الفارس المغرور و البطله العنيده

الفصل الاول

ازيكم هبدأ يومى زى كل يوم على صوت اخواتى العسل

عمر بصوت عالى : ماري قومى اصحى يلا هتتأخري على  الشغل

ماري بنعاس: ها حاضر حاضر هقوم اهو هقوم

نورهان بزهق:  يا ماري يلا بقالك ساعه بتقولي هقوم

مريم بصوت عالى: هتترفدى يا بت الموكوسه الساعه 12

ماري بنعاس:  ها ماشى لما تيجى الساعه 1 هصحا

نورهان بخبث:  ماشى يا حببتى نامى نوم العافيه

عمر : نهار اسوح انتى بتساعديها يازفته قومى يا بت اصحى

مريم بخبث:  خلاص يا عمر يلا نسبها على راحتها

نورهان بخبث وهيا بتجيب ازازه مايه: يلا يا مريم نسبها

مريم وهى بتجيب ازازه تانيه:  يلا انا اصلا اتأخرت

عمر بعد ما فهم اللى هما عايزين يعملو  : تصدقي حلال فيكى اللى هيعملو فيكي

ماري و هيا بتفتح عنيها:  قصدك اي  عاااااااااااااااااااااااااااااا يا ولاد سعيد انا هوريكم

مريم و نورهان و هما بيجرو : ماااااامااااا يا مااااااااااماااااااا

ماري بغضب و هى بتجرى : ولا حد يقدر  يمنعني انى اخد بطاري

عمر و هو يمسك ماري: اهدى اهدى هما بس بيحبوكى علشان  كده عملولك شاور على السريع 😂😂😂😂

ماري و هيا بتضرب عمر: اوعي يا ابن الناس علشان مخاليش و شك زى عم شكشك

عمر بضحك: اتفضلى يا اوختشي انا غلطان أولعو

ماري بغضب: تعالولى

ماما و هي بتخبى  مريم و نورهان : خلاص يا ميمي بقى يلا الساعه 8 تلحقى تاكلى و تنزلى

ماري: يووويووو يا ماما ولادك عملوا حاجات مش حلوه معايه

ماما وهيا بترفع احد حاجبيها: ايه هيا الحاجات اللى مش حلوه دى

ماري وهيا بترفع صوابعها:  اول حاجه قالولي الساعه 12 وهيا الساعه 8 ودا غلط كبير وتانى زى ماحضرتك شايفه كدهخالونى استحمي فى الجو ده ولو جالي برد انا مش هرحمهم

ماما و هيا ترفع الشبشب: فى حاجه نفسك تقوليها قبل ما الحلو ده ينزل عليكى
عمر بضحك: يا ماما ليه كده بنتك مش بتحب الحلو ده فا هتقلب وش الكلب الباريئ

ماري وهيا تتراجع للخلف و تجري: احم ماشى يا ست الكل رايحه اغير هدومى بقى عايزه حاجه اجبهالك من اوضتى لا ماشى ياقلبى

ماما: ربنا يهديكم روحو يلا غيرو علشان مش تتأخرو

مريم و نورهان و عمر:  ماشى