حمد والريل

part3

ثاني يوم ..

اخذت خبز وماي وجدريه بيها تمن ودجاج وديتهن ل حمد
من وصلت ما لكيته كلبي فرفح عليه كمت ادوره بالكاع مثل المخبله ما لكيته حطيت لجدريه بالكاع وكعدت يمها وبقيت انطر حمد يجي ما اجه حمد ..

ثالث يوم ..
سويت اكل غير ذاك وخبزت وبس هل مرة حطيت كحل بعيوني
ورحت للكاع ما موجود حمد احوو يمه وينك يا حمد . لكيت واحد يحرث بصوب الثاني ..

خويه بلا زحمه عليك .

- هاه شتريد لحلوة

- اريد اعرف وين راعي هاي لكاع .

- قصدج حمد ابن لشيخ جلال ؟

- اي

- مريض صارله يومين ونايم بدارهم
.
رجعت للبيت وانه خايفه ومخنوكه .

ورا اربع ايام ابويه كال ابن اخوي جلال مريض خطيه

شذر : منهو منهم بويه

- ابنه حمد .. اليوم نروح نسير يمهم 

( يمه راح اشوفن حمد بعد كل هذا الانتظار . ركضت مشطت وحطيت كحل ولبست وكملت ورحنا كلنه لبيتهم . )

وصلنا وكعدنا بس ما شفت حمد كالو نايم بغرفته طب ابويه واخوتي سلمو عليه وانه افرفح بس اريد المحه ماكو .
رجعنه لبيتنه .
وانا كل يوم اروح لكاع حمد اتفكده بيها بلكي اشوفن طوله ..
خلص شهر وحمد ماكو كلت هاي هيه حمد لان تمرض بعد مايريد لكاع ما متعود عل تعب ومن وراها تمرض . لفت وجهي ارد اردن للبيت وجان صوت خشن صاحلي زهرة !!

افتركت واشوفنه شفت حمد اوووف ذاك الطول ما يتوصف
وذنيج لعيون ما تسولف سالفتهن ردت اروحله ركض اشبكة واشتمه بس سيطرت على روحي.

فرحانه رحتله لحمد لله عل سلامه حمد خوفتنا عليك 

حمد : خوفتكم كلكم لو خوفتج ؟

زهرة :  ه ه هاا لا ك ك كلنا .

حمد : اشمدريج انه جاي حتى ليوم اجيتي

زهرة : انا كل يوم اجي هنا

حمد : زهره انتي شكد عمرج ؟

زهره : 20 وانته

حمد :26 .زين تقريبا نفس لجيل هههه

زهرة : هاه ( وتهت بجمال عيونه قطرات عسل بويه موش عيون بقيت صافنه خمس دقايق )

حمد : هاا الو وين صفنتي

زهره : هااه  ج ج جبتلك غدة وياي

حمد : وشجبتيلي

زهره : سمجه ادري بيك تحب لسمج

حمد : تغدي وياي

زهره : لاا راح اروح انه الف عافيه .

رجعت لبيتنه وانا بس اضحك وفرحانه مدري شبيه ماكدر اشوف غيره .

بليل سيرو علينه بيت  لشيخ قايد  من غير ديره وخطبو اخيتي شذر وصار عرس شذر .

عفت حنه شذر وطلعت من لباب ادور بلكي الكه حمد ارد اشوفنه بغير هدوم الشغل
شفته لابس دشداشه وجراويه بويه احلى من كل الموجودين
جان كاعد ويضحك ويسولف وي باقي لشباب وانه اباوعله بنص ساعه نسيت اختي نسيت حنتها نسيت انه واكفه وخاف احد يشوفني بقيت اضحك وي ضحكته وذا واحد ضربه بشقه اموتن من لقهر ..

فطم : هااي منو واكف هنااا

(شافتني اخت حمد واكفه وسرحانه بحب اخوها .كتلها هاي اني
فطم- تعاي نطب لا احد يشوفنه يصير هذا اخر يوم بعمرنا
.
- فطم ارد اصيرين صديقتي وام اسراري

فطم- بعد عمري زهيره

وصرنا صديقات كيفت انه اخت حمد انوب اكدر اروحلهم بحجه اشوف فطم .

.
ثاني يوم بيتنه جان هوسه علمود زفه شذر

طلعت رحت للكاع لكيت حمد شاد جراويه وكاعد ياكل نبك ويدندن ..
وصلت يمه سمعته يشعر

حمد  :
شلتك من فراش اهلك ل بالي
تمغط يل عذب نومك
دعيت الله ما قصر لبالي
الطلب من جابك ودزاك اليه .

( ابد ما انسه هل ابوذيه من حلكه سمعتها وكل عمري ارددها )