نوفيلا( صراع الحب ) للكاتبة سلمي سمير/ الجزء الثالث من رواية ( غلطة العمر)

🌿الفصل السادس عشر🌿

《《اللهم اجعل أولادي قرة عين لي ولأبيهم ولأمة الإسلام والمسلمين وإجعلهم من سعداء الدنيا والآخرة اللهم اجعل ابنائي مباركين اينما كانوا اللهم امين》》
_____________________&&
💐🌷البارت السادس عشر🌷💐
🌼🍁🌼🍁🌼🍁🌼🍁🌼🍁🌼🍁🌼🍁🌼🍁🌼
وهما في معرض الموبيليا يلاحظ وليد شرود فريدة والحزن المرسوم علي ملامحها الجميله ليعرض عليها حبه  تاني وتضحيته مقابل اعترافه بحبها ليه واستعداده التام للبحث في موضوع انهم اخوات من اصله وحتي لو وصل لحد تغير دمه هيغيره ولا انه يتحرم منها
وينبها ان دي فرصتهم الاخيرة لتلين فريدة وتقرر الاعتراف
بحبها هتخسر ايه  من المحاوله قبل ما يضيع حلمها وتضم
ايدها في ايده وتشبك اصابعها في اصابعه وتحمر خجلا وترفع راسها لتعرف له بانه حبيبها وحلم عمره ان تشاركه ايامه  واحلامه وتكون عشيقه لي لياليه لتصتدم عينيها   بنظرة النصر في عيونه لياخدها كبربائة وتقرر الهروب
فريدة:- تفك اصابعها من التشابك من اصابع وليد وبكل غرور
وليد انت ليه مش عايز تفهم انت اخويا وبس ومشاركتي ليك في اختيار ديكورات او موبيليات جناحك كل ده لانك صديق طفولتي مش كفاية تقبلت اتهامك ليا اني ممكن اكون انا اللي كنت في حضنك وابادلك القبلات بدون حياء كاني ساقطه كفاية لحد هنا لولا وعدك ليا انك هتلتزم بمعاملتي علي اني اختك وصديقتك صدقني انا مكنتش خرجت معاك علشان مسمعش كلامك الغريب ده تاني ياريت تفكر في خطيبتك وانت بتعرض عليا حبك ومدام مش بتحبها  هتكمل معاها ليه
وليد:- بعد ما اتملكه الغضب مين قال اني مش بحبها ومين قال اني حبها ليا وتبادلنا القبلات والاحضان بينا انها ساقطه
ويمسكها من دراعها بعنف ميرفت احسن منك وانا مش ندمان انها هتبقي مراتي لاني اكتشف حقيقه  معروفه كانت غايبه عني ان مراية الحب عميا وانا كنت اعمي بحبي ليكي عن كل عيوبك انتي انسانه عديمة الاحساس ومعندكيش مشاعر قلبك ميت علشان كده مقدرتيش تميزي حبي الصادق ليكي واحساسي اللي ملكته لكن فعلا انا اللي غلطان يا فريدة مش انتي كنتي دايما صريحه معايا ورفضه حبي وانا كنت بحسبها هروب التمست ليكي الاعذار وهي كانت حقائق اتمنيت تكوني انتي اللي كانت في حضني علي الجزيرة  لكن ازاي وانتي عمرك ما فكرتي فيا وفي قلبي اللي بيموت فيكي انا بحمد ربنا اني فقت وعيني فتحت قبل ما اخسر الانسانه الوحيدة اللي بتحبني بجد واللي شايفاني فارس احلامه وامنيتها في الحياة واسف ليكي لاني طالبتك تكون صريحه وانتي عمرك ما كذبتي عليا او خدعتيني بحب زائف واخيرا شكرا لمساعدتك ليا بس ده واجب عليكي بما انك اختي الكبيرة
فريدة:- ترجع لورا من قوة كلماته الجارحه وتحس ان رجلها مش شيلاها فعل بكل غباءها وكبرياءها خسرت احترامه ليها او صداقته فعلا  هي خسرت وليد للابد
