احبني فقتل اخي
yota.k..✏ للكاتبه
--------------------------------💕💕
خ امل..اا طارق طالب ايدك واني والله الولد عجبني وبوك نشد عليه لقاه كويس وقعد يبي يهدرز عليه ف انت شن رايك فيه انت عارفتنا منغصبوك علي حد وراي رايك انت موافقه ولالا
صفاء..ااا ماما
انا..صفاء وافقي
صفاء..قعدت ساكته
خ امل..اخخ يا بنتي فكري وقوليلي خلي نمشي لي بوك
صفاء..حاضر
خ امل..تو اندير اني العشي وناديكم
انا..باهي خالتي صحيتي
خ امل..اسلمك ونزلت
انا..صفوو
صفاء..ااه معاد عرفت
انا..تعرفي خودي قرارك من توه لانه نورا لما بتروح بدير فيك حاله كان موافقتيش
صفاء..بصراحه يعني شكلي منوافق
انا..اي صفاء علي الاقل انكونو قراب من بعض شوفي قداش سنه احني بعاد قريب ننسو حتى ملامح بعض
صفاء..اي عندك الحق وهوا طارق شاب كويس واي بنت تتمناه واني معنديش مواضيع قبله وحاسه روحي بديت انميلله لاكن مهما كان منزيد انفكر
انا..مبردك خزي
صفاء..هههه خيرك
انا..مخيرني شي وطارق معاد كلمك
صفاء..لا قعد يستنا في الرد
انا..الصبر يا ربي منك
صفاء..الصبح نعطيكم قراري
انا..باهي
وقعدنا نهدرزو
عند نورا وهما نازلين من اليخت
ايمن..اعطيني ايدك
نورا..لا تو ننزل بروحي
ايمن..ههه لا والله مجابدك زي بكري
نورا نزلت..هه نزلت توه علي السياره
ايمن..باهي هي
نورا..استنا
ايمن..شنو
نورا شدت في ايده..وتوه هي نمشو
ايمن..هي ومشو مع بعض للسياره
نورا..ايمن خليني انسوق
ايمن..لا مفيش
نورا..هيا بالله عليك هادي اول مره نطلب منك طلب
ايمن..لا حبي مفيش
نورا بدلع..حبيبي هيا
ايمن ..افف راهي اول مره واخر مره
نورا بدت تنقز..ييي احلا وحد انت
ايمن..عارف روحي وهيا بالك
نورا..احم اي هي وركبو
ايمن..اشهد ان لا اله الا الله واشهد ان محمد رسول الله
نورا..ههه علاش تشهد
ايمن..منعتنق الاسلام
نورا..ماهو انت مسلم
ايمن..تي نشهد علي خاطر منموت
نورا..هههه لالا باذن الله نوصلو سالمين
ايمن..يالا حركي السياره
نورا..تم وحركت السياره
-----------------------------💕
نختصر شوي وصلت نورا لينا واستلمناها بالاسئله وقنالها علي طارق وقعدت تزن علي صفاء باش توافق وروح ايمن لعند هيثم وهيثم فتحله موضوع السفر مع بعض وايمن فرح علي خاطر نورا وعلي خاطر صاحبه فكر فيه ومش رح يبعد عليه ووافق وطارق اتصل ب بوه علي موضوع نهال ووافق طول بدون تفكير
وجي الليل ورقدو ابطالنا وكل واحد منهم فرحان انه ح تتغير حياتهم للاحسن لاكن هيثم قعد يفكر في هلبا حجات منها الشركه والمزرعه الي بيسواها علي الارض وقضية سليم وغيرهم من المشاغل
---------------------------------💕
وحل الصبح ونبدو صباحنا من هيثم وكانو الشباب راقدين في المربوعه مع بعض الا انور لانه يبي يهدرز علي نهال براحته
هيثم ناض طلع وركب دوش وطلع من الدوش ولبس ومشي لي انور
هيثم..انوور انوور
انور..همم هيثم خليني
هيثم..تي نوض خيرك وقت
انور قعمز..الساعه كم
هيثم..التسعه
انور..هييي وعلاش منوضتنيش بكري
هيثم..واهو نضت
انور ناض يجري دخل للحمام
هيثم..عيل ونزل لامه لقاها توتي في الفطور..صباح الخير
عليا..صباح النور يا غالي
هيثم باس راس امه وجبد كرسي قعمز
عليا..وين انور
هيثم..توه كيف ناض
عليا..مش عارفه مش من عوايده
هيثم..مش منه يا امي من الوو
عليا..الوو؟؟
هيثم..هههه فوتي الموضوع
عليا..باهي نادي طارق وايمن اونهم البره
هيثم..قصدك نايضين
عليا..اي بعد ما انت ركبت ناضو بعدك طول
هيثم..اها باهي وطلع
طارق وايمن واقفين وكل واحد فيهم كان ساهي ويفكر
هيثم..احممم
طارق..الناس تقول صباح الخير
ايمن..اي والله
هيثم..صباح الخير
طارق..معاد نباها
ايمن..حتى اني
هيثم..باهي قولولي
طارق..شن
هيثم..خيركم حاسكم مضايقين
طارق..لا شي
هيثم..متخافوش رح يكونو من نصيبكم
طارق..هه ومن قال
ايمن..يا ريت والله
هيثم..خلي انضمو جو الشركه ونلها بيكم
طارق..هيثم انت مش ناقصك تو نلها بروحي
ايمن..وحتى اني
هيثم..تي اسكتو بلا جو
طارق..لا هيثم تو انتم برو للشركه غر شوفلي باها وين خلي نكلمه
هيثم..باهي تمام
عليا..هي تعالو افطرو اهو انور نزل
هيثم..تمام ودخلو
أنت تقرأ
احبني فقتل اخي
Misterio / Suspensoروايه باللهجه الليبيه💕 روايتي تحكي علي شاب حب بنت بجنون ومن اجل حبه اضطر يقتل خوها لاسباب ممكن تكون لصالحها او لا
