البارت الخمسين
#الجزء- الثاني
#بقلم-malakuu
قرراوئيه ممتعه للجمييع ..)؛💎💛
هناء..ياا اسيد لا تخبليني احناا وين جنه غير بيتهم
ليال..اهااا اسيد ابن عمو ابو هلال
هناء.. ايي هواا
ريان.. شبي حجاها بنتر
هناء.. معليك انته
نور..ريان روح شكعدك كاعد هنااا
ليال..اييي كملي بيبي
هناء.. يوو واني شبيني احجي ويا الجهال احجي ويا امج احسن
نور..خاله دحجي لو اكلج اني احجي باعي حبيبه خاله ام هلال خطبتج لابنهاا اسيد لان نعجبتج بيج وحبتج
ليال..هااا
هناء..ويعاا مو اكلكم لا نحجي ويا جهال هاي وينها وين الزواج والمسئوليه بيضه بلكوه تكلي
ليال..هنوووء صرت ماعرف حتا بيض اكلي هيج صارت
تباوعلي ودير وجهاا
نور..فكري خاله مبين الولد خوش ولد واهله حبابين وحبوج
ريان..ايي عود ضلن زنن ع راسهاا لحد متوافق وتتورط البنيه
نور..شنو نزن فوك راسها ولك اني موكتلك كوم منااا
ريان.اهوو انتو ولا ينكعد يمكم وانتي الخوثه ليال ماوصيج عود
ليال...ياااا وانته شبيك هم كاب عليه هسا اني وافقت لو كعدت اطك اصبع شسالفه يا ريان
ريان.. يلااا اودعناكم
واني هم كمت من يمهم وصعدت لغرفتنه لكيت تلفوني يلمض
رحت ماما تتصل علي سلمت عليه وسئلت ع ايهاب ودخلت بلموضوع
ليال..ماما حبيبتي ابن عمج ع عيني وراسي بس اني حتا كليه بعدني ممكمله وحياتي مامرتبتهاا خليني يم بيبي اكمل دراستي وبعدين افكر بزواج كلش شايله فكرت الزواج من بالي
ملاك..بس هوا خوش ولد يا امي
..خوش ولد لهله اني شدخلني يا ماما
ملاك..اوووف براحتج امي يلا سلميلي عليهم وديري بالج ع ايهاب اسبوع وراجعين او اقل
..ههه لا اخذو راحتكم بعد ليال مو وياكم فرحانين
ملاك..يوو انتي والله جاهله يلا اشو روحي روحي باي
..ههه باي
مشت الايام عادي كلش مثل قبل بس ايهابو مونسنه وكليوم ريان يطلعنه بليل نفتر
بس غير ريان قبل صارر حيل حريص ديري بالج تعالي مناا سيارات وهواي حتا يخوفني بسببه ضحك عليه اكله شبيك
يكلي ماريد اخسرج مره ثانيه يجبرني اسكت
بس رجعو ماما وبابا من اربيل رجعت وياهم مادري شلون رحت
وشلون غلست ع روحتنه
وصلنه اووف مشتاقتلهم حيل صالي هواي مشايفتهم خاله متغيره
..هاي شنو تركتكم سنه تخونوني وتصيرون تخبلون واحد احلا من الثاني واني الشمس بلصيف داكتني دك
فضيله..هههههه والله يا خاله فد مشتاقه لسوالفج
..اني الاشوق سلمت عليهم كلهم بس اكو نفر مختفي
جنه كلنه كاعدين بلاستقبال لتفت ع خاله ..اكلج خاله الحقنه اااا ها اقصدد سيف ابن العم وينه مختفي
اشو اني كلت هيج وصار واحد يباوع لثاني ويبتسم
فضيله..ههه والله يخاله نايم شعجب اسئلين عليه
..هههههه جا غير ابن عمي وسئل عليه
هما يبتسمون واني جني مطي حشاي ههه اضحك وياهم
اطشرنه ورحت لغرفتي الجميله صالي شكد مداخلتلهاا رتبت ملابسي بلكنتور واصلن عندي هنا ملابس لان ماخذتهن كولهن
دخلت للحمام سبحت وطلعت لبست تراك نيلي ولميت شعري
ورحت للمطبخ يمهم
فضيله ..هاا نعيماً
..الله ينعم عليج محتاجه مساعده
فضيله..ماكلف عليج وانتي خطار بعدج بس فرشي السفر بلدوانيه الجبيره لان عماتج راح يجن كلهن
..ومنى وياهم
