((اللهم إنا نسألك في هذا اليوم رحمة من عندي تهدي بها قلوبنا وتزكي بها أعمالنا و تلهمنا بها رشدنا وتصلح بها أحوالنا وتذهب بها همومنا))
________________________&&
💐🌷البارات السابع عشر🌷💐
☘☘☘☘☘☘☘☘☘☘☘☘☘☘☘☘☘
تحاول فريدة ترجع وليد ليها بعد ما تعرف انه مش اخوها وتراجع نفسها وتشوف قد ايه ظلمته وياما رفضت حبه تجري للسرايا علي امل اللحاق بيه قبل زفاف وتطلع ليه اوضة ايه وتعترفله بحبها وانها هي اللي كانت معاه وفي حضنه في الجزيرة وتحاول تقنعه يديلها فرصه تانيه لكن وليد يشعر ناحيتها بالبرود ويرفض يرجعلها ويفكره بانها كانت بترفضه من قبل موضوع انهم اخواته ويقولها انها جت متاخرة كتير ويخرج ويسيبها وهي تبكي بحرقه لخسارته وتصرخ باسمه
فريدة:- وليد وليييييد متسبنيش انا بحبك ارجوك
وليد:- ينزل لتحت ويصتدم بفريد اللي يساله عن اخته
فوق وياريت تخرجه من اوضة ايه زمان ميرفت جايه هي والبنات ياريت يا فريد حاول تعقلها ومتخلهاش تعمل لينا فضايح
وينزل ويروح لابوها ويطلب منه يعجل في طلب الماذون وتدخل سهير ودموعه متحجرة في عيونها حسرة علي بنتها ووراها رؤوف وتروح لهنا تهزها بعصبيه
سهير:- انتي السبب في وجع بنتي يا هنا وتبص لوليد فرحان بعروستك هتتجوز خلاص يا وليد نسبت فريدة بالسرعه دي
وليد:- طنط سهير انتي بتلومني ليه فريدة هي اللي باعتني
باهر:- اهدي يا سهير ويبص لصاحبه رؤوف هدي مراتك الناس بتتفرج عليكم وادي جعفر ونجلاء جم وسامح وسلوي كمان
بقولكم ايه بدل الفضايح تعالو معايا لاوضة المكتب ويبص لابنه باسل ووليد ومحمد باسل تعالي معانا انت ومحمد وانت يا وليد اطلع جهز نفسك لكتب الكتاب ويدخلو اوضة المكتب ووراهم عين وليد االي يخرج للجنبنه ياخد.نفس ويهدي تفسه
وفوق في اوضة ايه فريدة نايمه علي الارض مغمي علبه
فريد:- يفوق فيها وتصحي وتبصله فريد ساعدني ارجوك
قول لوليد اني انا اللي كنت بحضنه واني بحبه مش هقدر اعيش من غيره فريد انا غلطت كتير بس غصب عني ارحوك كلمه خليه يديلي فرصه تانيه اخر فرصه اثبتله فيها حبي
فريد:- فريدة اهدي وليد خلاص اتجوز وحاليا بيلبس عروسته الشبكه انتي نمتي كتير اوووي وانا بالعافيه فوقتك قومي اروحك
فريدة:- تزقه وتقوم تجري تنزل علي تحت وتشوف وليد بيرقص مع ميرفت وبيضحكو وايه مع نادر تصرخ وتقع من فوق السلم وتتدحرج لحد تحت وتقع قدام رجل وليد
وتفتح عينها تلاقيها بيبصلها بطريقه غريبه يوطي يشيلها
انتي ليه مصرة تعملي فضايح انتي انتهيتي من حياتي للابد
يا فريدة فوقي بقي انتي قتلتي حبك في قلبي
ويسيبها وبمشي وهي تصرخ من الوجع واخوها يشيلها وتشوف الشفقه في عيون الكل علي حالتها اللي وصلت ليه ورفض وليد ليها
وتحاول تجري لوليد يمسكها فريد قبل ما تقع منه تاني
فريد:- اهدي يا فريدة اهدي رايحه فين اهدي
فريدة:- ايه دي انا فين وفين وليد سيبني اروحله