وليد:- يفك ايده عن دراعها وينفضها كانه بيتخلص من شئ مكروه  ويبصلها حصليني علي العربيه ويسبقها  وهي تلملم شتات نفسها وتطلب كوباية ميه تبلع ريقها الناشف من  صدمة
كلامه ليها وتخرج تلقيها بيتكلم في الفون وبقفل ويفتح لبها باب  العربية اتفضلي اركبي بسرعه  علشان رايح اخد عمتو نجلاء وهننزل نختار شبكة عروستي ميرفت يا انسه فريدة
فريدة:- حاضر وتروح تركب جمبه وكل شويا تلتفه ليه وتركز علي ملامحه الغاضبه والعرق النافر في جبينه دليل عصبيته وانه  بيحاول يسيطر علي غضبه قبل ما ينفجر فيها  وفونه يرن كذا مره وهو بعصبيه يشوف الرقم ويرميه  اكيد مش هيرد علي حد وهو متعصب بالشكل ده مستني يهدي الاول
ويصلو للسرايا ويفتح ليها الباب اتفضلي وياريت تبلغي بابا وماما اني مش هرجع علي العشا هقضي اليوم مع عمتو
نجلاء و اهل خطيبتي
ويقفل الباب بعد ما نزلت وينطلق بالعربية  بسرعه جنونبه
فريدة:- تدخل السرايا وتحس ان روحها فارقتها ليه قضت علي اخر فرصه ليه مسمحتش ليه يدور ويبحث ولو ملقاش فايدة كان هيفضل بينهم قصة حب جميله اساسها الاحترام
وتقابلها  هنا وتسالها عملو ايه واختارو ايه من الموبيليا
فريدة ترد عليها وهي تايهه وحسا بالخواء الداخلي
وتلاحظ هنا انها تعبانه ومش قادرة تتكلم او حتي ترد عليها
هنا:- مالك يا فريدة هو فين وليد مجاش معاكي ولا ايه
فريدة:- لا راح لاهل خطيبتها يختار الشبكه وقالي ابلغك  انه هيقضي باقي اليوم معاهم وهيتعشي وياهم
هنا:- طيب اطلعي ريحي علي ما الغدا يجهز ويكون باهر ومحمد رجعو  والست ايه اللي اتاخرت اووي هي كمان
فريدة:- هو اونكل باهر خرج امتي  مش قال انه هيريح النهاردة وازاي ايه مرجعتش لدلوقتيايه اخرها كده
هنا:- مفيش باباكي اتصل عليها من نص ساعه وقاله يحصله علي المستشفي عنده مشكله في الادارة محتاج يخلصها معاه
بس صح وليد ماقالش لينا  انه هيجيب الشبكه النهاردة  ايه اللي خليه يروح يجبها من غير ما يرجعلنا انا وابوها
فريدة:- انا خرجت من المعرض كان بيكلم عمته ويمكن قالتله يجي يجيب الشبكه او بنتها طلبت منه حاجه معينه
هنا:-  ماشي بقي نجلاء  هتخطف وليد مني وتخليه ينفذ كلامها هير وبس من غير ما يرجعلنا طيب انا هبوظ الجوازه دي وخلي بنتها ملكة الجمال تقعد جمبها وتفرح بيها بعيد عننا
فريدة:- تضحك بسخرية قلبك ابيض يا طنط اصبري لحد ما يرجع وليد علي الاقل هتفهمي ايه اللي حصل
هنا:- كلامك سليم وعاقل ربنا يكملك بعقلك اطلعي انتي غيري وخدي شاور يفوقك علي ما يرجعو وانا هدخل اقعد شويا مع بابا ممدوح حبيب قلبي اللي مش بيسني لوحدي
فريدة:- هكلم آية الاول اشوفه فين وعملت ايه في طلبات نادر وتتصل بآية وترد عليها
آية:- ايوه يا فريدة انتي فين روحتو ولا لسه
