حمد والريل

part 2

- اوووف هنا ريحه هلي ريحه ولفي ريحه امي .

- ( قررت ان استمع لها بكل هدوء ودون مقاطعه )

- راح اسولفلك السالفه من البدايه ..

.
.
.
1920 ام الشامات ..

اسمي زهره من عشيره ال حمود ابوي شيخ عشيرتنا عندي خمس اخوان وكلهم مزوجين بس اخوي الصغير بعده جنت كلش حلوة عودي ينحلف بي وجمالي ميتوصف ويوميه يخطبوني وما اقبل لان ابوي ميقبل يجبرني بته المدللة . سمره ورشيقه وشعري يدك خصري عيوني رماديه .

شذر(اخت زهرة ) : زهيره ليوم بيت عمي يجونه تعالي نخبز ونشوي السمج .

زهرة : بيت عمي ياسين ؟

شذر : لا ولج بيت عمي ابو حمد .

زهره : يا ومنين طلعونا بيت عم انوب

شذر: جانو كاعدين بالحيره وهسه اجو يكعدون بديرتهم ام الشامات كلهم من ال حمود .

زهرة : يلا امشينا نخلص شغلنا ونستعد .

الساعه 11:00 ضهرآ .

الشيخ فلاح ( والد زهرة ): تفضلو تفضلو . هلله هلله يهل الدار

ام حازم ( ام زهره ): فوتو فوتو انتم اهل لدار .

( خلصو غدة وشربو لجاي وراحو للمضيف وراها راحو لبيتوهم لان همة اكثر من عائله تابعه ل عمي جلال ابو حمد .)

راحت ايام وردت ايام ..

جنت طالعه يم الساكيه اتمشى انه وشذر اخيتي شفنه رجال اول مرة نشوفه بديرتنا ! جان طويل هيبه اسمر بدنه عريض مو رفيع ملتحي عيونه جوزيات جان شوفته ترد الروح للميت .

زهره : خايب انته شني تسوي هنا منين انته .

- انا من هاي لديره تونه اجينا بيها .

شذر : هااه خاف انته ابن عمي جلال.

- ههه اي يعني انتن بنات عمي .

زهرة : اي اني زهره وهاي اختي شذر انته منو ؟

- انه حمد . اهلا زهرة

( بقيت صافنه بعيونه سبحان الله عيونه ياخذن الروح ل ابعد مكان وبعد ما يردنها رموش عينه تنكتب بيهن قصايد وحواجبه معلقات مكتوبه بماي الذهب انه بساعتها تلعثمت اريد احجي بعد ماكدر نخرست جرتني شذر للبيت وبالف يا علي كدرت ارجع عقلي هاي شنو بساعتها سئلت نفسي .خايبه بسلا هذا الحب ليكولون عليه ؟ )

وره يومين رحت وحدي للساكيه .لكيت حمد واكف ويلقط نبك

ش ش شلونك حمد ؟

- هلا بت عمي شلونج

زينه انه شعدك هنا

- انه كل يوم هنا ابوي كالي هاي لكاع الك وانت داريها .انتي شعدج هنا .

- أ أ انه جاي اريد اروحن ليغاد اريد اجيب تمر

- اطيج انه من تمراتي بس خل يطلعن تنتظريهن .

-انا انتظرك طول لعمر اقصد انتظر لتمر

- ههههه ان شالله يلا مودعه بلله رجعي للبيت .

(رجعت للبيت وانه طيور السمه ما شايلتني من لفرح )