فضيله.. عجل منى شلون ماتجي
.. لا هلا ولا مرحبااا
ملاك..لياااال
..هاي من يمتا انتي هناا
ملاك.. ضبي لسانج احسلج لو سامعج احد ثاني غيرنه شيكول عليج
..بعدنه ماكلنه بسم الله شوي شوي عليه حتا ما كملت كلامي
ملاك..تحترمين نفسج وسكتين
..استغفرالله ياربي رايحه رايحه
ملاك..روحي روحي لان ماعندج حجي بي يخير
..ربي صبرك اخذت السفره واني ادردم جاي افتح الباب وقاطعني
سيف..بعدج عجوز ارمل بس ادردمين حسبالي تغيرتي
..لككك سييف شلونك شخبارك هههههه
سيف..الحمدلله ع الله انتي شلونج عجوز ارمل من شفتج وشفتي بس ادردمين
..يعني بشرفك صالك سنه مشايفني تكلي عجوز بدال متاخذني بلاحضان
سيف..وانتي منوو
وتركني وراح ..وانته بعدك حقنه ومتنطاق ويعااا
فرشت السفره وجاي اطلع ودخلن عماتي كالهن وجهالهم ولدهم وبنات كلهم
دخلو الولد ع الدوانيه سلمت عليهم وطلعت وستلمني عماتي جرني وحده وحده توبسني كعدني بنصهن ويسئلني ما عده منى كاعده كدامي وماعاجبهاا
هاي شبيهاا هم وحتا هاي الخبله لاراا كالبه خلقتها دقله وحتا ماسلمت عليه شبيهاا هاي هم نجلبت مثل بعض الناس كعدنه سوالف وضحك
صبينه الغداا وكلنه سواا ولد وبنات لان اصلن عددنه مو قليل وقليل بنفس الوقت الولد البنات لو 8 لو 9 الولد الكبار خمسه وهذولي ال15 17 هيج خمسه سته والنسوان عماتي وخاله فضيله وبابا وجدو وعمو
احب لمتنه لان سوالف وضحك وحتا جدو ويانه
كاعدين الزلم سطر والنسوان سطر خاله كدامها عمو احمد وماما كدامه بابا وبصف بابا الولد كلهم وايهابو كاعد بحضن بابا يوكله
شلون جنت جوعانه بكد ما نسدت نفسي بسبب منى بس احجيلي حجايه اذبلي بسمار عود بس اني اغلس عليهاا يربي اريد افتهم اني شمسويتلهاا كاتله ابوهاا اشو هاذا ابوهاا شمحلاته كاعد براس السفر فديته لجدي وامهاا جنت صغيره اني وين ادري
اخر شي كلش مليت منهاا ترخصت منهم وكمت وكلها وين شكليتي لعد وينكم من منى تسمم البدن محد يحجي ستغفرالله يربي
هدرت الجاي وضليت اطلع الستكاين
وممنتبها للوراي منوو جاي ارجع ليوري ونضربت بلكاونتر
لتفت لا والله مو كاونتر هاذا الحقنه كمزت كمزه
..بسم الله شبيك كمزتني
سيف..وين جان بالج
..بعد هم تريد تعرف شنو يلي بالي ستغفرالله
سيف..استغفري ستغفري احسلج
..والله يلي يشوف هيج نماذج وياا طبعن يستغفر لان مايدري منين تجي الذنوب هيج تتطاير منا ومنا
سيف..شقصدج
..والله يا عيني الحليم تكفيه الاشاره وانته بكيفك تفهم ما تفهم
اوردت ركبته كلها بينت اباوعله صار احمر دخيلك يربي شبيني هيجت الثور يلي بداخله هسا اني الي خلك مشاكل ويا راد يكول بس قاطعه دخول البنات ينكلنه
كبل دار وجها وشرب ماي وطلع اجت لاراا
لارا..جان يسوي هنا سيف شحجيتو
..باوعتله من فوك ليجواا ودرت وجهي وتركتهاا صبيتلهم الجاي ورحت وديته جانو كلهم كاعدين بديت من جدو ودخلت لارا بصينيه الثانيه وصلت يم الحقنه اهوو لاكدر ااشر لارا تنطي مو هيا ميته عليه خل تنطي
ولا اكدر اكسر السره لان بصفه منى واذا منطيتها تتولاني ليش وشنو اعرفهاا
ديلا يا ليال هنا بقن بس استكانتين للحقنه وللبومه اقصد لمنى
