** لم يتم مراجعت االاخطاء الاملائيه **
^^^^^^حبيبي علمني العشك الجزء الثاني^^^^^^
ملاك : كاعدتي هاي ماله فايده لا تقدم ولا تاخر ركضت لغرفت امي واخذت عبايه وحطيتها علي راسي ودخلت للصاله صارت كل الانظار علي واولهم فهد ماركزت بيهم هواي ومانتبهت منو ومنو
.... لا تعبون نفسكم بنتي مانطيها لو مدري شيصير الحضانه الي
ضلت دموعي تنزل من وحدها
واحد من الشيوخ : بنتي احنا مارح ناخذ بنتج من عندج بس والدها هم اله حق بيهاا
ملاك : لا ماله ايي حق
فهد : شنو .. وكف وبصياح .. انتي بكيفج مال حق اخذ بنتي اخذها
ملاك : لا مالك ماكملت حجي واجه علي جرني وطلعني
علي : عيب ملاك عيب كلها زلم ونتي واكف تحجين شيكولون علينه
ادخل جوه ويصير خير وبنتج ع كص ركبتي اذا اخذوها
ملاك : علي بنت هسا كولشي الي لاتخليهم ياخذوها مني اموت والله
علي : لا تخافين الحضانه الج وع متكبر الله كريم
ملاك : رجع دخل يمهم علي وخلاني بمصيبتي يلي مدري منين اجتي هسا ذكر بنته من صار عمرها سنه هسا يلا اجه وفتحلي جروح قديمه كعدت بلمطبخ وامي ونور يمي
ام امير : كافي يا عيوني انتي مو عيونج راحن من البجي
ملاك :شسوي لعد يا ماما شسوي مشوفين بنتي راح ياخذوها مني واني رجلي بشمس شسوي
ام امير : اخوانج مايخلوهم يا يمه كافي وستهدي برحمٰن والله كريم
نشالله خير بنيتي
ملاك : كمت من يم ماما ورحت توضيت وكعدت ادعي ربي لا يفرقني عن بنتي ابد حسيت بايدين صغيره تضرب على وجهي
ليال : ما ليث تبثين
ملاك : مابجي يا عمري مابجي وحضنتها وزاد البجي كل ما اشوفها
نزعت ازار الصلاة وشلته ورحت يم ماما ونور .. بابا علي عباس
ولا واحد منهم طلع خلي فهموني صار
ام امير : لا والله ياماما بعدهم محد طلع منهم
ملاك : صافنه وليال بحضني وطلع عباس وخرت ليال من حضني ونطيتها لماما وركضتله .. ها فدوه فرح كلبي وكلي مارح ياخذوها
عباس : صبري ملاك هسا حيرحون وكلشي تعرفين
ملاك : شصبر فهمني شصبر بنتي حياخذوها مني ونتو ياكتين شصبر ( بصوت عالي ممزوج بدموع)
عباس : كافييي كلنالج بعدين ( بصياح )
ملاك : وخرت عنه ورجعت يم ماما حضنتها وضليت ابجي
حط الدولكة المي ع الطاوله ورجع اشوي وسمعنا شيوخهم ضلت تسلم وحيطلعون .. بعد متطلعو دخلنه بلصاله كعدنه كلنه
.. فهموني صار شني هيا بنتي لو شنو
