احبني فقتل اخي
للكاتبه ..✏..yota.k
-------------------------------------------
ووصلنا السياره وركبنا وركبت نورا معايا من قدام وايمن من تالي و ياخذ ويسب وكرامتي واهانه وطلعانا
انا..افف يا ايمن خلاص
ايمن..تي كيف خلاص زوز بنات وحده تسوق وحده جنبها واني راجل بلحيتي راكب من تالي
نورا..ايمن بتسكت والا انزلوك
ايمن..هدا الي ناقص بس
انا..هههه تي خلاص خليني انركز في السواقه
ايمن..سكتت
نورا..اي احسن
نرجعو لي هيثم
دخل هيثم لي الدكتور وكشف علي جرحه انصدم في المنضر كان الدم قعد ينزف وفيه الي متجمد والخياطه شبه مفتوحه اكلها بسبب الحركه لانه مفاتتش سعات طويله علي العمليه وهوا استخدمها في الضرب وغيره قعد الدكتور اناقش فيه وبعدها نضفله الجرح وعاودله الخياطه
اما طارق قعد يستنا بعدين انزل لكافي المشفى خدي قهوا وهوا راكب تخبط فيه بنت اتبزعت عليه
طارق..اااي تخيييير #@!'#
البنت..خافت..اسفه اسفه والله مقصدي اعذرني
طارق وشوف لي تيشرت..تي شن متشوفيش قدامك
البنت..سامحني مستعجله ومنتبهتش
طارق قام عيونه فاها سرح شوي بعدين صحي..ااا لا عادي مدوريش
البنت استغربت فيه..شكرا واسفه مره تانيه
طارق..لا خلاص معاد تتاسفي
البنت..شكرا ومشت
طارق..احح واضح علاها بنت محترمه وحلوه تي اني شن انقول هدا مناقص واني علاش قايللها عادي توه التيشرت مشي فاها وزياده انحرقت اففف شكلي ختشت ليا ساعه نهثري بروحي خلي انشوف هيثم
الدكتور..توه هكي تمام ولازم تهتم ومتهملش روحك وديما عقم ونضف الجرح باش ميلتهبش وتجيني بالمنضر هدا مره تانيه ميحصلش طيب
هيثم بملل..اصير خير
الدكتور..وتوه تقدر تطلع
هيثم..تمام ولبس تشيرته وطلع لقاه طارق
طارق..شن صار
هيثم..كل شي تمام وخيرك امبهذل
طارق..تي اسكت بالله وحده عميه بزعت عليا القهوه وبالله هيا قلقت من امها المستشفى
هيثم..اطلع اسبقني وخود تاكسي تو نلحقك
طارق..رجلي علي رجلك
هيثم..تي قتلك بره عندي موضوع منديره ومنجي
طارق..افف منستناك البره
هيثم..تمام
طارق..تم وطلع ويتمتم.. ديما هوا بمواضيعه امتا بريح روحه حاير
اما هيثم دار ومشي لغرفه
هيثم..طق طق طق
البنت (نفس الي بكري) فتحت..تفضل
هيثم..ممكن انشوف امك
البنت..اي ادخل
هيثم دخل..السلام عليكم
المرا..وعليكم السلام تعالى وليدي قعمز
هيثم..ااا لا منمشي غر منطمن عليك
المرا..لا ما فيا شي الحمد الله و شويه ومنطلع ان شاء الله ربي يفتحها قدامك وين ممشيت
هيثم..لا يعمتي هدا واجبي
البنت..شكرا ومننسالكش جميلك
هيثم..ولا يهمك (وشاف للبنت) ممكن نحكي معاك شوي
البنت..بخصوص الموضوع الي قتلي عليه
هيثم..اي
البنت..احكي حتى اهني قدام ماما علاش متحشم
هيثم..اا هوا
ونخلوهم ونجو لي عندي
انا و نورا فاتحين المسجل ونغنو وجونا مش عادي
طارق.. طفي امه
نورا معدلتش عليه
انا..طارق اسكت خلينا نهيجو
طارق..اي هيجو وديرو ما في روسكم والله لما نحرش هيثم
نورا اتلفتتله..لا يا راجل شن تحساب روحك عيل اتحرش ولبال بره طز فيك وفي هيثم
ايمن..شنيي قلتيي
نورا..الي سمعته وزادت علت المسجل واني اندربك علي الدومان وايمن بينفجر
ايمن..وقفي علي جنب
انا..شن قلت
ايمن علا صوته..قتلللك درسي علي جنب
انا..علاش
ايمن..واللهي متوقفيش لما نفتح الباب ونقز
نورا..ذنبك علي جنبك ونقز انت بتموت
ايمن فتح الباب..من عد للخمسه
نورا..واحد
انا..اتنين
ايمن..تلاته
انتم..اربعه
انا حسيته بديرها حق فوقفت.. ها وقفت
نورا..توه بالله صدقتيه حق بنقز
ايمن..نورا اسكتي وانت يا سيرين انزلي
انا..علاش
ايمن..قتلك انزلي
انا..نزلت ..اففف هي شن بدير
ايمن فتح الباب ونزل..اركبي في مكاني
انا..ركبت بدون مناقشه
ايمن ركب من قدام وطفا المسجل..وهدا مكاني
نورا..شن مكانك كيف بتسوق
ايمن..ميهمكش
نورا..لااا قعده نبي انعيش
ايمن..علي اساس اني نبي انموت
انا..ايمن بلا هبال كيف وايدك مكسوره
ايمن..اياه هالحاجه الكبيره وانت يا فرخه نورا بتساعديني
انا..توه علاش هدا
ايمن..باش مره تانيه تحسبو حساب للكلب الي راكب معاكم
نورا..اف باهي تحرك
ايمن..اي وانت عليك المارشه بس
نورا..حاضر
انا..اي وسيرين تنحرق
ايمن..ياسرك سقتي مسافه ساده
انا..حسبتها عليا
ايمن..اي واصلا مزال شوي ونوصلو وطلع بالسياره
أنت تقرأ
احبني فقتل اخي
Детектив / Триллерروايه باللهجه الليبيه💕 روايتي تحكي علي شاب حب بنت بجنون ومن اجل حبه اضطر يقتل خوها لاسباب ممكن تكون لصالحها او لا