فريد:- حبيبتي وليد تحت بيستقبل ماما وبابا وطلب مني اطلعلك من اوصة ايه زمان عروسته جايه انتي كان مغمي عليكي ايه اللي حصلك
فريدة:- مش معقول انا كنت في كابوس يعني وليد متجوزش لسه من ميرفت احمدك يارب
وليد:- لا لسه العروسة موصلتش ويروح يقومها ويبص ليه لان الهانم جت متاخرة كتير اوووي ممكن نبطل دلع ونروح نستعد للفرح
فريدة:- مش فاهمه حاجه استعد ليه وقصدك ايه
وليد:- يشدها لحضنه بقول اني خلاص تعبت من بعدك عني وعلشان كده حددت الزفاف بعد امتحاناتنا علي طول لاني مشتاق ليكي
قصدي انا انتظرت تعترفي بحبك سنين طويله وانا بحارب عندك وكبرياءك والنهاردة بعد ما اتنازلتي عنهم متخيله هسيبك تضيعي مني قصدي ان كل اللي معزومين تحت عارفين انك عروستي وان زفافنا الليله وانك هتبقي مراتي كمان كام ساعه ودلوقتي هتقومي معايا
ولا تحبي اشيلك كده ويشيلها ويروح بيها لاوضتها وينزلها علي باب الاوضه يلا يا عشق عمري ادخلي اجهزي وعايزك تكوني اجمل عروسة في الدنيا زي ما انتي جميله في عيوني ويضمها لحضنه بحبك يا فريدة وبعشق كبريائك وبموت في عنادك بحبك كده بكل ما فيكي ومش هتنازل عنك مهما حصل
فريدة:- وليد انت كنت عارف اني مش اختك كنت عارف ان انا اللي كنت بحضنك بالجزيرة كنت واثق اني هرجعلك والحقك قبل ما تتجوز ميرفت يعني كانت بتلعب عليا وسيبابني اموت عليك
وليد:- كنت بعمل المستحيل علشان تكوني ليا ولو حد كان بيلعب يبقي انتي اللي كنتي بتتسلي بمشاعري وقلبي وجت خطة ماما ومامتك وحكاية اننا اخوات في مصلحتي علشان اقدر افوقك واظهر غيرتك لبا لما تعرفي اني هبقي لغيرك
ويحضنها بقوة فريدة مش وقت الكلام دلوقتي عندنا الليل بطول في جناحنا احكيلك فيه كل حاجه يلا ادخل الكل في انتظارك يا عروستي وكلها كام ساعه وتبقي مراتي ويضمها لصدره بشوق
فريد:- احم احم مش كفاية حب وتخلصونا وتسيب عروستك تجهز ولا ناوي تخليها تحضر الفرح كده
فريدة:- حسابي معاك يا وليد مش هخلي كبريائي يغلبني ويخسرني حبك تاني لاني رافضة لعبتك عليا لكن اقولك ايه بحبك بحبك موووت ليضمها وليد بشوف وشغف ويبص علي شفايفها نفسي أكلهم اكل
وليد:- بصي انا علي اعصابي خلينا استحمل الكام ساعه الحايين كده لاخطفك دلوقتي واهرب بيكي واخلص منك كل شوقي ليكي ادخلي يا فريدة وربنا يصبرني عليكي
وتفتح الاوضه تلاقي بيسام ويارا وميرفت وصفاء وايمي خطيبة اخوها فريد كلهم بانتظارها ووليد يفتح دولابه وبطلع فستان الزفاف اللي كانت قاسته وتشوفه تصرخ بفرحه
فريدة:- وليد هو انت اللي اشتريته يعني بجد ده بقي ليه وتحضنه
وتبص ليهم بكسوف من احتضانها لوليد قدامهم بس كده كلكم كنتم متفقين عليا مش وليد بس حتي انتي يا بيسام وصفاء وطنط يارا
بيسام:- اهدي يا مرات اخويا والله ما كنت اعرف حاجه انا وليد اتصل بيا من شويا وقالي انك عروسته واطلع اجهزك بس ام الباقي معرفش عنه حاجه ويلا بقي يا عرسنا انزل واحنا هنجهزهالك واتصل بيك تجي تاخدها علي طول