فريدة:- ايوه روحت انتي فين كده وصوت مين ده اونكل باهر صح هو انتي بالمستشفي عند بابا بتعملي ايه
آية:- مفيش حصلي اغماء واتصلت باونكل رؤوف وهو اتصل بي بابا متبلغيش ماما لتقلق عليا وانا شويا وهرجع مع محمد
فريدة:- تحب اجيلك او اتصل بوليد يجي ياخدني ونجيلك
آية:- لا يا حبيبتي متقلقيش عليا بابا قام بالواجب واتصل بوليد بيحسبك معاه وزمانه جاي في السكه وتفتكر فون وليد اللي كان بيرن وهو  كان غضبان منها  ومش عايز يرد.عليه اكيد مش هيرد علي ابوها وهو متعصب
فريدة:- طيب متتاخريش عليا وترجعي لينا بالسلامه
وبعد ساعتين يرجعو للبيت باهر  ووليد ومحمد واية وتشوفهم هنا ايه لمكم علي بعض كده مال وشك يا ايه
آية:- ماله يا ماما انا كويسه بس العربية عملتها معايا واتصلت بمحمد  جاه ياخدني وبابا اتصل بوليد مردش عليه  ام اتصل علينا نروح نخده من عند اونكل رؤوف وجه وليد بعدنا بس  ده اللي جمعنا المهم العشاجاهز جعانه موت وكمان لازم اتغذي كويس انا هتجوز كمان ٣ اسابيع يرضيكي ابقي مسلوعه
هنا:- اه منك يا لمضة بس وشك مش عاجبني عملتي حادثه كالعادة خلي ابوكي يفرح بيكي وبالعربيه االي جيبهالك  بين عليكي الخضه خالص
تنزل فريدة بعد ما سمعت حوارهم وتحاول تنقذها
فريدة:- لا يا طنط دي بس مكسوفه  ووشها مخطوف من الخجل مش كده يا ايوش
آية:- هو كده بالظبط يلا بقي اكليني يا مامتي جعانه مووت
باهر:- يا هنا يا حبيبتي يعني كلنا متغدناش وانت كمان مش عايزه تعشينا طيب اقدر عليكي كده ازاي انتي عايزه تهربي من ليلتنا النهاردة ولا ايه لما تجوعيني هنام واسيب حضنك
يرضيكي كده يا قمرتي دا انا هدلعك دلع السنين النهاردة
هنا:- باهر متعصبنيش وبطل الكلام ده قدام الاولاد واحترم سنك  ومقامك حتي قدام فريدة
باهر:- يروح يحضنها هو عيب لما احب واعشق مراتي ثم فريدة دي بنتنا زيها زي ايه وبيسام ولا ايه يا فريدة
فريدة:- بصراحه يا اونكل باهر انا بحسد طنط هنا عليكي هو في في رومانسيتك وحبك  لطنط هنا ده مستحيل والله انتي حبك عملة نادرة واللي يبقي ليها نصيب في واحد زيك تبقي محظوظه زي طنط هنا وزيادة بيه
محمد:- فيه ويمكن اكتر كمان  بس للاسف عمرك ما هيكون ليكي معاه نصيب خليفة بابا وليد او باهر الصغير زي جدو ممدوح ما بيقول عليه
وليد:- ده شرف ليا اني ابقي زي بابا  وزي ما ماما تستاهل حب بابا انا كمان ربنا اداني اللي تستاهل حبي انا طالع انام
لان بكره هنزل اجيب الشبكه واخلص ترتيبات الزفاف وياريت
يا ماما انتي وبابا تجهزو نفسكم استنو في في رساله عايزه اوصلهالكم ويفتح تليفونه ويتصل مكالمة فيديو بميرفت
ميرفت:- خالو باهر طنطي هنا انا عايزه اقولكم ان وليد ده نعمه ربنا رزقنا بيها واوعدكم اني احبه واقدره واحترمه
هنا:-  ده واجب عليكي يا ميرفت بس ايه لزمة الكلام ده
