احبني فقتل اخي
yota.k..✏ للكاتبه
---------------------------------------
وفتح باب الحمام لقاني نركب في هاتفي من فرحته اني بخير اتكه علي الباب وحط ايده علي وجهه بحيل مهدود
انا قمت عيوني..هيثم😱
هيثم نحا ايده ويشبحلي
انا قربت عليه.. هيثم خيرك
هيثم حضني..خوفتيني
انا..اا كيف علاش
هيثم بعد..قلتي علاش
انا..باهي تعالى نمشو نحكو في مكان تاني هيثم شدني من ايدي ومشينا مع بعض قعمزنا علي كراسي
هيثم..احكي شن صار عيطتي وسكرتي هاتفك شن في شن شفتي
انا..هههه ووه كان نقلك
هيثم..لا ومعاها تضحكي واني مش عارف حتى كيف وصلت اهني
انا..قصدك تخاف عليا
هيثم..شن رايك انت
انا..مش عارف
هيثم..بتحكي ولا نروح
انا..اهو بنحكي اني لما نكلم فيك شفت
هيثم..شن شفتي
انا..صرصور جايني قريب متت ومن الخلعه طاح هاتفي وسكر
هيثم يشبحلي بصدمه..هدا اكله طلع صرصور
انا..ايي يخوف
هيثم..توه شن تبيني اندير فيك
انا..حبيبي اسفه والله مقصدي
هيثم..حبيبي
انا..اي حبيبي وروحي وعمري ياسر من الرسميات علي قولتك
هيثم..هههه لا يا بنت اكله هكي مع بعضه هلبا عليا وحده وحده
انا..خزي مبردك الحق فيا
هيثم..كان مش عيب قدام الناس راهو
انا..راهو شن
هيثم..راهو وقاطعاته صفاء
صفاء..يااا خونه
انا..هييي صفوو انسيتكم
صفاء..وعلاش متنسيناش وانت تتمعشقي مع السيد واني اندور عليك وخايفه
هيثم..غر كيف حالك
صفاء..باين عليك قلتها بكري كيف حالك وانت متصل تقولي خالعينك
انا..اي هوا محصل خلعه
صفاء..واني علي اساس محصلتش استغربت في هيثم قعدت اندور عليك ملقيتكش قلت شكله انخطفت ولا ماتت ولا اي شي
هيثم..باهي السماح يا صفو
صفاء..تمساح ياكلكم معاد نبي شي
انا..لا صفو متزعليش
هيثم..حسيتها ولت زي نورا
صفاء..وخيرها نورا بالك مش عاجباتك
هيثم..لا مشاء الله علاها
انا..باهي خلاص هي تعالو نمشو لي خالتي هيثم..لا اني بنروح
انا..غر تعالى سلم وبرا
هيثم..لالا خلاص
انا..باهي علي راحتك
هيثم..ديري بالك من روحك ومن الصرصور يا حلوه
صفاء..شن دخل الصرصور
انا..قصه طويله تو بعدين نهدرزو
صفاء..باهي
هيثم..توه سلام
انا..سلام
صفاء..باي
هيثم مشي وخلانا
صفاء..يخيتي محلاه😍
انا..عارفاته حلو😒
صفاء..ههه شن بدينا نغارو
انا..اي مالا شن هيثم حبي اني بس
صفاء..اي حبك انت بس عارفينه
انا..باهي هيا نمشو لي خالتي
صفاء..اي هيا ومشينا
اما عند نورا ناضت دخلت للحمام وطلعت نزلت فطرت
سعاد..هيا نورا نوضي بسرعه
نورا..اف ماما تعبانه
سعاد..مش منك من السيد الي تكلمي فيه ليل انهار
نورا بهزوه..اي صح كلامك فعلا
سعاد..كأنك هازيه
نورا..لا
سعاد..باهي نوضي غيري حوايجك وانزلي
نورا..مامي
سعاد..نعم
نورا..نبي نمشي لسيرين