يارا:- استني هنا انا هبقي سلفتك يعني مرات اخو جوزك ايه طنط دي انا لسه شباب ثم اسمعي اللي تنجوز واحد من رجاله عيلة الدرملي لازم تحافظ علي نفسها ورشاقتها دول رجاله متطلبين ووسامين جدا يعني حاسبي علي نفسك دايما ليتخطفو مننا اسالني انا
ميرفت:- تحضنها اسفه ليكي يا ديدي اني زعلتك بس انا بعز وليد اووي ولما طلب مني العب عليكي مقدرتش ارفض طلبه علشان خاطر حبيبي وخطيبي وتبوس خاتمه اللي في صابعها
فريدة:- بغيرة واضحه طيب ممكن ترجعيلي خاتم خطيبك لانه هيبقي جوزي انا كمان شويا
وليد:- يضحك ده خاتم خطيبها مش خاتمي انا بصي كويس
دي للحروف اللي عليه ام ام مش دبيلو ام بس مقلوبين
يعني محمد وميرفت اللي متعرفهوش ان محمد بيحب ميرفت ومتفقين علي الارتباط من سنتين يا غبيه
فريدة:- تحضن ميرفت انتي هتبقي مرات محمد بجد يعني عمرك ما حبيتي وليد انتي عسوله وامورة اوووي يا ميرفت
ميرفت:- بصراحه وليد ده مبنفعنيش ابدا ربنا يعينك عليه
غير محمد حبيب قلبي هادي وحبوب مش عصبي ونرفوز
فريدة:- تضحك ما احنا بنحب بعض علشان كده
يارا:طيب ممكن تقعدي خلينا نخلصك ولا مش عايزه تتجوزي
وليد:- هي مين دي اللي مش عايزه عارفين لو فريدة مكنتش جت النهاردة كنت رحت ليها الفيلا وخطفتها قدام اهلها وربطها وقعدتها قدام المأذون واتجوزتها غصب عنها
فريدة:- وانا موافقه اتجوزك وجيتلك قبل ما تجيلي
علشان مقدرش اخسرك لغيري ابدا
وليد:- اوووف بقي يمسكها من ايدها تعالي خلاص كده مش قادر اصبر والبنات يشدوها منه وفريد يشد وليد
فريد:- خدوها و اقفلو الباب ويلا انت انزل معايا لتحت حماتك عملالك محاكمه ربنا يطلعك منها علي خير
وليد:- يلا بينا بس متقلقش انت وعمو جعفر وبابا واونكل رؤوف كلهم معايا حزب الرجاله ضد ماما وحماتي يلا بينا
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
وينزل وليد ويرفع علامة النصر لابوه ويروح ليه يضحك
باهر:- ايدك يا رؤوف انت خطبت بنتي وانا بخطب بنتك
شفت طلبت جوازه بينا تربط صداقتنا بقو اتنين
هنا:- افهم بقي انت خدتنا للمكتب وقلت هنتكلم ودلوقتي بتقراء الفاتحه مع رؤوف ممكن نفهم اللي بيحصل وانت يا جعفر ساكت ليه مش ده فرح بنتك بردك ويخصك ولازم تفهم االي بيحصل
جعفر:- ايوه فرح بنتي طبعا بس خطوبة مش زفاف لان محمد سبق وطلبها وانا وافقت وباهر طلبها مني رسمي في المستشفي يوم حادثة باسل
باسل:- حصل يا ماما ميرفت خطيبة محمد مش وليد والخاتم اللي في ايده ده خاتم محمد كان عامله مخصوص ليها ووليد استغل ان حرف الام معكوس وادي وحرف الدبيلو والام مش ام ام ولبسه ليها يوم رجوعي ليكم شقي اخوبا وليد اوي
باهر:- طالع لابوه مدام صمم علي حاجه لازم يوصلها
سهير:'- انا مش فاهمه حاجه كلكم كده كنتم متفقين مع وليد علي فريدة وسايبانها تبكي وتتحسر انا مش مصدقه يا رؤوف ازاي اتحملت وجع بنتك دلوعتك حبيتك وهي بتتكسر قدامك
