اخذها من ايدي ويباوع بعيوني
عشق بتوسل : عفية غضب انته حلفت متكسرها
غضب: بلي ماكسرها بس هاي اول واخر مرة اشوفج حاطه مكياج برة الغرفة
عشق: عفية غضب
غضب حط ايدة ورا ضهري وسحبني عليه: مكياج كدام غيري ماكو صار معلوم
هزيت راسي بمعنى اي مد الحمرة ديرجعها منين ماطلعتها اخذتها من ايدة ندار ديطلع اني رحت داذبها بسلة الزبالة ماحسيت غير لزم ايدي باوعتله
غضب: هاي شتسوين
عشق: معليك فك ايدي
اخذها من ايدي
غضب: ليش تذبيها
عشق: شكو محتفضة بيها واني ما استعملها
غضب: اني كلت متستعمليها
عشق: ما احط بس الك قابل اني علمودك كافي غضب هواي تتحكم بيه كلشي ممنوع ماحس اني بنية مثل باقي البنا
قاطعني غضب: لتقار
قاطعته عشق: لتكلي لتقارنين نفسج بالبنات اني بنية حالي حالهن ليش ماقارن نفسي لو الله بلاني بيك اترك ايدي دتوجعني
غضب: عشق كتلج ماكدر ليش متفهمين ماكدر اشوف احد غيري يباوعلج
عشق ضربته على صدرة: مو مشكلتي انته بيك خلل اني شع
ماحسيت غير راجدي على وجهي لزمت خدي وباوعتله: انته مريض حسبي الله عليك والله يلعن الساعة الضنيتك بيها رجال
راجدي ثاني نزل على وجهي
غضب بعصبية : رجال وغصبآ عنج
دفعته ميفيد عضيت ايدة بقوة ميتحرك صرخت بي : كاااافي تأذيني حلني حلني
فك ايدي شفت امه وعدي وقدس بباب المطبخ يباوعون باوعت ل غضب وكتله : بيع الرجولة على نفسك
عفته وطلعت اركض دخلت لغرفة البنات بعدني دسدها ندفرت بقوة ودخل غضب باوعت بوجهة: اطلع برا برااااا
غضب: منو المو رجال منوووو
عشق: ان
راجدي قوي وكعني بالكاع باوعت عليه وعيوني مغرغرة
غضب: اشوفج منو الرجال
شفته فتح دكمة دشداشته وبدة يمشي باتجاهي رجعت ليورة نحصرت ويا الكومدي والجرباية واني ابجي
عشق: غضب غضضضب عليك الله غضب
ايدة لزمتني من ايدي ورفعتني ع الجرباية شمر الشال من راسي لفيت البطانية علية واني ابجي
عشق: اذا تحب الله عوفني غضب بروح جدك غضب عفية
جر البطانية مني لزم دشداشتي من منطقة الصدر يريد يشكها
عشق بصرخة : غضب اذا تحبني عوفني
وكف كلشي وكانما كلشي جمد بلحضه تمدد بصفي وجرني لحضنه
غضب: وال
قاطع كلامة عدي دفر الباب وولد عمي ورا يمكن من انكطع صوتي عبالهم سوالي شي
عدي: غضب لتتهور ا
قاطعة غضب بصياح وهو يضمني بين ايدي : برررررررا ملابسة حجاب بررررا
قصي: غض
قاطعه غضب من كام ودفعهم برا وسد الباب ندار علية يباوعلي واني مكومة على نفسي اقترب مني دارجع ليورا ردت اوكع بس هوة ركض ولزمني من ايدي تمدد وجرني لحضنه ويبوس براسي للحضات هديت بعدين تذكرت شكلة قبل شوية كمت اضرب على صدرة
عشق: عوفني عوفني عوفني
ابجي واشهك وهوة حاضني بقوة ويبوس براسي
غضب: موقصدي اسف اسف كافي تبجين كافي اسف والله اسف
عشق ببكاء: عوفننننني عوفني ابوس ايدك عوفني
حلني وكام وكف واني نايمة ع الجرباية وابجي
غضب: عشق حبيبي اسف
رفعت وجهي واصيح واني ابجي: لتعتذر لتعتذر تكسر وترجع تعتذر ملللليت اقل شي وتمد ايدك مكفخه جايبني شسويت اني علمود حمرة الله ياخذك انته والحمرة اكرهك شكد حاولت احبك الحمد لله بينت وجهك اكرهك واموت من
قاطعني من حط ايدة على حلكي ويبوس براسي ودموعة نزلت
غضب: لا عشق لتكولين اكرهك والله احبج احبج
وخرت ايدة وصرخت: لتلزمني لتلزمني
ابتعد عني ودموعة تنزل وكف يم الباب ضهرة ع الباب ووجهة علية من لوبت روحي كطعت نفسي ماردت اتنفس اختنكت اباوعله واحس جسمي تشنج وعيوني تغوش لزمت نفسي بكوة حتى ما اتنفس وحاوطت ركبتي بايدي بس عيوني تباوعله وهو واكف لازم وجهة ويبجي رفع راسة باوعلي وتقدم بسرعة ضلمت الدنيا بعيوني ماحسيت غير اوكسجين بقوة يدخل لرئتي شهكت بقوة فتحت عيوني شفت غضب لازم راسي وكاعد يمي ويتنفس بقوة حضني لصدرة ويبوس براسي
غضب: ليش هيج تسوين ليش
دفعته واني ابجي
