ورا ال١٢ بليل مغمضه مداكدر انام حسيت ضوة بوجهي فتحت عيوني الباب انفتحت ع النص وضوة الممر فايت للغرفة وخيال واكف
عشق: غضب هذا انته
مجاوب بس يتقدم خفت ليطلع حرامي
عشق: ااا ننته مم نوو
حط ايدة على حلكي : اششش حبيبتي هذا اني
قرب وجهة من وجهي وباسني
عشق: غضب شتسوي هنا
غضب: مكدرت انام بدونج
عشق: اني هم حبيبي بس موزين تنام يمي
غضب: انام بالكاع المهم جوة نفس السكف نبقى
فرش دوشك بصف الجرباية وتمدد مد ايدة
غضب: الزمي ايدي
لزمت ايدة باسها وغفى4
المهم مرت ١٠ ايام ورحت فتحت السيم وارتاحيت رجعت لغرفتي ليفوك غضب بالدوام تمددت بصف نمر ونمت سرى نامت يمي ثاني يوم الصبح نايمة وحسيت غضب يبوس بركبتي ووجهي بقوة فتحت عيوني لابس عسكري ومنحني علية
عشق: غضبي شوكت جيت
غضب: هستوني افيييش ريحتج مشتاقلج
عشق: حبيبي امشي اسبح وارتاح
غضب: راحتي يمج
فتح البطانية ودخل وياي تمدد ويبوس قاطعته: غضب سرى هنا ووخر لتكعد
غضب: نايمة متكعد
عشق: لا غضب وخر عيب
غضب: شنو ممشتاقتلي كولي هيج وفضيها لتضلين تتحججين
فتح البطانية ديكوم حضنته
عشق: لا والله مشتاقتلك موت بس خاف سرى تكعد
غضب: وخري
بعدني عنه وكام على سرى كعدها وكاللها اني جيت امشي نامي بغرفتج هيه خطيه نعسانة طلعت بدون متحجي شي سد الباب وراها وقفله وكفت اجه تقدم عليه يحضن ويبوس بالمختصر الشوق واللهفة هيه الي تكلمت بهذه اللحضات24
نايم مبين تعبان سحبت قميصه العسكري من الكاع لبسته وكمت للحمام غسلت لفيت نفسي بالمنشفة وعفت شعري مبلل ومفتوح وكفت كدام الكنتور داطلع ملابس حسيته حضني من وراي ويبوس بجتفي وركبتي
عشق: حبيبي امشي اغسل
غضب: ماشي
دخل للحمام بدلت وطلعتله المنشفة والدشداشة وشورت وفانيلة انطيته ياهن نمر كام يبجي رحت كعدت على طرف الجرباية ارضعة طلع غضب يفرك راسة بالمنشفة
عشق: نعيمآ ابو نمر
غضب: الله ينعم عليج عشقي
تقرب واني كاعدة ارضع نمر وكف يمي رفع حنجي باصبعة وباسني
غضب: نشفي شعرج لتتمرضين
عشق: هسه بس اخلص رضاعة نمر
سحب الخاولي من الزاوية وكعد وراي ينشف شعري واني ارضع نمر مديت ايدي سحبت ايدة وبستها
عشق: احبك
غضب: اموت عليج
كام جاب المشط ورجع كعد وراي يمشط بشعري نمر نام بحضني وهوة يمشطلي
غضب: ها اها خلصت شلون اشدة
عشق: عوفة مفتوح
عافه وتمدد سحبني لحضنه وحضني نداريت علية نمت على صدرة
عشق: مسألتك حبيبي متريك لواسويلك ريوك
غضب: ماريد حبيبي بس اريد اضل بحضنج اليوم نعسان
حضنته وغفيت وهوة يلعب بشعري كعدت ورا جم ساعة على صوت غضب يحجي وية نمر
غضب: حبيب ابو شوكت يكبر ويكوم ويا يفتر ويسند ابو
عشق: شوكت كعد
غضب: ها حبيبي قبل شوية
نداريت نطيته ضهري ونمت هوة نوم نمر على صدرة5
مرت ٧ اشهر غضب روحة من الدنيا نمر عمرة ٧ اشهر يشيلة ويفتر بي ميبقي بالبيت
عشق: اووف مديجاوب ١٠٠ مرة كتله لتاخذ نمر وياك يضوجك
قدس: قابل شيصير كولي يالله
عشق: ونعم بالله بس نمر صغير مو مال يومية يطلعة
سمعت صوت الهورن
عشق: اجوي
طلعت ركض فتحت الباب دخل بالسيارة يسوق ونمر بحضنه سديت الباب هوة طفى السيارة فتحت باب السيارة داخذة كام يبجي
غضب: عوفي حبيبي
عشق: حبيبي ليش تخلي بحضنك وتسوق طفل كلشي يسوي يشوشك ويصير شي لاسامح الله
غضب: ميصير شي ي عمري وانتي تدعيلنة
نزل من السيارة شايلة دينطيني يا كام يبجي ولازم ابو بقوة ميقبل يعوفة ضل شايلة راح فتح الصندوق واني واكفة يمه ينطيني المسواك دخلت كدامة وهوة يمشي وراي دامشي ايدة مدها على ضهري
غضب: احتركت عشيرتج لتلبسين هاي الدشداشة بعد كلها بارزة
عشق نداريتلة: ماشي
دخلت المسواك وهوة صعد ليفوك نمر بي طبع يموت ضحك ع الدرج غضب من يوصل للدرج يصعدة بسرعة وبقوة وهوة يضل يضحك ديصعد ونمر بس يضحك عدلت المسواك وطلعت وراهم لكيت نمر بالكاع كاعد يلعب وغضب مبدل ويلعبة شافني كام وكف اجه عليه وحضني بقوة
غضب: والله ورا ماجبتي نمر صرتي احلى
عشق: صدك والله
غضب:اي والله صاير بيج لحم ولزمة قبل جنتي ضعيفة
عشق تخصرت: مازال جنت ضعيفة شكو موتت نفسك عليه
غضب: ههههه غير احبج
عشق: وخر وخررر يجذب علية كول لكيتلك وحدة غيري وصرت ماعجبك
غضب: اوووف هم زعلت مو هيج يولي قصدي يعني قبل الزواج جنت ضعيفة هسه سمنانة شوية صايرة احلى وانتي بكل حالاتج اني احبج وماشوف غيرج
عشق: والله
غضب: والله
عشق بابتسامة: مازال هيج زين
غضب: زفرة والله