رؤوف:- لان دلعي فيها زي ما ياما قولتيلي عما عينها وخلاها هتضيع حب عمرها بكل عند وكبرياء خفت عليها من نفسها تندم بعد فوات الاون ورضيت انضم للاتفاق عليها مع وليد لحد ما ترجع لعقلها وتفوق لنفسها قبل ما وليد يضيع منها
هنا:- لا انا عايزه افهم بقي الحكاية من اولها وازاي اتلميتو علي بعض واتفقتوا امتي وعلي ايه ووليد عرف ازاي ان فريدة مش اخته
وليد:- انا هقولك يا ست الكل انا يوم ما محمد اتخانق مع الشاب اللي كانت فريدة هتركب معاه اتصل بيا محمد وبلغني اللي حصل وانا كنت علي اخري وبالذات انها رافضه الاعتراف اني خطيبيها وليا عليها حق ساعتها اتصلت باونكل رؤوف
وطلبت منه اني اخطب فريدة رسمي وافق واتفقت معاه اجيب بابا ونجي نحدد ميعاد الخطوبة لكن لما رجعت البيت
لقيت ماما بتقولي ان فريدة اختي وجوزانا مستحيل
الاول اتصدمت وطلعت مع محمد بحاول افهم ازاي اخوات وكان حظي حلو كنت جاي اسالك وسمعت حوارك مع بابا واتفافك انكم تروح لفريدة وتفهموا نفس الكلام وكده اتحررت من اني مفروض عليها وتقدر تعرف هي بتحبني ولا لاء
ورجعت اتصلت باونكل رؤوف واتفقت معاه يوافق لحد ما نتفق هنعمل ايه ونشوف موضوع الاخوات ده هيظهر حبها ولا لاء وكنا محتاجين لحد يخليها تظهر غيرتها عليا وجه دور محمد ويكمل محمد مكانه ..... فلاش باك
وليد:- يدخل مسرعا لاوضة محمد ويحضنه بقولك ايه عايز تشوف ليا زميله بتثق فيها بالكليه تمثل دور انها حبيبتي
محمد:- مش فاهم عايز واحده تمثل دور الحب علي مين وليه
ويرن تليفونه ويشوف رقم ميرفت استني بقي اكلم حبيبتي
وليد:- يخطف منه الفون ويكلم ميرفت انت فين يا ميرفت رجعتي ولا لسه من ااسفر
ميرفت:- هاي وليد فين محمد ايوه انا رجعت النهاردة ومشتاقه اشوف محمد واكلمه هوفين
وليد:- سيبك من محمد دلوقتي عايز منك خدمه ممكن تساعديني ارجع فريدة ليا محتاج بنت جميله وتقدر تهز كبرياء وعناد فريدة وتاكد انها هتخطفني منها
محمد:- لا يا وليد بلاش ميرفت لو حصل واتجوزنا وانت اتجوزت فريدة مش هتنسي ليها انها كانت بتتقرب منك
وانت عارف ميرفت نفسها عزيزه وهيبقي فيه زعل
ميرفت:- ميدا حبيبي مدام عايز يرجعها ليه لازم كلنا نساعده وانا بنت عمته اولي اساعده انا موافقه يا وليد انا بحب ديدي جدا واتمنا انكم تتجوزو قولي اعمل ايه وانا هنفذ كل كلامك بالظبط ومن امتي هنبداء
وليد:- بكره في النادي عندها مباراة تنس كانت قالت لصفاء عليها من يومين نتقابل هناك ونعمل كاننا شوفناها بالصدفه وبكده مش هتشك اننا مرتبين لقاءنا بيها وبعدها هاخدك واروح علي الكليه تشوف ميدا حبيبك اتفقنا
ميرفت:- طبعا اتفقنا اهم حاجه عندي لما ترجعو لبعض خليها تسامحني ونبقي اصحاب وياريت تشرك ايه في خطتنا لانها اقرب واحده ليها وهنقدر نوصلها اللي عايزينه عن طريقه
