صعدت للغرفة نمر نايم بكاروكة بسته وتمددت بدون ما ابدل شوية ودخل غضب: ليش ممبدلة حبيبتي
مجاوبته تمدد وراي ومسح على راسي: شبيج عشقي
نداريت حضنته وبجيت: غضب ماكدر اتحمل مسؤولية جهال ثنين فوك نمر
غضب: حياتي اني وياج نربيهم سوة ماعوفج والله انتي احسن ام تكدرين تربيهم وتصيرين احسن ام بيت
عشق: واذا مكدرت
غضب: تكدرين تعاي ي روحي شكو هل بجي
حضني ويمسد على راسي الى ان غفيت كعد بالليل على صوت نمر يبجي وغضب يبعدني من فوك صدرة فتحت عيوني داكوم لزم ايدي
غضب: ارتاحي اني اكومله
تمددت هوة كام عليه شاله ويهز بي بس نمر يبجي مسكت طلعلة عصار ككو اكلهة وسكت شايلة ويفتر بي بالغرفة اني نايمة صفح واباوعلة باوعلي ابتسم
غضب: نامي ولج عوفينه اني ونمر نلعب انتي نامي ويا جهالج
عشق: هههه جيبة هنا
اشرتلة بصفي اجه تمدد بصفي وكعد نمر بيني وبينه يلعب وياكل ككو
غضب: حبيبي نامي وارتاحي
عشق: ماريد شوف هذا النذل باعني وباع الرضاعة بعصارة ككو
غضب: هههه مطالع علية اني ما ابيعج تعاي بحضني
عشق: لاا نمر كاعد عيب
غضب: بت الزفرة صغير ميفتهم تعاي
عشق: لا
غضب: هوووب هووب حبيبي تعال انته خطر لتلزم بطنها
شالة لان ضرب على بطني كعدة على خصرة وندار علية يباوعلي مد ايدة على بطني يتلمسها ويباوع ل نمر
غضب: حبيب بابا هنا اخوتك ميصير تضربهم
عشق: ههههه
لزمت بطني: هنا دادا اخوتك
نمر: دداددد
غضب شالة وكمز : سمعتتتتي موووو سمممعتي
عشق وكفت واقتربت منه: ههههه اي سمعته حبيب امه فدوة
بوستة وغضب مكيف شايلة ويفتر
غضب: يمممممة ابن ابو حبيبي عيدها كول دادا يله دادا
ماحجى شي
عشق: عوفة انته من فرحتك جفلته هسه عبالة شي غلط بعد ميحجيها
غضب: لا يحجيها انتي اسكتي يلة ي روح ابوك داددا دادا
نمر مصدوم يباوعلي ويباوع ل غضب : ددددد اااددد
غضب: اووووووويلي
اقترب باسة من حلكة ضربته على جتفة
عشق: غضضضضب لتبوسة
غضب: ليش ام نمر تغارين
عشق: لا بس خاف هم تعضة
غضب: لا لا انتي تغارين تعاي حتى لتغارين
جرني من خصري وباسني
رجعت لفراشي نمت وهوة نام بصفي وحاضن نمر كعدت الصبح على صوت باب الكنتور تنفتح شفت غضب ديطلع ملابسة مطيت نفسي وتثاوبت
عشق: صباح الخير حبيبي
غضب اندار باوعلي: صباح النور عشقي شو كعدتي
عشق: سمعت صوت الكنتور شتدور
غضب: داطلع للدوام النطاق ماكو وينه
داكوم
غضب: لا لا انتي كولي وينة اني اجيبة ارتاحي انتي
عشق: اني اجيبه
كمت فتحت المجرات ويا شالاتي طلعته وانطيته اله وكف كدام المرايا يلبسة
غضب: ارجعي نامي عشقي
عشق: لا خلي اكملك من تطلع ارجع انام
غضب: فدوة لهل طول
تقرب لزم وجهي وباسني
عشق: اليوم خفارتك
غضب: اي حبيبي خفارة
عشق : الله وياك
لبست دشداشة فوك ملابس النوم لفيت شالي شفته راح حط مخاديد داير مداير نمر حتى ميوكع باسة وطلع طلعت ورا للمطبخ داسويلة ريوك طلع للحديقة يعدل السيارة وينضفها كملت الريوك شلت الصينية الجو صيف طلعتها حتى يتريك ع المرجوحة لكيت عمتي كاعدة تقرأ قرآن ع المرجوحة
عشق: صباح الخير عمه
عمتي: صباح النور ام نمر
عشق: اجيبلج كلاص جاي تتريكين ويانه
عمتي: لا عمه اني تريكت ويا عمج قبل شوية طلع
عشق: على راحتج غضب يلة تعال الريوك حاضر
غضب: اي حبيبي جاي
عمتي: اخذو راحتكم عمه اني اكوم اكمل نومتي
شالت قرآنها وطبت اجه غضب كعد يتريك واني اتريك ويا كمل وطلع واني ويا واكفة باس راسي وطلع قريت ورا سورة الكرسي سديت الباب ورجعت الصينية للمطبخ غسلت المواعين وصعدت لغرفتي نزعت الدشداشة ونمت كعدت على صوت الموبايل يدك مغمضة وجاوبت : الوو