سعاد تنهدت..اني عارفاتك علاش
نورا..معاد نبي نشوف وجه
سعاد..خلاص بنتي انت ربي عوضك بي ايمن شن قعده تبي فيه
نورا..اي صح كلامك
سعاد..هوا الي خسرك وتوه نوضي نبيك تلبسي لبسه حلوه وتنضمي روحك باش تقهريه
نورا..اي صح كلامك ومشت ركبت لدارها دوشت وطلعت لبست بلوزه ورديه قصيره وسروال جينز وقامت شعرها ديل حصان ولبست اكسسوارات بسيطه وحطت مكياج خفيف ونزلت
نورا..شن رايك هكي
سعاد..مشاء الله علي بنتي كبرت وولت حلوه
نورا..شن قبل شينه
سعاد..هههه لا حلوه من يومك الاول
نورا..تسلمي هي شن اندير
سعاد..خلاص كملت عليك تقدمي بعدين مع بنات عمك وخلاص ونبي نقلك
نورا..شنو
سعاد..بالله متتعاركيش معاهم اتجاهليهم
نورا..حاضر
سعاد..وحاجه تانيه البسي وشاحك
نورا..باهي بعدين
سعاد..محلانا كيف متفاهمين
نورا..مالا شن وخلي نركب نكلم ايموني
سعاد..ايوه احني ايموني ودنيا
نورا..هههه معاش تعقديني
سعاد..ههه باهي بري كلميه وخوتك بكري اتصلو بيا يبو يكلموك
نورا..اي صح لقيتهم متصلين تو نكلمهم حتى هما
سعاد..تمام
نورا..تم وركبت خدت هاتفها واتصلت بايمن
ايمن..الووو
نورا..الوهات حبيبي صباح الخير
ايمن..صباح العسل يا قلبي
نورا..وين
ايمن..طالع في السياره بنمشي لهيثم
نورا..اها تمام حبي منقلك
ايمن..نعم
نورا..كان اليوم تصلت مرديتش متستغربش
ايمن..اا علاش
نورا..اليوم جايينا عمامي وعماتي وهما يسكنو في مدينه تانيه وبباتو عندنا يعني مش ح نفضا
ايمن..اه علي راحتك يا روحي امتا تفضي كلميني
نورا..تمام
ايمن..احم منقلك
نورا..شنو
ايمن..عندهم ولاد كبار
نورا..اا اي
ايمن..يجو معاهم
نورا..اي
ايمن..نسمع بوحد واقف عليك نعدمك فاهمه نورا..لا شن يوقف عليا وحتى كان هودا اقاربي
ايمن..اقارب^/€؟! اهو نبهتك وديري رايك
نورا..باهي خلاص علاش تسب
ايمن..توه بنسكر والسلام عليهم لا وشاحك مينزلش من علي شعرك ولبس الضيق وتمرميد وجهك فكيني منه اااهو من توه انقلك
نورا..افف باهي
ايمن..شنيا الافف هادي بالك مش عاجبك
نورا وهيا تحاول تسايره..ايمن هكي بنتعاركو خلاص فهمت الي تبيه بنديره
ايمن..لا بالك متبيش اديريه
نورا..بره علي اسلوبك هدا بندير عكس كلامك وسكرت في وجها
هوا شن يحساب روحه يكلمني هكي لاكن تو تشوف يا ايمن باهي وعاود اتصل سكرت عليه ودارت هاتفها مقفل ونزلت لي امها
سعاد..كلمت عمامك قريب يوصلو
نورا..اها باهي
سعاد..كلمتي خوتك
نورا..حق انسيت وركبت لدارها فتحت هاتفها لقت ايمن باعتلها
(عندك ربع ساعه متكونيش في #### وربي معاد نعرفك وانت انسيني وتو تشوفي علي التسكيره في الوجه)
نورا..وواك هدا شن يخرف ..فكت شعرها وعاودت لفاته كعكه ولبست عبايتها ووشاحها وخدت مفاتيحها ونزلت لامها..ماما