ميرفت:- اصل وليد عملي مفاحاءة جميله اووي النهاردة هسيبه يقولكم عليها وكمان هو اقسم ليا ان قلبه بقي ملكي انا وبس وهيعيش مخلص ليا ولحبي ومش هيسمح لاي حد مهما كان يبعدنا عن بعض لان انا واحة الراحه والحب ليه
باهر:- الله الله دي انت عاشق صبابا بقي يلا بس خلصي انتي رحلتك وارجعي وليد مصمم تفرشي الجناح علي ذوقك
ميرفت:- ايوه قالي وورانا الملابس الجميله اللي جبهالي ذوقه جنان بالذات في ملابس النوم والبكيني وتتكسف اسفه ليكم
وليد:- هقطم رقبتك دي حاجه بيني وبينك تقولي عليها لماما وبابا ماشي يا مرفت لما ترجعي هقطع لسانك
ميرفت: يوه بقي حقك عليا سماح اموواه بوسه اهي اصالحك بيها  لحد ما ارجعلك وتاخدها علي الطبيعه وكمان انا فرحانه علشان ذوقك جنان والملابس الحميميه دي دليل الحب يا حبي سلملي علي آيوش وقوليلها مرات اخوكي جيبلك هدية مميزه هتعجبها اوووي علي ذوقي  ومن اختيار حبيبي
آية:- ماشي يا ميرفت انا اهوه سمعاكي ولو  هديتك عجبت خطيبي اوعدك اخلي حبيبك يكافئك وانا عارفه هيكفاءك بايه
وليد:- يلا روحي نامي وشك مرهق وعايزك تهتمي بصحتك عايزك جميله تبهريني وتبهري المعازيم زي ما بتبهري مصر كلها
ميرفت:- وانت عندك شك في كده يلا سلام  يا زوجي المستقبلي كلها ايام وهبقي معاك ليل ونهار
وليد:- لا استني هطلع انام واتكلم معاكي شويا واوريكي بدلة الفرح والفستان خليكي ثواني علي الخط همسي عليا واطلع انا وانتي نعمل بروفا صغيرة علي ليلة الزفاف ويبص ليهم
تصبحو علي خير واشوفكم صباحا ويبص لفريدة وميرفت بتضحك بوقاحه ومياصه  يقولها اموت في دلعك يلا بينا
فريدة:- تحس بكتمت نفسها وتنزل تقعد وسطهم وتسمع انتقاد هنا ليها وانها مش دي اللي تنفع وليد وكان هاين عليه تصرخ وتقولها انها السبب في ان وليد رمي نفسه في حضنها
☘☘☘☘☘☘☘☘☘☘☘☘☘☘☘☘☘
وتمر الايام وكل يوم يعدي يقرب ميعاد الزفاف وفريدة تحس الالم والوجع لخسارة وليد وخسارة احترامه ليها وهو كمان كان بيتجنبها ودايما يهزر ويضحك بعيد عنها واول ما تدخل معاهم في اي حوار بينسحب وتحاول فريدة انها تكلمه وتفسر ليه اللي عملته وسبب رفضها ليه لكن هو مكنش بيديلها اي فرصه ويرجع باسل ويارا قيل الفرح باسبوع وبعدهم يرجعو نانسي وشادي وكمان ممدوح خد اجازة لخطوبته من صفاء وتجي بيسام تقعد بالسرايا علشان تساعد مامتها واخوها في ترتيبات الزفاف وبقت السرايا دايما مليانه ومبقاش في اي فرصه لفريدة تكلم وليد  لحد اخر يومين قبل الزفاف ترجع ميرفت من السفر ويروح وليد ومحمد يجبوها من المطار وطبعا الكل يرحب بيها  لانها العروس المنتظرة
ميرفت:- هاي فريدة شكرا لمساعدتك لوليد قالي انه لولاكي كان احتاس وان ذوقك جميل وتوطي بصراحه انا مرديتش ازعله او اقل من تعبك لكن ذوقك وحش اوووي ومش عاجبني عمتنا بعد الزفاف ولما ارجع من اجازة شهر العسل هغيره كله لانه  مش علي ذوقي ولا مستوايا الراقي
