الدم بحلكة: عزززة هاي شبي وين وكع
عشق: ماوكع
عمتي: لعد شبي احجيييي
غضب: عضيته يمه هسه شنسوي
عمتي: همممممجي اكو واحد يعض جاهل
اخذتة وراحت تغسله وهوة يبجي
عشق: عمه خلي ارضعة يسكت اعرفة
عمتي: مو زين يضل يرضع
عشق: بس شوية
عمتي: اوووف ماشي
اخذتة وكعدت ارضعة سودة علية دموعي تنزل ويشهك لازم صدري ويرضع باوعت لغضب اجه كعد كبالي ويمسح على راسة نمر ندار باوع بوجهة غضب ابتسملة نزل شفته بزعل وكام يشهك وعيونة دموع رجع راسة بحضني ويبجي حتى صدري ميقبل ياخذة
عمتي: شمسوي بي غضب وهيج زعلان
غضب: يمه نايم واجه باسني واني عبالي عشق وعضيته
عمتي: هسه شحجي عليك متفرق بينهم متعرف الطفل من المرة يعني
غضب: يمه هيه اصلا عشق طفلة
اني مهتميت ل كلامة شايلة نمر واهزة اريدة يسكت ميقبل غضب اخذة مني ويهزة هم يبجي فات حيدر ابن عدي عمرة ٣ سنوات شافه يبجي جان شايل عصارة مال ككو انطاها ل نمر نمر عجبة لونها اخذها اكلها سكت
غضب: اررركضي عشق جيبي خمسة الالاف من محفضتي
طلعت ع السريع جبت محفضته ونزلت انطيته اله
غضب: طلعي خمسة الالاف زززززيييينبب عمووو وينج
دخلت زينب عمرها عشر سنوات
زينب: ها عمو
غضب: انطيها الفلوس
انطيتها
غضب: عمو روحي لابو محمد ابو الاسواق كوليلة عمو غضب يريد كارتونة عصارة ككو ع السريع ركضي
اخذت الفلوس وطلعت تركض وغضب شايل نمر يلعبه الى ان اجتي زينب شايلة الكارتونة
زينب : عمو هاي باربعة بقى الف
غضب باسها: اخذي الج وروحي اشتري ي روح عمج
اخذ الكارتونه كعد نمر بالكاع شك الكارتونه وطش العصارات داير مدايرة ونمر مكيف يلعب بيهن غضب فتحله ثنين وهوة طماع ياكلهن ثنينهن سوة
غضب: عرفت نقطة ضعفة
عشق: اي اكلك تأخرنة بالاربعة شوكت نروح للدكتورة
غضب: هسه نطلع امشي بدلي
عشق: ناخذ نمر
غضب: اي ناخذة
اخذتة وزعت العصارات ع الجاهل والباقي اخذتهن بكاروك نمر ذبيتهن غسلتله وغضب ديبدل بدلت لنمر هوة كمل اخذة مني كال تحضري اني اشيلة
اني وكفت ابدل هوة اخذة وطلع كملت تبديل دالف شالي دخل شايلة وشايل علاكة جبيرة حطها ع الجرباية نداريت باوعتلها وباوعتله : شنوو هذي
غضب: هاي لنمر حلويات عرفت شلون ارشي
عشق: ههههههه يلة امشي
شلت جنطتي حطيت بيها حفاضة احتياط والممية وحليب وطلعنه هوة شايل نمر واني ورا شايلة جنطتي صعد بالسيارة واني بصفة اخذت منه نمر طلعنا والطريق كله مطلع اغنية الكبد مالي ل احمد السلطان نمر كام يبجي يريد يكعد بحضن
غضب: جيبي
عشق: لا يمعود سوق انته يشوشك
غضب: خطية يضل يبجي جيبي
عشق: خيولي عوفة
غضب: جيبي حبيبي لتعاندين
اخذة وكعدة بحضنه يسوق ونمر يضرب ع الاستيرن ويدك الهورن
عشق: عيب غضب جيبه راح يفضحنه
غضب:عوفي سيارة ابو وبراحته خلي يحجون الي يريدو
