لم يتم مراجعة الاخطاء الاملائيه ...
حبيبي علمني العشك الجزء الثاني .....
ام امير : ايي مشالله خير احنا يوم ونروح ونمرلهم حتا نشوف البنيه
ملاك : ايي روحي انتي ونور شوفها
ام امير: جا ونتي شنو مترحين
ملاك : اكيد ماروح شعندي بذاك البيت اني
ام امير : ياااء شني غير خطيبت اخوج شسالفه يا يمه
ملاك : شنو ماما نسيتي يعتبر بيت طليقي ذاك البيت اروح شنو
سكتت ماما اردت اكسر السكوت اوفف لو ماخليت ليال تروح احسن
ام امير : ياء ليش خلي تشوف ابوها البنيه
ملاك : لا هسا يتعود ويضل يمته ميريد ياخذها حسباله اسكتلها
نور : اخخ منج بابا بنته انتي شكو
ملاك : لعد اني شنو رجلي كرسي لو امها
نور : ههههه مو قصدي هيج وثول ههههه
ملاك : ههههه مرت ساعات وكمنه نحضر بلغدا خلينه ماما ترتاح واحنا طبخنه اممم عاشت ايدي
نور : شنو عيني لعد واني صالي ساعه اطبخ ونكسر شهري ونتي تكولين عاشت ايدي لا لهنا وكافي .....
ملاك : عاي شبيج اشاقه يلا عاشت ايدج حبيبتي عمري نوره
نور : ايي هيج هههه
ملاك : كمل الاكل وحضرت السفر ونقلت الاكل للسفره وكعدنه ناكل
ام امير: والله والاكل فاهي بدونهم
نور : ايي والله خاله حتا ماشتهي اكل وعلي وماموجود
ملاك: ضحكنه عليها اني وماما هههههههه حبيبي نور عمري
نور : ولا اغسل لا تحاولين
ملاك : يا عمري هيا كلها كم ماعون شسالفه والله احس ضهري متكسر
نور: لعد اني ماجاي احس بي
ام امير : هنا كم ماعون كلبتن الدنيه لو مسويه الغدا اني ولا هيج تتعاركن ولن ولن اني اغسل
نور: لا خاله صدكك جذب ملاك موجوده وتغسلين المواعين
انتي هههههههه
ام امير : سكتي انتي وسكتي انتي يلا انتن طبختن واني راح اغسل ومن يجون الولد عود صبولهم اكل ماشي
ملاك : لا ماما صدكك جذب هسا نغسلهن سوا اني ونور وهم الولد نصبلهم من يجون روحي نامي انتي بعد ما تعاركنه رحنه نغسل المواعين كملنه كلشي رحت كبل للحمام سبحت لان تعاركنه بلمي وغسول المواعين عبالك جهال ماجنه كل وحده عدها طفل وحيصير بطولها ههههههه
كملت شعري وجففته ودخلت الى عالم الاحلام هههههه
