حمد والريل

part 5

انه اخت حمد الوحيده وزهره جانت تحبه تموت عليه خمس سنين حبهم .

حمد فاتح زهره بموضوع لزواج وهي قبلت ورحنا خطبنا زهره
فد ابوها ما قبل وكال عاداتنا وتقاليدنا متسمح ابن لعم ياخذ

بت عمه وهل زواج مستحيل يتم

حمد تخبل شلون هيج  وامي نقهرت لان كسرو كلب ابنها

كامت خطبتله مرة هو ما اقتنع

زهره راحت بذاك ليوم لكاع حمد وكعدت وي حمد بجت هواي

وبجه وياها تعده اخوها وشافها

جابها من شعرها وضرب حمد طلقه برجله وداها ل اهلها

وسولفلهم شنو شاف واهلها عرفو انو خطوبه حمد لبتهم مو

مجرد خطوبه كالو بتنه كسرت وجهنا وولطخت شرفنا

قررو يذبحوها ويطشون دمها على كاع حمد

ابوي خاف على حمد كاله تعوفها واطيك كاعي وكاع امك

وتصير عدك تلث كيعان اذا تبقى ورا بت فلاح متحصل شي

وانا ماقبل تزوجها من وراها نكسرت رجلك

.
زهره وصلت بيدي رساله ل حمد انها راح تشرد وتريده

4 الفجر يلكاها بمكانهم تقصد كاع حمد 

لمت غراضها زهرة وشردت من بيتهم قبل لا يذبحونها بيوم

راحت للكاع انتظرت حمد مرت ساعه وحمد ماكو

كالت يمكن حمد راح للمحطه وراحتله تركض ما لكته

بقت واكفه اجه القطار باوعت ليورى ما لكت حمد

ركبت وراحت وما رجعت بعد  .

حمد بليلتها ما راح كلوله عوفها اذا تروح اهلها يكتلون اخوت

وياخذون فطم فصليه .

حمد بقه بام الشامات وخان حبهم تزوج ورا اسبوع من شردة زهره

اهلها تخبلو بتهم نهبت بكل لديره نفضحوا كالو طنخت راسنه

واذا رجعت لو بعد الف سنه نكتلها ونطش دمها على كاع حمد

ابوها مات ما اتحمل كلام الناس وسمعتهم الي تلطخت ..

وحمد ورا موت ابو صار شيخ عشيره ال حمود صار عنده ولد وبنات بته لجبيره زهره

حمد ما نسه زهره

حمد كل يوم يوكف عل محطة ينطر الريل بلكي يردله زهرته

حمد ما أيس لهذا ليوم ..