ابتسمت ابسامه مال كوه ..تفضلل
جان يحجي واخذ بسرعه حتا ماباوعلي بعد احسن
منى..يلا يلا تحركي راح تصنمين كدام الولد
..شقصدج عمه مشوفين ابن اخوج فاهي
منى..يما يما من لسانج اكلتيني اكل
..ماحب اكل الغثيثين
منى..شنوو ولج
..سلامتج سلامتج
اخذت منى واني صاروخ طلعت لكيت البنات توهن مخلصات مواعين غسلت الصينه وكفت اسولف وياهن ويسئلني عن الكليه
ودخلت لاراا مجانت منتبها تركيزي ويا البنات جان
هيا لحظات مو اكثر
بس احس شي مثل النارر يحرك بيدي من الحرار صرخت صرخه يمكن صوتي نكطع بعدهاا اباوع ليدي يلي صاير حمرا كلشي ماينشاف منهاا وجلدي نصلخ عن العضم احس ولارا واكفه كدامي وتبتسم
كلهاا اجت ع صوتي ايدي كمت ماحس بيها من الالم بس دموعي تجري
اجت ماما وخاله يركضن عليه
ملاك.. ولج شصارر فهميني
احلام .. ياااا يمه حبيبه وكلهم حطولها نشا بسرعه
فضيله.. ولج ركضي جيبيلها شي خل ناخذهاا للمستشفى لاتروح ايد البنيه بيهاا ،ركضي وعمه العماج كون
اجت وحده حطت على ايدي نشا واني من الدموع عيوني غوشن
فضيله.. يا نشااا يمعوده خل ناخذها لا تروح ايدها بيها
اني بس اسمعهم وابجي
راحت وحده من البنات تركض جابتلي شي وحطه فوك راسي واني نايمه بحضن ماما وابجي واحس ايدي جاي تتقطع اجزاء
واسمع منى النذل تكلهم .. هوا حرك تتعايرر وكبرتو الموضوع
مادري عمتي احلام شردت عليه لان ركبنه بسياره
اخذونه بسرعه لاقرب مستوصف هناا دخلنه بسرعه لان جان فارغ اول مشاف الدكتور ايدي انصدم وضل يسئلهم شلون صارر اذا اني ماعرف شلون حركتني ماي جاي شنو ماعرف
هما يحجون واني ابجي مادري شسوه ليدي الدكتور بس شرح وضل يشطح بجلدي المحترك اباوع ليدي وابجي
فرفترت من الالم كاضه بعبايت ماما وابجي وهيا توسد ع راسي
لازمه صرختي بلكوه
شي ربع ساعه لفه ليدي وطلعنه انطويني مسكنات والعلاج
ملاك.. هاا ماماتي خف الالم
.. اباوعلهاا مغوش من الدموع .. هزيت راسي .. بس بيهاا شلون البزه بس اكضهاا
احجي واناشغ
ملاك.. جرتني لحضنهاا يما سوده عليه وين جانتلج هاي
وصلنه للبيت وكلها جانت تنتظر اجن عماتي تحمدلي بسلامه واني لسه الدمعه بعيوني
وكفت لارا كدامي
لارا..وحضنتني وعود تبجي ..والله مو قصدي اكلبه عليج اسفه
..وخري عني
لارا..شبيج ليال
..كتلج وخررري عني ع صرختي كلها لتفت علينه وضلو يباوعولنه كامت ماما
ملاك..امشي ماما رتاحي
..عوفيني اني اعرف ليش سوت هيج
ملاك..ليااال عوفينه من المشاكل وستري علينه كافي طلايب
مو حتا ملينه
..اهاا من صارت يم ليال كافي طلايب
ملاك..لج انتي ماتفهمين ماصاللهم فتره من تصالحو ويا عمتج منى مانريد مشاكل وياهاا ومنا انتي تعبانه وجاي تحجين مو بوعيج
..لا بوعي وكلش زين بوعي وبطكام يطلكهم ويطك جهالها وياهاا مثل هيج بشر اني مشايفه هنوب ادافعولهاا ولا حاجيتو هاي الادبسز لارا وجايين عليه تحاسبوني انتو شنو دخيل الله
باجر راجعه للبصره بعد ركعت وجهي مشوفوهاا خلي تفيدكم منى وبناتها يلي كل خياساتهم اعرفهاا لتخلوني احجي وطلع فضايحهم حتا هاذا رجلهاا يلي ميخاف الله اعرف سوالفه كلهم عائله حثاله من..
