احبني فقتل اخي

البارت الثالث💕

رواية احبني فقتل اخي

للكاتبه❤ yota.k

ان شاء الله تنال اعجابكم
----------------------------------

هيثم..محبش يرد علاها عارف روحه مش رح يسلك ف مشي وخلاها بدون ميرد
نورا..خزي مستفز تافه والله وراك قصه ورح نعرفها مستحيل نقتنع بلي قلته ومشت لي سيرين..

اما هيثم ركب سيارته ورجع للحوش

هيثم..السلام عليكم
عليا (امه)..وعليكم السلام😞
هيثم..كيف حالك امي😅
عليا..اهو حال ام ولدها يروح في نص الليل ويطلع الفجر😬
هيثم..واهو روحلك الضهر😯
عليا..والايام الفاتو شني مش من عوايدك الدوران هدا اكله😡
هيثم..يا امي كم مره منقلك صاحبي مداير حادث ولازم نقعد جنبه😤
عليا..امم باهي باهي ربي ينوضه بالسلامه😩
هيثم..اي ان شاء الله المهم جاي منقلك منغيب فتره علي الحوش متنشغليش😧
عليا..هييي اللطف وين بتمشي😰
هيثم..منمشي لتونس ماهو صاحبي بحولوه غادي بكمل علاجه😔
عليا..باهي المهم دير بالك علي روحك😪
هيثم..ناض باس راسها وركب لغرفته ..

نخلو هيثم ونرجعو لسيرين
دخلت نورا وقعمزت جنبها
نورا..سيرينو نوضي بلا دلع😧 هيا استاحشتك اسبوع كامل ملقيتش علي من منتبوسل انت بس الي تتحملي فيا انت بس تسمعي فيا هيا عاااد وواك نعرف كيف نوضك( علت صوتها) سييييرييين نوووضييي سيييريين
الممرضه دخلت..شني صاير هني علاش العياط 😲
نورا..شن علاقتك بيا انوض في صاحبتي عندك علاقه😒
الممرضه..اطلعي يا غبيه ميجيش هكي المريضه عاطيينها منوم ومش رح تسمعك😷
نورا..اسكتي بلا فلسفه زايده مش كان درتي هالقماشه البيضه والسماعات علي رقبتك خلاص ره من منضرك واضح داخله بالواسطه ومتعرفي حاجه😡
الممرضه..هيييه انت احترمي نفسك بلا جهل زايد واطلعي خير منادي الامن😬
نورا..نانانا انادي الامن بري ناديهم اونهم قدامك😉
الممرضه..انت مسببه ازعاج واني مش ناقصني😕
نورا..ما
سليم..السلام
الممرضه..تلفتت..تفضل
نورا..😲
سليم..ااا انا من اهل سيرين😅
الممرضه..اي تفضل وانت هيا علي بره😠
نورا..تبصري ناقص غر نخلي سيرينو مع مجرم زا هدا😤
الممرضه..😒 وطلعت
سليم..هه حسك شن قلتي😕
نورا..زما سمعت وانت الي لازم تطلع مش اني😡
سليم..لعلمك سيرين مقعدلها حد غير اني وفي الاخر اني ولد خالها😌
نورا..انا قعده معاها فلذلك وجهك و الباب يفوت جمل😒
سليم..الزمي حدودك احسن متندمي😒
نورا..سليييم انت وحد مجرم وبسببك انت وبوك قعدت سيرين بلا اهل لا خو ولا ام لا بو وجاي توه ما
الممرضه..اهي الي مدايره شوشره😏
الامن..هي انت علي بره😬
نورا..ربطت اداها بعض..بالله اعطوها دينار علي الفلاحه والفرمطه والا نقلكم. قربت وطلعت دينار من جيبها وحطاته في جيب الممرضه وقتلها هادا حساب الفرمطه.
الممرضه..😠 شداها
الامن..شداها وهيا تعيط
سليم..ابتسم باستفزاز😏
نورا..حول انت وياه تتمرجل عليا بره تمرجل علي سيادك حول يا كلب قدامكم مجرم مافيا مدورتوشي😠
طلعاها وصلها لباب المستشفى ولوحاها
نورا..خزي عليكم منضركم زا البنوت وداير روحه راجل اقسم لما نرجع تو تشوف😬
الامن..بري يهديك ربي عالجي عندك مرض نفسي😷
نورا..معروف منوه المريض ومشت تتمختل وتتحلف ومشت شوي شافت بوستاني راكب علي سلوم ويقص في الشجره ضربة في راسها فكره😈