فريدة:- بغيظ انتي اصلا معندكيش ذوق من الاساس بقي انا ذوقي مش عاجبك اوعي تفكري نفسك لانك  ملكة جمال  هيبقي عقلك وذوقك عالي زي جمال شكلك بالعكس انتي تافهه ومهمشه الفكر وانسانه انتهازية ووصوليه ومعندكيش شخصيه انا غلطانه اني اشتركت في حاجه تخصك
ميرفت:- ياي ايه ده انتي حقودة اوووي بجد وليد طنط هنا اونكل باهر يرضيكم كده شوفتي يا فريدة  بتقول عليا ايه
بيسام:- اهدي يا فريدة مفيش داعي للكلام ده اللي اخترتيه كان علي ذوق وليد وتشكري وانتي يا ميرفت غلطانه
وليد:- فعلا يا ميرفت كله كان علي ذوقي فريدة ساعدتني بس لكن لو مش عاجبك اوعدك نرجع من شهر العسل ونغيره علي ذوقك  انتي خلاص يا حبي اتفقنا
ميرفت:- اوك يا بيبي بس مش عايزاها تحضر فرحي ممكن
فريدة:- بعصببه اني ميشرفنيش احضر فرحك وشكرا ليكم وانا هطلع اخد شنطتي واروح لفيلتنا علي الاقل فيها اهلي بيحترموني وبيقدرو ذوقي
بيسام:- اعقلي يا فريدة واحنا كمان اهلك خليكي معانا علشان خاطر خالك علي الاقل وتبص لميرفت هو ايه اللي بتقوليه ده يا ميرفت دي اخت خطيب اختي ولازم تحضر الفرح علشان اخوها وايه صديقتها ده غير انها  بنت اعز صديق لبابا وكمان بنت اخت جوزي صلاح وانا مقبلش الاهانه ليها
وليد:- اوف خلاص يا بيسام انا هطلع اكلمها واتاسف ليها
ويطلع بخبط علي الباب ينفتح الباب وعينها تجي في عينه
وتحاول تشوف حبه وعشقه ليه لكن كل ده اختفي وكانت هتفسرله وتنطق بعد ما جاتلها الفرصه اخيرا لكنه يكلمها بدلوماسيه  فريدة محصلش حاجه لكل ده عروسة وبتدلع
فريدة:- اسفه يا وليد كان نفسي اشاركك فرحتك زي ما ياما شاركتك طفولتك لكن خلاص انتي ليك حياتك وانا ليا حياتي
وليد:- اوك اللي يريحك هاتي الشنطه انزلهالك ومحمد يوصلك
وتنزل وراها وهي حابسه دموعها وكلهم حاولو يقنعوها تفضل مفيش فايدة وتوصل للفيلا منهارة تطلع اوضتها تقفلها علي نفسها وتبكي علي قلبها اللي كسرته بايده وحبها اللي ضيعته
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
ويجي بسرعه يوم الزفاف ويحاول فريد ونادر يقنعوها تحضر الزفاف لكن اصرارها كان حائط صلد لا يتحرك او يتزحزح
نادر:- بابا انا زهقت واختي غبية بتتخلي عن انه تحضر  فرحي  بسبب وليد مش كلام  ميرفت ايه شرحتلي كل حاجه
فريدة:- ايوه بسبب وليد لانه طلع كذاب وعمره ما حبني علشان يسمح ليها تهني وتقلل ما احترامي هي متهمنيش  في حاجه  لكن هو صديق طفولتي واخويا يقبل ازاي كده عليا
رؤوف:- يا فريدة انتي هتحضري فرح اخوكي وصاحبتك وسببك من وليد انتي ياما جرحتبه ورفضتبه وهو  عمل معاكي كده لان ميرفت هتبقي مراته ومينفعش يكبرك عليها
فريدة:- خلاص يبقي مش عايزه اشوف وشه ولا اشوف وشها