وتدخل ايه بتخططو لايه من ورايا ومحمد يشرح ليه خطيتهم لرجوع فريدة لوليد وبالذات ان ايه هي اللي عزمت فريدة يوم الجزيرة بناء علي طلب وليد بس عملت انها جت بدون علمه ............... باك
وليد:- واتقبلنا والخطه نجحت لكن عناد فريدة كان بيقف بينا حتي قي الجزيرة لما اتجرات عليها ويبص لرؤوف اسف يا اونكل وبوستها اتوقعت تقولي انها هي وبتحبني لما طلبت منها الجواز علي انها ميرفت لكنها هربت وفريد حاول يقنعها تعترف يمكن تقدر تكسب صداقتي علي الاقل مدام ارتباطنا مستحيل لكنها عاندت اكتر واضطريت اخد خاتم محمد علشان البسه لميرفت واعلن خطوبتنا وبعدها انضم لينا فريد بعد ما طلب من باباه يتدخل ويصلح االي انكسر بينا وطبعا اونكل رؤوف قاله اني مش اخوها ولازم تقر بحبها لاني مستحيل اتقبل رفضها الدائم ليا لحد حادثه باسل كانت الامور بينا بدون تقدم لكن بعد الحادثه اونكل جعفر عرف بابا بالخطه
وكان اونكل رؤوف سبب انه يقنع بابا يشترك معانا وكل ده علي
امل اني اقدر اقنعها بحبي واننا نحاول نبحث سوا احنا اخوات ولا لاء لكنها كان عنادها اقوي من حبها وكنت لازم اخد خطوة تستفزها وتريحني من عذابي و شوقي ليها لان تقريب موعد الزفاف هيخليها تفكر وتفوق يومها طلبت ايد ميرفت قدام الكل وتحديد الزفاف بعد شهر وطبعا كل ده بالاتفاق بين اونكل جعفر واونكل رؤوف وبابا وفريد ولما اغمي عليها قلت خلاص هتتعترف لكن كبرياءة وكرامتها وقفت حائل لحد اخر يوم واحنا بنجيب الموبيليا بحاول وبحاول وهي عنادها مخليها عامية وانا قررت انتظر حضورها لما تعرف اني مش اخوها ويبص لسهيرعارفه يا طنط لو مكنتش جت بعدها كنت جيت خطفتها
لكن لاول مره حبها يغلب كبربائها ويرجعها ليا وهي دي كل الحكاية والحمد لله رجعتلي فريدة وكلها دقايق واخد التمام من بيسام واطلع اجيبيها بس بعد اذن الجميع محمد هيعلن خطوبته علي ميرفت معانا ومعا الخطوبات اللي هتم الليله
باهر:- يحضن جعفر احنا سبق وقراءنا الفاتحه ايه المانع نعمل خطوبة محمد وميرفت معاكم مبروك يا محمد طلعت نمس زي ابوك ملكة جمال مثر مره واحده وانت يا وليد
يلا اطلع هات عروستك زمان ايه ونادر جايين في الطريق
ويطلع وليد ومعاه سهير وهنا لاوضتها يشوفو عروسته
ويخبطو علي الباب والزغاريد تعلي لتعلن وصول ايه ونادر
بيسام:- تفتح الباب ماما و سهير تعالو فريدة جاهزه انا هنزل لاختي وانتو هاتوها وحصلونا يلا با يارا انتي وصفاء
سهير:'- تدخل وتشوف بنتها بفستان الزفاف كالبدر ليلة تمامه
تحضنها لو تعرفي الفرحه اللي بترقص جوه قلبي ازاي كنتي ريحتي قلبي من زمان ووفقتي علي وليد بدل ما عذبتي نفسك وعذبتيني وغلبتي حبيك معاكي وخلتيه يدبر ليكي خطه يرجعك بيها ليه يلا الحمد لله انكم رجعتو لبعض وده الاهم
فريدة:- تحصنها الحمد لله با ماما كنت هموت لو اتجوز غيري
هنا:- خلاص يا سهير اخيرا وليد لفريدة وفريدة لوليد
ويدخل وليد عليهم ويبص لعروسته بشوق واشتياق
