الحلقة الثالثة عشر
الجزء الثاني
لذئاب وجوه اخري
بقلم نورا محمد علي
اتصلت الأم علي ذلك العم الجاحد اكل مال الأيتام
وهي تدعي الله أن يهديه فهو لم يسأل عنهم ورغم أن لهم حصة من الأرض التي ينعم في خيرها إلا أنه قال انه شقاه وتعبه ولما طالبات سهام بحقهم فهن بنات لا عائل لهم
رفض وقال انت عاوزة ابيع ارض ابوية عشان اعلمك انت مالكوش حاجة بلا علام بلا وجع قلب يعني بعده هتشتغلي ايه
كده كده مصيرك للجواز وقعدت البيت وكفاية اني ما طلبتش ورثي في البيت اللي انتوا عيشين فيه ولا انتوا نسين انكم بنات وانا ليا الثلث
وقتها قالت سهام التي تتشح بالسواد فلم يمر علي وفاة والدها سوي ايام يعني ايه
العم يعني لا انتوا ليكوا ارض ولا انا ليا بيت قولتوا ايه
سهام قولنا حسبي الله ونعم الوكيل في كل ظالم
العم انت يا بت انت عاوزة الدبح
سهام لا انا عاوزة اللي يثبت أنك متنازل عن حقك في البيت
العم يا سهام ليه أكتب يا بنتي
سهام ليه الحق حق ولا ايه يا عمي أسرعت بأحضر ورقة وجعلته يكتب تنازل عن حقه في بيت أخيه وفعلا كتب لأنه كان طمعان في حقهم في تلك الافدنه التي يملكها
ربما وقتها لم يدرك أن البيت في منطقة مميزة وانه قد يساوي ما هو ثمن الأرض
عودة إلي الوقت الحالي
الأم أمسكت التليفون ورنت علي سعيد عم بناتها
سعيد سلام عليكم يا ام سهام
الأم وعليكم السلام يا حاج سعيد عامل ايه يا خويا والحاجة صباح والعيال عاملين ايه
سعيد الحمد لله انت كويسة والبنات عاملين ايه
الأم الحمد لله كنت عاوزك في موضوع
سعيد خير
الأم خير كل خير يا حاج في واحد متقدم لسهر
سعيد سهر بس دي الصغيرة هي سهام متقدمش ليها حد ولا تلاقي لسانها اللي زي المبرد بيطفش اللي يشوفها
الأم النصيب لسه مجاش يا حاج وانت عارف كله بالنصيب
سعيد اه طيب بيشتغل ايه العريس دا
الأم مهندس واهله ناس طيبين فانا بقول انت مكان ابوها
سعيد اه طبعا بس كل واحد اولي بشيلته يعني انا عندي ولاد وبنات ومش عارف انت مستعجلة علي ايه هتجهزيها منين