فضيله.. يماا ستهدي برحمٰن واكعدي
.. خاله هيا بقت مال اكعد اني راجعه ماجي بعد هناا
ملاك.. مو هوا ع كيفج تقررين يمته ترحين ويمته تجين انطيناج وجه هواي بس طلعتي ما تستاهلين روحه للبصره ماكو واليوم اخلي ابوج ينقلج هناا وخل اشوف شلون ترحين يلاا
.. تركتهم ورحت ركعت الباب ودخلت هيج موو بسيطه اشو من يلي يبقه هناا نسيت سالفت ايدي بعدين انتبهت حسيت الالم زاد شفت الادويه حاطيها ع الميزز شربت حباية مسكنات
بديت انعس وعيوني تغوش بس حطيت راسي ع المخده نمت
ماكعدت اله المغرب
باوعت للساعه 8:00
جان تلفوني يم المخده اخذتها وتصلت لبيبي سولفتلها كلشي صارر
هناء.. معليج انتي يماا اني اخلي امج هيا نفسهاا تجي وتكلج حضري روحج حتا ترحين
.. ههه حبيبتي هنوء هوا انتي يهو يكدرلج
هناء.. يااء ولج يلمكموعه اني شكتلج
.. يوو هنوء شبيج اكلج ضوه عيونج يمج لاا
هناء.. شوف ام لسان تريدك
راغب .. هلا هلا ليالتي شلونج بابا
.. هلا بيك يعمري شلونكم شخباركم
راغب .. الحمدلله بس البيت فاهي بلياج وحتا ريانو ماكو
.. ياا ليش لعد ويانه ريان
راغب.. راح لبغداد امج شلونها ابوج
.. هاذا يمته راح لبغداد اشو مكلي .. الحمدلله بخير شلون عبوس وخالو علاوي
راغب.. ههههه زينين يسئلون عليج يمته تجين وتنورينه
.. هاي بعدني بس اول يوم وهيج شتاقيتولي لعد لو ابقه اسبوع شلون
راغب.. هههههههه
.. حجيت وياهم شوي بعدين سديت الخط اريد الهي روحي باي شي شغلت التلفزيون وكعدت اباوع
هسا هاي لارا شبيها الحمدلله وشكر هذاك سيف وروحي حاجي اني شدخلني اشو يحجي ويا كل البنات جا من اجت يم ليال صارت لا وحرام الله يلعنج يا لاراا اااخ ايدي
نفتح الباب ونطبك بسرعه لتفت ع الباب سيف واكف ومنتجي ع الباب
جريت الشال وحطيته ع راسي جنت ميهمني البس ولا ما البس من اي احد لان بلكوه لبست الحجاب
بس بعدين تعودت عليه وصرت لازم البس من كل شخص محرم عليه ماعده ريان مادري احسه اخويه واكثرر
.. متعرف ادكك الباب من تفوت
سيف..شلون صارت ايدج
.. زينه رايد شي
سيف.. شوي حجيج السويقي هاذا عدلي
.. والله هاذا حجي اني يعجبك اهلاً وسهلاً ميعجبك هم اهلاً وسهلاا فتفضل اختصرر شتريد وطلع لا احد يجي
سيف.. ليش مثلن خايفه واذا احد اجه
.. ههه لاا ما خاف بس تعرف انته عماتك وسوالفهن ويطلعن اشاعات واني مالي خلك ابدد كافي هاي الادبسزز لاراا حرك.. المهم شتريد
سيف.. اوكفي اوكفي
..لا خل اكعدد
سيف..يعني لاراا جانت متقصده
..شدخلك حركتني ما حركتني انته شكوو
سيف..احجي عدل
..شدخلك هاا شدخلك عن قصد مو عن قصد لا تتدخل
سيف.. لااا ادخلل
.. بصفتك منوو حتاا تتدخل ب..
سيف.. بصفتيي ابن عمج وغصبن عليج
..انته جاي اتكول ابن عمي يعني لا امي لا ابوي ولا اخوي حتا تتدخل ابن عمي فقط وهساا تفضل اطلع براا
خزرني وركع باب وطلع
دقايق ماطول ودخلت لاراا وعيونه دم وتخز بيه
باوعتلها صفح ورجعت اباوع للمسلسل جان مسلسل صدفه فد مسلسل رهيب .. متابعته لاا لهل مسلسل
لاراا..توه دخل سيف هناا شحجيتوو
..شنوو يا سيف هاذا
لارا..لياااال لا تغشمين نفسج توه دخل سيف هنااا
..حبيبي روح فحصي عيونج مدري فحصي عقلج لان اكيد واحد منهم خرب تقربت مني وجرتني من ايدي المحتركه
ركعتها راجدي بعد الالم يلي حسيته لان صدك اذتني
كضت خده تتحسسه
..لا تخافين ما تروح خدودج من كد الاكل صايره برميل
كوم ودفعتني وطلعت ... اااخخ من احتركتي بزيت ونفط كون