سكتت محجيت شي الى ان وصلنه وكفنه السيارة بالكراج ونزلنه هوة شايل نمر ميقبل اشيلة لان حامل دخلنه للعيادة كاعدين بصالة الانتضار نمر ضاج خنكة ونسوان وجهال كام يبجي غضب كال راح اخذة واوكف بالباب انتضرج كتله اوك ورا شوية صاحت اسمي دخلت
عشق: السلام عليكم دكتورة
الدكتورة: وعليكم السلام هلا عشق خير خوما بيج شي
عشق: اني حامل
الدكتورة: جذذب ولج هاي شوكت ماصار ٨ اشهر من جيبتج
عشق: صارت بعد
الدكتورة: عالخير عالخير تعاي تمددي
تمددت
الدكتورة: نمر شلونه ابو
عشق: الحمد لله بخير برة واكفين لان نمر يبجي
الدكتورة: جاهل لازم يبجي
فتحت الجهاز وحطته على بطني مشته تقربت تباوع بالشاشة
الدكتورة: اللهم صل على محمد وال محمد تؤام
عشق: شنوو
الدكتورة: انتي حامل بتؤام
عشق: لتجذبين عليه صدك والله
الدكتورة: والله شوفي هيانهم هذا واحد وهذا الخ عمرهم شهرين ونص
عشق: عفية ماريد
الدكتورة: شنو متريدين
عشق: ماريد تؤام اني نمر ماكدر اربي مو عاد تؤام
الدكتورة: كولي يا الله حبيبتي هذا رزق من ربج احمدي واشكري
عشق: الف الحمد لله والشكر
الدكتورة: هاج امسحي بطنج راح اكتبلج على ابرة تثبيت وفيتامينات وعلاج اخذي من برة وام الصيدلية توصفلج ياهن
عشق:ماشي
كمت اخذت الوصفة تشكرت منها وطلعت واني تفكيري كلة شلون راح اربي تؤام وفوكاهم نمر يعني ٣ جهال والله صعبة وصلت للباب شافني غضب
غضب: ها عشقي بشري
عشق: هذا العلاج
غضب: هسه ناخذة شبيج هيج مصفرة شكالت الدكتورة
عشق: غضب اني حامل ب تؤام
غضب: شنوووووو والله لتجذبين علية
عشق: والله
تقرب باس راسي : شلون اشكرج كوليلي شلون وج امووووووت على الكاع الي تمشين عليها
عشق: امشي ناخذ العلاج
غضب: شبيج حياتي
عشق: تعبانة غضب يلة
دخلنا اخذنه العلاج وطلعنا صعدنه السيارة ومشى ونمر بحضنه ابن الزفرة من اجينه كتل نفسة يريد يكعد بحضن ابو هسه يريد بحضني واني مالي خلك اخذته نومته على صدري وبطني
غضب: حبيبي جيبي ليخنك اخوته
عشق: لا عوفه مرتاحة هيج
ديسوق اخذتني الغفة واني حاطة راسي على راس نمر ماحسيت الا من شال نمر من حضني ويريد يشيلني فتحت عيوني شفت سرى شايلة نمر ودتدخل بعدة نايم
وغضب يريد يشيلني
عشق: اني انزل ماكو داعي
غضب: على راحتج عشقي يلة
نزلت واني امشي وهوة لازمني من جتفي دخلنه ديتعشون
غضب وعشق : السلام عليكم
الكل: وعليكم السلام
عمتي: بشرو شكالت الدكتورة شلونة حفيدي
غضب: احفادج بخير يمه
عمتي: الحم شنوووو شنو احفادج
غضب: يمة عشق حامل ب تؤام
عمتي كامت تهلهل وكلها كامت تباركلي خطية فرحة عمتي غير شكل عن الكل
عمي: تعالو تعشو يلة يابة
عشق: تعبانة اني ما اشتهي اصعد انام تصبحون على خير
الكل: وانتي من اهل الخير
صعدت للغرفة نمر نايم بكاروكة بسته وتمددت بدون ما ابدل شوية ودخل غضب: ليش ممبدلة حبيبتي
مجاوبته تمدد وراي ومسح على راسي: شبيج عشقي
نداريت حضنته وبجيت: غضب ماكدر اتحمل مسؤولية جهال ثنين فوك نمر
غضب: ..
