حمد والريل

part 4

زهره : حمد
.
حمد : هااه هلا زهره تعالي

زهره : شجنت تقره

حمد : هذا شعر ابوذيه احبنها

زهره : ليش تحبها .

حمد : اموت على الشعر

زهره: حمد هم تحب

حمد: هاه مادري  وانتي ؟

زهره : انه هم مادري . حمد ليش تحب لشعر

حمد : لان انا عاشك

زهره : (صفنت بعيونه اريد اعرف يعشك منو بدت عيونه تلمع حرامات ماعرف اقرة لعيون )
عاشك من ؟

حمد : عاشكج

زهرة : ( بساعتها كلما ردت اسيطر على ضحكتي وفرحتي ما كدرت ابدا )

عفته ورحت ركض لبيتي وكعدت اطفر من لفرح وما نمت اليل كله ..

بقيت سنه اروح وارجع للكاع اشوفه وكل يوم حبنا يزيد ويزيد
واروح اشوف فطم والكا هناك ..

مرت خمس سنوات وانا وحمد واحد يعشك الثاني 

لمن اجه ذاك ليوم المشؤوم ..

الساعه 6:00 البصرة ..

وصلناا !!

( كنت مغمور في قصه الفتاة ( زهرة) واذ بالركاب يخترقون انتباهي بكلمه وصلنا الى البصره . اه لكن القصه لم تكتمل بعد !!! )

- وبعدين ؟ كملي
- خلاص وصلنا التقي بيك على خير شكرا على كل شيء
- والقصه ؟؟
-  ههه انساها ماكو وقت .. مع السلامه .

بقيت في حيره من امري ما هذا الهراء ؟ تغادر بسهوله دون ان تكمل قصتها وتترك لي ابواب الاسئله مفتوح لا اجابات له الا عندها ؟ 

نزلت مسرعآ من لقطار ابحث عنها لكن اختفت ..

ذهبت الى المنزل الذي اقصده في البصره وبعد يومان غادرت بنفس القطار الى  بغداد ..

سمعت صفير القطار قرب قريه صغيره سئلت احد الجالسين ما اسم تلك القريه ؟

- ام الشامات

اااه لقد قفز قلبي للمرة الثانيه بسماع اسم هذه القريه لما وقف لقطار هنا قررت ان انزل فيها وابحث بنفسي عن قصه زهره وحمد وكيف انتهت ؟؟

نزلت من لقطار ومشيت كانت مسافه طويله من المحطه الى القريه ! لكن في نهايه وصلت .

دخلت الى لقريه هبت رياح تحمل رائحه قهوة و( هيل) كان اهل القريه يطحنون القهوة ويعدون مضايفهم .

مشيت ومشيت في ارجاء القريه سئلت احد لمارة

السلام عليكم خويه تكدر تساعدني ؟

- عليكم السلام  هلا وغلا تفضل

- زاد فضلك . اريد اعرف اكو مضيف الشيخ فلاح ابو حازم ؟

- ها هذا لشيخ الله يرحمه مات من زماان

- هااه شنو سبب

- بنته طنخت راسه و نهبت . المهم احنه ماعلينه بعرض العالم ما كتلي شني رايد منه .

-( بنته نهبت انصدمت من كلام المار بدت لي القصه الان شبه مكتمله ! )

- زين مضيف الشيخ جلال ؟

- الشيخ مات وهسه ولده لازمين لمضيف وابنه لجبير هو لشيخ .

- ابنه ؟؟ حمد ؟

- اي الشيخ حمد ابو عاكود

- صار شيخ لعد

- منين تعرف هل معلومات انته موش منا .

-  اكون ممنون منك اذا تدليني على مضيفهم

.
وصلنا بالقرب من المضافه لكن لم استطع لدخول ماذا اقول له يا ترى رأيت فتاة رائعه لجمال ..

السلام عليكم ممكن تساعديني

- عليكم لسلام تفضل

تعرفين احد بالمنطقه ملحك على لشيخ فلاح الله يرحمه

- اي انه ملحكه عليه  جنت صديقه بته

- فطم ؟

- يااه شلون عرفت اسمي

- اريدج تسولفلي قصه حمد وزهره

- يداده منين تعرف بهل سالفه

- سولفلي وانا اسولفلج تراني جاي من مكان بعيد

- تفضل يمنا نضيفك وبعدين احجيلك ..