انا سبب تغيري بكري وكدا الحاجه ال في راسو ثبتت🙂 عاينت لي الرساله كدا ومسحتها واستغفرررت ونمتتت .. صحيت الصباح ما عندي محاضرات تاني عندي اسبوع مفروض إقراء فيهو عشان نازله امتحان 😴 ضغطت نفسسسي شدييييييد خلال الأسبوع دا ونزلت الحمد لله مخلصه قرايه 😍 اشتغلت الامتحان كلها كويس وبطلع مبسوطه وحامده ربي💜 .. اخر يوم في الامتحان طلعنا وصعنااا وانبسطنااا ورجعنا البيت 💜 .. عندنا اجازه كدا شهر بين السمستر واللسمستر كانت عباره عن ممل في مملل قضيتها كلها نوم واكل وونسه واتس مع سندس و شلتي الجميله 💜 وشبه اتناسيت إبراهيم بس هو كان متواصل مع ناس البيت عادي 😴 .. خلصت الاجازه ونزلت السمستر التاني بي كل حماااس 💜 النتيجه طلعت والحمد لله تالته الدفعه طبعا مخلوعين فيني وقالو لي طلعتي حفاره وبتاع 😃 قلت ليهم اسكتو انا زعلانه على تالته الدفعه دي 😑 .. أما ماهر وعصام للاسف عملو ليهم اعاده سمستر 😪 .. بقينا في الشله انا وجيهان وليلى وتوسل وبكري بس 😂💜 .. بكري بقى يتعقد يقعد معانا كتير 😂 لحد ما لقى ليهو صاحب اسمو وليد 💜 وااخخ انا من وليد 😹🙈 شعرو كتييير عاملو زي بوب مارلي 😻 ملامح وشو جمممييييله بيتكلم براااحه تقييل كدااا لاكن برضو مجنون 😹غايتو انا مكسراني تشيرتاتو البلبسها والاسبورتات وريحه العطططر 😻 بس عيبو حاجه واحده السجائر الكتيييره .. يلا هو كان بموت في حاجه اسمها اسراء ☺️ ميت فيني موت بس لانو تقبل ما مظهر الحاجه دي وانا اصلا ما شغاله بي كتييير وهو يقول يمين اقول شمال معانده بس كدا مطلعه روحو😂 ولا عندي ليهو حاجه بشوفو زميلي 🤗 وعادي بتونس وبضحك معاهو 💜 .. مره كنت عيانه زي تلات ايام كدا ما مشيت على الجامعه كانو بتواصلو معاي وبتصلو لي البنات وبكري بطمنو علي كل يوم 💜🤗 أما هو ولا مره رسل ساي 😑 اليوم الرابع دا اتصل طبعا لما خلعني 😅 رديت .. قال لي اسراء كيفك الف سلامه عليك وان شاء الله ما تشوفي شر .. قلت لي كويسه انا تسلم أن شاء الله .. قال لي معليش ما كنت حابب ازعجك بس بطمن عليك من بكري 🙂 .. قلت لي لا مافي ازعاج ما بتقصر .. قال لي اممم يعني ممكن عادي اتصل اطمن عليك 😴 .. قلت لي عادي 😅 .. قال لي بعدين اصلا عايني بلاش دلع معاك بعد دا خلاص تنزلي جامعه مفهوم 😏 .. ضحكت وقلت لي أن شاء نازله اي الاحد 😅💜 .. قال لي يلا نتحمل غايتو التلات ايام دي تاني من دونك .. تاني ضحكت وما رديت 😅 .. قال يلا هي اخدي دواك في وقتو اوك ونومي ريحي نفسك على الاخر وخلي بالك من نفسك 😴 .. 🙈قلت لي حاضر أن شاء الله .. يلا سلام بتصل عليك وقت تاني .. قلت لي اوك باي .. فصلت منو وانا مبسوطه 🙈💜 .. بعد مسافه كدا بكري اتصل لي عاوز يطمن .. قلت لي ما شفته صحبك اتصصصل علي .. قال لي اي ياخ كرهني بسالني منك في اليوم ١٠٠ مره حلفت ما أوري قلت لي اتصل براك خلي التقله بتاعتك دي 😏 .. ضحكت وقلت بجد يعني كان بسالك 🙈 .. قال لي وانتي الموضوع عاجبك ولا شنووووووو يختي😏 .. قلت لي انا بري والله 😅 هوي يلا ي بيكو انا عاوزه انوم .. قال لي طيب اتخمدي يلا .. قفل مني بلعت حبوبي ونمتتت ... يوم الاحد جى والحمد لله حسيت نفسي كويسه وقادره امشي الجامعه يلا انبسطو شديييد 😻 وقالو نطلع بي مناسبه رجوعي وكدا شفتو الفراغ دا كيف 😂 وليد كان عندو عربيه ساقنا ومشينا كم محل انبسطنا غايتو واليوم داك كان بعاين شديد وكنت بتوتر غايتو من نظراتو دي 😁 💜 .. رجعنا البيت وبليل كدا اتصل علي وبقينا نتونس .. قال لي بتتوري لما اعاين ليك ليه ؟؟. قلت لي ههه انا لا عادي مافي اي توتر .. قال لي امممم سرو انا عاوزك 😴 .. قلت لي كيف يعني عاوزني 😑 .. قال لي ياخ حبيتك شخصيتك حلوه شديد خصوصاً حته انك بتعانديني دي جاذباني ليك شديد مع اني ما بحب ال بنت ال بتقول لي لا بس ما عارف ياخ عاوزك .. سكتتت مسافه .. قال لي ردي ياخ .. قلت لي اقول شنو يعني ..