السادس والخمسون
#الجزء- الثاني
#بقلم-malakuu - العنود
(لم تتم مراجعة الاخطاء الاملائيه ..؛؛
قرأه ممتعه للجميع ..💛💎)؛
الشارع فارغ وطريق چول حتا بيوت قليل بي وبعيده عم الطريق وسياره سوده كدامنه
قاطعه الطريق علينه
هناء..يا الله يا الله يا ساتر ياالله امشي عباااس امشي
ملاك.. التف وتركم مادام نزلو عباس
عباس .. سككتوو من الله ياخذني سكتووو
ريان.. وكتكم تحجوووون اخل نفتهم
خوف على رعب كلهن تراكمن بهاي الحظه نزل احد من السياره ودك الجامه نزل الجامه خالو
انفاسنه عاليه يمكن نبضات كلبي كلها تسمعها لزمت ايد امي
حيل
نزل خالو الجامه حجه الرجال .. افتح الضوه
فتح خالو الضوه رجع حجه..وين طريقكم
عباس..للجزيره
..شعدك بجزيره وطالع هيج وكت
ريان.. فاتحه
عباس.. ايي ومستعجلين
..نزلو
عباس.. اخي مستعجلين
...كتلككككك نزلووو
..نزلو خالو ريان ونطفه الكلوب اجه واحد ثاني وفتح الباب وكال نزلن و ايهاب يصرخ ويبجي
وخالو وريان يصيحون عليهم يكلولهم معليهن هناا لا تنزلوهن
وكفنه كلنه سطر
قربو الكلوبات من وجوهنه لان جانت ضلمه وريان يصيح لا تتدنون منهن واحد من يلي شايلين سلاح اجو بتجاه رياان
وكعده بلكاع وحط المسدس براسه واحنه بجينه ونتوسل بي يعوفه
وريان يكله انته رجاااال اكتلني واحد مبين شوي جبير بلعمر هيج 39 يعني بتلاثين هيج من صوته كله عوفه
هذاك كلش ضاج وكام وضرب ريان بجتفه بسلاح
امي تتوسل بيهم وخالو يحجي وياهم ويسكت بامي لحظات ما اتمنها لعدوي حتاا ،دنيا ضلمه و3 نسوان و وثنين رياجيل مجتفيهم
وطفل يبجي و5 مسلحين وكاطعين علينه الطريق
الرجال اشرلنه نروح نرجع للسياره رحنه نركض
ومادري شحجو ويا ريان وخالو
لحظات لو نعيش لو نموت
طولما احنا كاعدين بسياره وخالو وريان برا عيني على الثنين يلي منتجين على السياره وشايلين اسلحه طوال وكبار يصيرن اباوعلهم ورجف
ردو ريان وخالوصعدو بسياره
وطول الطريق خالو وريان ماخلو فشار وغلطه ما غلطوها
عباس .. مخانيث احنااا حتاا هيج ايياعون لنسوانه من انعل ابوهم لابو الجابهم هم
ريان...الكو**** بس خلي تخلص السالفه اطلع من الكاع خوات الك***
هناء.. كولو ياا الله عدت سلامات شهل غلط بعددد
ريان.. جده انتي سكتيييي سكتيييي وضرب على السياره
عباس ... من خررب بهلعيش الطايح حضه الكو*** هذول
ملاك... كاااافي كااافي سكتووو وخلونه نوصل سلامات ونطلع منااا
..ضلو نفس الشي لحد ما وصلنه خوالي وجدو واكفين يم الباب واصلين قبلنه نزلنه وصفو السياره
راغب.. وين رحت عباس ما مشيت ورانه
مارد خالو لان هوا وريان حامين ليسولهم بس يقضون عليه
دخلنه للبيت سلمنه على مرت خالي والولد
اتلكتنه خاله نور مرت علي ..وين اتاخرتو ضل بالنه عليكم
ملاك.. مسلحين كطعو علينه الطريق
نور.. ضربت على صدرهاا..شنوو وشلون طلعتو
ملاك.. بقدرت قادر طلعنه منهم
شوي وسمعنه صياح من الصاله رحنه خالو عباس مسولفلهم
وكايمه الصيحه
راغب... شكوو ما لحكتونه لو صايرر بيكم شي هسااا هااا
رياان.. خلصتو مو
وتركنه وطلع
علي..هلسر*** هاذا الي يوم مطيح حضه كلش انطيته مجال
عباس.. علي ترا رجال شكدا وشكبره تحاجي هيج شتريد يكلك
علي.. عباس اسكت هاي شغله بيني وبين ابني لا تتدخل
عباس.. اهاا صارت هيج من رخصتكم وطلع زعلان من حجي خالو
هناء..كولو يا الله دخل شيطان بينكم يمه شبيكم الحمدلله عدت سلامات وطلعته بخير
جدو كاعد بصف بيبي ومدنك راسه يفكر خالو معصب وخاله نور يمه تهدي وهوا يسب ويغلط بريان
عباس وريان طلعو زعلانين اني واكفه يم امي يلي حاطه ايدها عبى خدها وصافنه
يربي صار بهل ثواني كلشي نكلب فوك حدر تشردنه من بيتنه
كضونه كطاعين الطريق وبقدرت قادر طلعنه
وهسا نزاعات ومشاحنات بلبيت