نادر:- خلاص يا بابا يلا يا فريد علشان نلحق نجهز نفسنا ونطلع علي السرايا وانتي يا ماما حصلنا علي هناك  انتي وبابا
ويجهز رؤوف وسهير وهي تحاول مع بنتها لاخر مره مفيش فايدة وتحس الالم ان كبرياء بنتها خسرها حبها للابد
رؤوف:- ها مفيش فايدة بردك مش عايزه تجي معانا
سهير:- لا مفيش امل البنت مجروحه وانا حسا انه مش عايزه تروح لانها بتحب وليد ومش طايقه تشوفه بيتجوز غيره
رؤوف:- يشوف باب اوضته بيتفتح وهي بتسمعهم يشاور لسهير تعالي تحت لتسمعنا ويدخلو المكتب وسهير تساله
سهير:- في ايه مالك عايز تقول ايه بعيد عنه
رؤوف:- اصبري  اتاكد انها مش هتسمعني ويفتح الباب وميلقيش حد بالصاله رغم انه كان شايف خيالها ويرجع لسهير بنتك بتحب وليد ولو عرفت المصيبه اللي عملتيها انتي وهنا مش هتسكت معرفش كان ايه الداعي تكذبو علبها في موضوع انها اخت وليد اديكم حررتوها وحررتوه واتجوز غيره
سهير:- هو ذنبي مش كان راي هنا انا عملت حساب اليوم ده ورفضت ارضعهم سوا  خفت يحبو بعض لكن فريدة حبته بعد ما ضاع منها لانها عنيدة وانت السبب في عندها وتكبرها بسبب دلعك فيها طول عمرها واديني انا اللي في الاخر  بتحسر عليها وعلي كسرت قلبها دلوقتي
ويتفتح عليهم الباب وتدخل فريدة ليهم  وتقف قدام امها وعيونها كلها دموع  انتو بتقولو ايه وليد مش اخويا وان كل ده كانت خطه منك انتي وطنط هنا علشان تحرروني واعترف بحبي كنتي مستنيه ايه يا ماما انه يتجوز ويبقي لغيري انا رفضته وصديته صحيح قبل ما اعرف انه اخويا لكني بحبه ودلوقتي ضحيت بيه لانسانه عمرها ما هتحسه  ولا هيبقي سعيد معاها انسانه سطجيه عمرها ما حبته انا مش هسامحكم كلكم لو وليد صاع مني وتخرج تجري وتجري وراها سهير ويمسكها رؤوف من دراعها
رؤوف:- سبيها تلحق حبيبها مش قولتي ان كبريائها سبب دلعي خليها تتخلي لمره عن كبريائه وتنقذ حبها ونفسها وتنكسر لسلطان الحب وتعوض اللي فاتها
سهير:- تبكي بس دي هتعمل فضيحه ليهم باهر هيقول ابه لبنت خاله  نجلاء وميرفت ذنبها ايه في ده كله
رؤوف:- محدش ليه ذنب الحب هو المذنب  لما يربط قلبين لازم نسيبله يحكم ويجمعهم بعيد عن اي اعتبارات تانبه اطلعي اجهزي ويلا نحصلها ونشوف ايه اللي ممكن يحصل
وتصل فريدة الفيلا وتدخل وتدور بعيونها علي وليد متللقهوش وتشوف اخوها فربد تروح ليه جري وتمسك فيه
فريدة:- فريد وليد فين عايزاه ضروري
فريد:- مالك يا فريدة وايه لبسك ده وليد كان معايا من شويا وجاله فون وقالي هيطلع بجهز لانهم اتصلو بيه يروح باخد عروسته اطلعي اوضته او اوضة ايه كان بيجيب انسيالها
وتطلع تجري تفتح اوضته متلقهوش وتفتح اوضتة ايه تلقيه في وشها كان وسيم جدا بي بدلة الزفاف
وليد:- فريدة مالك وايه لبسك ده هتحضري الفرح بالجينز
