#البارت_الثَامن .
#بِـقلم :- رَزان عباس ✨.
لا تنسـون التعليــق بـين فـقرة و فـقرة حتـى تـصعد الـقصـةة ✨.
♡♡..
صار ساعة بـ 10 ودخل عمي گال لـ زينب تاخذ الولد لغرفة وأني أخذت أبوي وأمي لغرفة...
رحت لغرفتي لگيت محمد گاعد يباوع بالجهاز، شافني دخلت وأبتسم...
محمد: وينچ لهس
سارة: چنت گاعده يم البنات
محمد: تعالي
رحت تمددت يمة حظني وباسني ؏ راسي...
محمد: سارة
سارة: ها
محمد: أريد أتمم زواجي عليچ
سارة: بس
محمد: أني أريدچ شرع وقانون، زواجنا لا تقليدي ولا عن حب بس رب العالمين كاتب الچ وإلي نكون البعض، وأنتِ زوجة ونعم منها ليش أخسرچ
دفنت راسي بـ صدرة وحچيت بـ خفوت...
سارة: بكيفك
ضحك وحضني قوي وحچة بـ ضحكة...
محمد: مو هس يروحي مو هس
•••••
دخلت للغرفة ودخل وراي فهد، أخذت تراك من الكنتور و رحت للحمام سبحت وطلعت أنشف شعري...
فهد: تعالي أريد أحچي وياچ
لفيت شعري وحطيت قراصة، و رحت گعدت يمة باوعلي وحچة بهدوء...
فهد: شوفي روان، مابيچ نقص ولا عيب بس أني تزوجتچ مجبور وأنتِ همين، أني أريد أنفصل عنچ بس ميقبلون إله سنة
روان: وأني أريد أنفصل عنك
صفن لحظات بـ كلمتي حط عيونه بـ عيوني وحچة...
فهد: الحمدلله قرارنا واحد، لا تتأملين بية هذا لي ردت أفهمچ بي
روان: لا تخاف، ما رح أحط أمل ولا أحتمال، لأن أني ماريد أبقى وياك
فهد: تمام
روان: بس ترجع تمشي رح أحچي ويا عمي
فهد: شوفي لا تفهميني غلط، ما جايبچ علمود لمن أتعالج، بس لأن أهلچ أجو حتى لا تحطين أحتمالات من راسچ
روان: فهمت، وفهمتك بس ماريد أعوفك إلا أشوفك واگف ؏ طولك
فهد: شكراً
أنت تقرأ
فصليتين ( الأصلية )
Narrativa generaleقصة عراقية بقلمي :- رَزان عباس ✨. - الإنسان لا ينتبه إلا إلى ألمه أما سعادته فلا يتوقف عندها ولا يلتفت إليها و لو فكّر الإنسان في سعادته لوجد أن لكل مرحلة من مراحل حياته حظًا منها . #فصليتين