سعاد..نعم خيرك
نورا..بنطلع ربع ساعه مش معطله
سعاد..وين
نورا..بنشري حاجات ناقصتني
سعاد..باهي لاكن اكتر من ساعه لا
نورا..تم لبست الكندره وطلعت لسياره ركبت وبعتتله شويه وجايه
ايمن كان متكي علي السياره ويتفرج علي البحر وعيونه شراره شاف رسالتها وقعد يستنا شويه ووصلت نورا درست بجنبه ونزلت ووقفت بحداه
نورا..تفضل
ايمن بدون ميشبحلها..تبي اديري عكس كلامي صار
نورا..اي لما تكلمني باسلوب وقتها نحترم شن تبي
ايمن تلفتلها..هه لا وتسكري في وجهي فوقها
نورا..انت استفزيتني
ايمن..نورا انت متبيش تفهمي اني نغار عليك
نورا..اي غار مشدك حد لاكن انك تكلمني زي تو لا يا بابا اوقف عند حدك
ايمن..وشن تبيني نخليك تاخدي راحتك مع الي اسمه مهند لا يا ماما
نورا..ااا من مهند
ايمن كتف اديه ببعض..عاد انت الي تعرفيه اكتر مني
نورا..افف اي هدا ولد عمتي
ايمن..اي وشن تاني
نورا..وو كنت اني وياه علاقه وسيبنا بعض لينا فتره
ايمن..اي وباهي
نورا..وو خلاص وانت كيف عرفته
ايمن..عرفت منين عرفت حاجه متهمكش
نورا..ايمن معاد تكلمني هكي
ايمن..تحبيه
نورا..منو
ايمن..هوا كنتي تحبيه
نورا نزلت راسه
ايمن قاملها راسها بايده..جاوبيني
نورا..اي صح حبيته لاكن كرهته اكتر من حبي ليه
ايمن..هه صدقت
نورا..والله يا ايمن انت الي حسيت معاه الحب الحق ومهند علاقه عابره وسن مراهقه وحبي ليك ميتقارنش معاه بكل
ايمن..متاكده
نورا..اي
ايمن..اصلا عارف لو كنت شاك في حبك راهو ما طقيت بابكم
نورا..اسفه سامحني لاني سكرت في وجهك
ايمن ابتسم..وانت سامحيني علي اسلوبي
نورا حضناته..معاد تكلمني هكي
ايمن..هههه علاش
نورا..هكي
ايمن..حاضر يا عمري
نورا بعدت..توه لازم انروح
ايمن..اهو نمشي وراك لين توصلي
نورا..تمام
ايمن..ولبستك غيراها
نورا..وشن هيا لبستي هي
ايمن..منعرفش ومتاكد انها قصيره لانك مش من عوايدك العبايه
نورا بلا نيه..حاضر
ايمن..ايوه هكي متفاهمين والسياره مناقشك علاها يوم تاني
نورا..قلبت عيونها بملل ومشت ركبت سيارتها ومحاولتش ترد عليه وطلعت وركب ايمن وطلع وراها لين وصلها
نورا دخلت سيارتها للقراج وكان بابه يفتح علي الطريق اشرت لايمن
وايمن طلع لاكن مش مطمن علي نورت لانه لمح شخص في وحد من السيارات وفات لي هيثم
نورا نزلت من السياره شافت سيارات عمامها
نورا..افف وصلو وهيا كيف بتدخل وقفها صوت
مهند..نورا
نورا تلفتت وشافتله ومتكلمتش
مهند جي وقف قدامها..شن مفيش ترحيب
نورا..تفضل اي خدمه
مهند
أنت تقرأ
احبني فقتل اخي
Mystery / Thrillerروايه باللهجه الليبيه💕 روايتي تحكي علي شاب حب بنت بجنون ومن اجل حبه اضطر يقتل خوها لاسباب ممكن تكون لصالحها او لا