غضب: ولج نايمة وتجاوبين ارقام غريبة
عشق: ادري محد عندة رقمي غيرك يعني محد يدك غيرك
غضب: ابليس شدسوين
عشق: والله الغرفة ضلمة وباردة واني حاضنه نموري ونايمة
غضب: يابت الزفرة واني ماعندي مكان
عشق: انته طلعت شنسويلك
غضب: تريدين ارجع
عشق: شيرجعك مو عندك دوام
غضب: ارجع ارجع بس اذا رجعت للدوام ما ارجع فارغ عندج شي تنطينيا
عشق: كلشي ماعندي يلة باي
غضب: يابت الزفرة يا بخيلة
عشق: لو بس اعرف شبيك ويا امي والزفرة
غضب: لان لوما زفرة متخلف وحدة زفرة مثلج
عشق: اوووووه غضب ليش تضوجني
غضب: فوك ماحجي وياج ومخلص رصيدي عليج
عشق: دزلي الرصيد الي تخلصة علية اخابر البنات وامي بي احسن
غضب: يابت الق... اني اريد احاجيج وانتي تحاجين البنات امشي ولي
سد الخط بوجهي اوووف دكيت عليه انطاني رفض دكيت مرة ثانية هم انطاني رفض دزيتلة رسالة
عشق: حبيبي عفية لتزعل والله اتشاقة وياك جاوبني بداعت نمر
دزيتها ثواني ودك علية
عشق: الو حبيبي
غضب: نعم
عشق: حبيبي
غضب: نعم شتريدين
عشق: شبيك هيج جاف وياية
غضب: مبية نعسان وتعبان وعندي شغل
عشق: بعدك زعلان
غضب: برأيج
عشق: يعني بعدك زعلان والله اتشاقة وياك اني شعندي غيرك
غضب: عندج البنات
عشق: والله العضيم ماعندي غيرك
غضب: لا عندج
عشق: والله الدنيا كلها متهمني غيرك انته وامي ونمر والتؤام
غضب: واني شنو مرتبتي بيهم
عشق: غضبببب
غضب: جاوبي اني بيا مرتبة بيهم
عشق: كلكم نفس المرتبة
غضب: ماكو هل جذب جوزي منه وكوليلي اني يا مرتبة
عشق: نمر والتؤام بالمرتبة الاولى
غضب: اهااااا
عشق: اي كل ام جهالها اهم شي بحياتها
غضب: خوش ووراهم
عشق: انته وامي
غضب : واحد بس
عشق: ماكدر
غضب: لا تكدرين
عشق: زين انته تختارني اني لو امك
غضب: ثنينجن
عشق: باوع واني نفس الحالة
غضب: امي اعزها واحترمها واحبها بس انتي اعشقج
عشق: واني نفس الحالة
غضب: والله جذابة
عشق: اني اقيسها بالفقدان اذا فقدتك انته اتخبل واذا فقدت ماما هم اتخبل
غضب: الحمد لله اني ب معزت امج
عشق: خوما زعلت
غضب: لا لان اني هم نفس الحالة
عشق: الحمد لله مشتاقتلك
غضب: باوع الجذب
عشق: والله مشتاقتلك هسه كون انته يمي الا اعضك
غضب: هههههه امشي لج صايرة جلب تعض عندي شغل بعدين احاجيج باي
عشق: الله وياك دير بالك على نفسك
غضب: مع السلامة
سديت الخط باوعت ل نمر بستة كعد يريد يلعب نزلتة بالكاع انطيته عصارة ككو والعابة فرشت دوشك بالكاع حتى اصير قريبة يمه غفيت حسيت على صوت طكه اصبع وصوت نمر يشهك من الفرح فتحت عيوني نمر يزحف باوعت للباب غضب كاعد على ركبة ويطكله اصبع وهو فرحان يزحفلة
عشق: اجيت حبيبي
شال نمر من الكاع: سمعت اكو احد مشتاقلي
عشق: والله والدوام
غضب: ميصير شي اذا عفتهم ساعة زمان
عشق: اموت عليك
اجه كعد كبالي وشايل نمر : واني اموت ع الينامون
عشق: جهالك ينامون اني شعلية
غضب: كومي نومي نمر مشتاقلج
عشق: مينام ماصار نص ساعة من كعد
غضب: احتركت صفحتج لعد شكو جبتيني كل هل طريق
عشق: ههههه انته جيت اني شعلية
غضب: ابوج المسموط مو كلتي مشتاقتلك كومي الكيلج حل لازم ارجع
عشق: نزلة جوة يلعب
غضب: مامنج فايدة مطيحة حضي تعال بابا تعال
شالة وشال العابة وطلع اووف شسويلة سحبت البطانية غطيت راسي انسحبت من فوك راسي فتحت عيوني
غضب: كومي ولج وين رجعتي تنامين
عشق: عبالي رحت
غضب: اي عيني واروح بدون ما احصل شي ........