فريدة:- تدخل وتقفل الباب وراها وتروح ليه وتبص في عيونه وتترمي بحضنه وبيتصدم وليد ويصد هجومها علي صدره
وليد:- فريدة ممكن افهم في ايه وسبب افعالك الغربيه دي ليه
فريدة:- تبلع ريقها وتمسك ايده تحطها علي قلبها انت ساكن هنا وملكت هنا ومش هقدر اعيش من غيرك انا بحبك يا وليد
وليد:- وانا بحبك طول عمري بحبك لانك اختي وانا اخوكي
فريدة:- لا احنا مش اخوات دي كانت لعبة من ماما وطنط هنا
وليد:- لعبة خسارة كنت اتعودت عليكي اخت ليا عادي اخت صديقي ورفيقة درب الطفوله وده ميمنعش اني بحبك كاخت
فريدة:- وليد انا بحبك وبعشقك وعايزه اكون مراتك اسمعني احساسك  اللي كان بينا حقيقي حضنك ليا واحساسك بيا كله كان حقيقي انا ببادلك نفس الشعور في الاول كنت برفضك لاني بالنسبالك امر مسلم بيه لكن بعد ما بقيت اخويا بقيت اخاف نوقع في الغلط وده سبب رفضي اعترافي بحبك لكن خلاص انت حبيبي وهتبقي جوزي وعشيقي وكل دنيتي
وليد:- ببرود الف خسارة يا فريدة جيتي متاخره اووي اللي تحت ده ليلة زفافي علي ميرفت الانسانه اللي شعوري بيه نفس شعوري بيكي بس هي مرفضتنيش بالعكس حبتني بجد
فاكرة لما قولتي عليا ساقطه لانها كانت بحضني وبوستها وهي رضيت ايوه ده كان اقوي سبب لجوازي بيه رغبتي فيها
فريدة:- لا لا مش هي كنت انا ايوه كنت انا وربنا انا يومها استخبيت لما قولتلي تتجوزبني يا ميرفت هربت واسال فريد شافني وطلب مني اجيلك واقولك اني بحبك لكن  لمارجعت لقيتك بتتقدم ليها انا اللي حستها وحضنتها وبوستها في الجزيرة مش ميرفت انا حبيبتك يا وليد مش هي
وليد:- يهزها يعنف فوقي يا فريدة انتي عايزه تنتقمي من ميرفت  لكبرياءك لما هانتك وجاية تكذبي عليا علشان اسيبها اولا اني مش اخوكي وكمان انك انتي اللي كنتي بحضني مش
دي اللي في نظرك  ساقطه لانها كانت بحضني  وانتي مش ساقطه وعلشان اقولك انك كذابه انتي محجبه وميرفت لا وكان كتفها يومها عريان وانا لمسته وضمتها لصدري ازاي بقي وانتي يومها كنتي لابسه بلوزه بكم اسمعي يا فريدة حتي لو بتحبيني انا اسف مش هكسر قلبها ليلة زفافها علشان خاطرك انتي  ياما رفضتنا وخلتي كبرياءك قبل حبيك  كسرت قلبي انا ياما اترجبتك وقولتاك راجعي نفسك لكن عندك وكبرباك دمر حبي ليكي وانا دلوقتي اللي مش عايزك حتي لو هموت عليكي  حبك مات في قلبي يا فريدة
ويزقها ويجي يخرج تمسكه وتترمي  في حضنه وتضمه ليها
فريدة:- انا اسفه اسفه علي كل كلمه ضيعتك بيها مني اديني اخر فرصه لو عايزني اركع تحت رجلك انا هتنازل عن كبريائي وكرامتي وهركع  علشان اثبتلك ان انتي عندي اغلي من كبريائي واردك ليا ارجعلي يا وليد ارجوك  انا بحبك وتنزل تركع علي رجله يبعد عنها ويبصلها بازدراء ويخرج ويسيبها لوحدها
وهي تصرخ وليد وليد متسبنيش انا بحبك يا وليييييد......؟؟؟
💥💥💥💥💥💥💥💥💥💥💥💥💥💥💥💥💥💥
يتبع
#سلمى سمير