وليد:- تعبت من الانتظار ممكن تسمحولي اخد عروستي ويقرب لبها والدموع بترقص في عنيها علي وشك السقوط
ليه الدموع يافرحة قلبي اوعي اشوف دموعك دي تاني من النهادرة سعادة وبس حبك وحبي ليكي هيبقي اسطورة يتحاكو بيها ويشيلها بين احضانه ويلف بيها وعينه تجي في عينها وينزلها ويقرب لشفايفها
سهير:- اتلم يا وليد انت هتعمل زي ابوك يحضن هنا من هنا وبنسي الدنيا واللا فيها يلا انزل خلينا نكتب كتابكم ونخلص منكم
هنا:- مبسوط جبتلنا الكلام من حماتك يلا ربنا يسعدكم يارب
وليد:- يبص علي شفايفهاا وهي بتبلهم بلسانها يمد ايدها يتحسيهم عارفه لو مخلصوناش من الزفه بسرعه مش عارف هقدر اصبر علي اكلك قد ايه فلخصي خلينا استفرد بيكي
فريدة:- بشموخ لا بقي براحتي انا عروسة وحقي ادلع
وليد:- ماشي ادلعي وهنا في اوضتي ويبص لمامته ماما خلي الماذون يجي يكتب الكتاب هنا خلاص مفيش فرح انا عايز عروستي دلوقتي قبل دقيقه زيادة من دلوقتي
فريد:- خلاص يا ليدا اسفه كنت بهزر معاك انا مشتاقه لحضنك اوووي ونفسي اكمل حياتي في حضنك بس احضر فرحي دي ليلة في العمر
وليد:- يشدها ليه هو انتي طعمه اووي كده ليه ما تجي تدوقيني شهد شفايفك واخليكي تحضري فرحك
هنا:- لاء دي عدوه بقي كلك ابوك واسلوبه وطريقتها ربني يعينك يا فريدة ده طلع مصيبه زي ابوه
فريدة:- ده من حظي الحلو هتجوز نسخه تانيه من اونكل باهر وهغيظ ماما لان بابا تقيل مش رومانسي زيكم
وليد:- طيب ممكن ننزل ايه ونادر زمانهم زغلانبن لاننا اتاخرنا عليهم ووليد ياخد فريدة وتتبطاء ذراعها وتنزل فخورة بنفسها انها هتتجوز حبيب عمرها وينزلو والكل يستقبلوهم بالتصفيق والزغاريد والاغاني تصدح ويبداء اعلان خطوبة
ممدوح وصفاء وفريد وايمي ومحمد وميرفت و احمد ونانسي
وبحضر الماذون ويبداء في كتب كتاب نادر وايه وتوكل ايه باباها ويتم عقد القران ويجي الدور علي وليد وفريدة
وفريدة ترفض توكل حد وتروح لوليد وتقف قدامه
فريدة:- وليد انت عملت عليا لعبه علشان اتنازل عن كبريائي وكرامتي واعترف بحبك وانا وقدام الكل بقولهالك
انا اسفه يا وليد انا مش بحبك
ليقفو الجميع مصدومين من المفاجاءة ويحس وليد بالاهانه من رفض فريدة ليه قدام الجميع وتكتسي ملامحع بالغضب
لتلتفت فريده عنه وترفع فستانه وتمشي في خيلاء
وتعطبهم ضهرها وتقوم بحركة اذهلت الحضور
وهي .......؟؟؟
💥💥💥💥💥💥💥💥💥💥💥💥💥💥💥💥💥
انتظروني بكره فصل استثنائي لفانزي الحلوين
ولاني اتاخرت عليكم
تصبحو علي خير وبكره القاكم
يتبع.....
#سلمي سمير
أنت تقرأ
نوفيلا( صراع الحب ) للكاتبة سلمي سمير/ الجزء الثالث من رواية ( غلطة العمر)
ChickLitتكمله لاحداث الجزء الاول ، وتجسيد المعاناة في التفاوت بين الواقع واللاواقع ، وكيف يتغلب باهر وزوجته علي الصراع التي سيعشون بها وتتغير الاحداث لتاخذ منحني اخر يغلفه الغموض وتزيد مع بعض الاكشن والبولسية وتختم باهمية صلة الرحم