غفيت بحضنه كعدت على صوت موبايلة يدك باوعت الملازم علي
غضب مغمض عيونة: منوو؟
عشق: الملازم علي
كمز بسرعة: يالله بيش ساعة
عشق: بال ٢ الا ربع
غضب: خرررب ببليسج تأخرت
كام يبدل كمت لبست الروب
عشق: اسبح واطلع
غضب: اشششش دجاوب الو ها ابو حسين جاي جاي دبرني مسافة الطريق تسلم ي الغالي الله وياك
غضب: ع السريع المنشفة وراي للحمام دخل ع السريع حضرت ملابسة انطيتة المنشفة طلع ع السريع يبدل لفيت شالي وطلعت ورا نزل ع السريع يركض نمر كاعد بحضن سرى توكلة شلتة منها وطلعت ورا ديطلع من الباب صحت ورا: حبيبي
ندارلي: ها عشقي
عشق: لتسوق سريع فدوة
غضب: اروح فدوة ونذر للتخاف علية باس راسي وراس نمر : يلة حبيبي مع السلامة
عشق: الله وياك
طلع ونمر يبجي يريدة قريت ورا اية الكرسي ودخلت نمر يدفر بية ويكمز يريد غضب
سرى: جيبي ولج لتشيلي يدفر خاف يصير شي بالتؤام
عشق: يريد غضب
سرى: ارتاحي انتي روحي تغدي اني اسكته
اخذتة مني دخلت للمطبخ صبيت غدة بماعون داكل باوعت للساعة بعد شوية اخابرة اتاكد منه وصل هسه ديسوق مستعجل اكلت غسلت جم ماعون الموجودات بالمطبخ باوعت للساعة هسه وصل صعدت للغرفة دكيت علية مجاوبني دكيت مرة ثانية هم مجاوب ليش ياربي بس لا صار بي شي افكار اشكال والوان بدماغي واني اخابرة وهوة ميرد ورا خمس اتصالات يلة جاوب
غضب: ها عشق شكو ثبرتي الدنيا
عشق: ويييييينك متجاوووووب
غضب: شبيج اعصابج
عشق: لتكلي اعصابج خمس مرات اخابرك ليش متجاوب
بجيت وكمت اشهك
غضب: حبيبي شبيج تبجين المسؤول جان يمنه ومكدرت اجاوبج
عشق: اوك باي
غضب: حبيبي شبيج
عشق: متت خوف عليك
غضب: والله المسؤول فات من يمنة ومكدرت اجاوبج
عشق: المهم انته بخير يلة روح لشغلك دانزل
7
مر شهرين حياتنه عادية1
غضب: يلة عشق تأخرنة
عشق: اي حبيبي جيت
غضب: اووف من النسوان
عشق: اي اي جيت بس تدردم دالبس نمر شبيك هاك الزمة
غضب: جيبي يلة اصعدي
انطيتة نمر حطه بحضنه صعدت بصفة طلع السيارة وصلنة للعيادة نزلنة هوة شايل نمر واني بطني كبرانة راح ادخل للشهر الخامس دخلنه للعيادة السكرتيرة كالت هسه ادخلج كعدنه ورا عشر دقايق صاحت اسمي
غضب: يلة عشقي
عشق: خايفة غضب
غضب: من شنو يلة ي عمري تعرفين جنسهم وتطلعين هذا هوة
عشق: اوك
دخلت واني رجلي تخض خض من الخوف خوفي ان اكون حامل ببنية وتكون حياتها مثل حياتي دخلت بعد ماسلمت ع الدكتورة وتمددت ع السدية بدت تسويلي السونار كل مخاوفي تحققت من كالتلي حامل بتؤام ولد وبنية انسدت بوب الدنيا بوجهي انطتني مقويات وعلاج وطلعت غضب كاعد يلعب نمر باوعلي طلعت وكف كدامي
غضب: ها عشقي شكالت الدكتورة
عشق نزلت دموعها : ولد وبنية