قال لي طيب اعتبريني ما قلت حاجه اها كيفك انتي .. قلت لي تمام انا .. قال لي طيب تعبان بنوم يلا تصبحي على خير .. قلت لي وأنت من أهلوو .. وقفلت وقعدت ااافكر الولد عاجبني شخصيتو عاجباااني مختلف كداااااا وبقيت سرحانه في كلامو بس بقول لا لا لا ما عاوزه تاني حيرجع يقيدني زي ابراهيم واصلا حيكون حلو في البدايه بسس 😴 بفكر كدا لحد ما نمتتت .. مشيت الصباح الجامعه خجلانه شديد منو ما قادره اعاين لي 😁 الزفت بكري ركز في الحاجه دي 😅 يلا انفرد بي وسألني مالك حكيت ليهو سكت كدا .. وقال لي اممم وانتي رايك شنو ..قلت لي والله ياخ عاجبني.. قال لي ما هو عايني ي سرو في فرق بين الاعجاب بالشخصية والحب وفي فرق كبير كمان لازم تعرفي وتحددي قبل اي حاجه .. قلت لي اممم طيب حاضر انا بشوف دا شنو وبعدين باخد خطوه .. قال لي مع انو لو عاوزه راي شخصيتو نهاي ما بتنفع مع شخصيتك .. قلت لي بالعكس حاجه حلوه وما ضروري نكون بنشبه بعض في كل حاجه ما اهو ابراهيم كان بشبهني في حجات كتيييره الحصل شنو في النهايه ما اتفقنا😴 .. قال لي اممم طيب شوفي ال بحصل شنو وانا بس مع ال شيء البريحك 💜 .. قلت لي طيب يلا هسه قوم ارح نمشي عليهم عشان بعد دا المحاضره التانيه قربت .. رجعنا وحضرنا المحاضره بعد المحاضره كلمت البنات بالموضوع جيهان وليلى انبسطو وقالو لي كسسار وبتاع ووافقي طوالي بس توسل كانت ساكته لما سالتها .. قالت انو ما عاوزاني اتتسرع وأنو انا يدوب طالعه من علاقه وكدا وما حاساني اتجاوزتها .. قلت ليها لا لا انا نسيتو وكدا ياخ .. قالت لي طيب اهم شيء تكوني مبسوطه بسس 💜 .. مره اسبوع على البرنامج دا وكان وليد بتصل عليا مرات مرات وبتونس وبضحكك وقصصو مجنونه وبحكي لي مقالب كان بعملها وحجات غريبه كدا كان بضحكني شديد وكنت حاسه نفسي مائله ليهو ف حبيت اكلم سندس .. كلمتها وكانت ما متفاعله معاي شديد بس قالت لي اذا حاسه نفسك اتجاوزتي ابراهيم بالجد وعاوزه الولد دا وبتحبي وافقي انا مستحيل اقيف في طريق سعادتك واي قرار بتاخدي انا معاك فيهووو 💜 .. قفلت منها وانا مبسوطه انها معاي تاني في الجامعه طوالي كلمتو اني انا موافقه وانا كمان بحبك 🙈💜 .. كان مبسوط شديد بس لانو تقيل عامل فيها عادي المهم الموضوع اتعرف في الشله ومرا وبقينا عليهو شهر .. وبقينا نطلع برانا كتييير وبتونس وبنضحك كان بس بقرب مني شديد وبعاينن لي دائما في شفايفي وبحاول يمسك يدي بس كنت بتجاوزو وبعمل رايحه مع انو الحاجه دي بضايقني 😑 .. مره كدا قام مسك يدي قلت لي دا شنو قال لي شنو حبيبتي وعاوز امسك أيدها ... بس عصبت فيهو وقلت لي مافي شيء يخليك تمسكها وما بحب كدا .. قال لي اهدي م فيها شيء يعني بس بكون مبسوط .. سكت 💔 خليتو بس سرحت واتزكرت ابراهيم ما كان بمسك يدي الا لو ببكي ولا في شيء بس ما كان بعمل كدا ساي وهو بتغزل فيني .. خليتو ما سالتو بقى عادي يمسك يدي لما نكون قاطعين الظلط ولا قاعدين نتونس ولا حاجه وعادي اتعودت على الموضوع وبقيت مرات انا ال بمسك ايدو 😴💔 ..
