نوفيلا( صراع الحب ) للكاتبة سلمي سمير/ الجزء الثالث من رواية ( غلطة العمر)

🌿الخاتمة ج١🌿

((اللهم إجعلنا عند النعماء شاكرين وعند البلاء من الصابرين ولك في جميع أمورنا ذاكرين
اللهم اسعدني بقدر ما تألمت وأرحني بقدر ما تعبت اللهم لا تحرمني وانا أدعوك ولا تخيبني وأنا ارجوك))
______________________&&
●■🌹《الخاتمة ج١》🌹■●
🍁🌼🍁🌼🍁🌼🍁🌼🍁🌼🍁🌼🍁🌼🍁
في سرايا باهر الدرمللي
بعد مرور ٥ سنوات علي زواج  وليد وفريدة تنزل هنا الصغيرة للهول وتجري علي جدتها تحضنها
هنا الصغيرة:- تيته انا جعانه وماما وبابا مش فاضين ليا
هنا:- تحضنها وتشيلها مشغولين عن الجميل في ايه
باهر:- يحضنها من ضهرها مش عارفه مشغولين بايه بباهر الصغير ولا هنا بس اللي لازم تاخد الاهتمام كله
هنا:- هو انت بتدخل في كل حاجه حتي ولادي يسمو اسمي عايزهم يسمو اسمك لا بقي وليد مش هيسمي باهر هيسمي حاجه تانيه ممدوح اللي هيسمي باهر علشان ده الصح  ببقي ابنه  اسمه باهر ممدوح باسل باهر ممدوح ايه رايك
باهر:- لا وليد هيسمي اسمي وملكيش فيه مدام سما هنا يسمي باهر علشان مينفعش يبعدونا عن بعض
هنا:- يا ويلي منك حتي في الاولاد عايز هنا مع باهر هو  مفيش مهرب منك ابدا وتلف تحضنه وهو ما يصدق ويبوسها
هنا الصغير:- يوه يا تيته انا جعانه بابا وماما بيبوسو بعض وجدو وتيته بيبوسو بعض اروح لمين ياكلني بقي
هنا:- تضحك وتحضنها فضحتينا اسكتي اقعدي هاكل وانت روح خلي ولادك ينزلو ويبطلو دلع علي الصبح كله طالعين لابوهم غاويين لعب وضحك ومش فارق معاهم صبح من مسا
باهر:- وده يزعلك اننا رجاله بيقدرو زوجاتهم ولا عندك  مانع
وينزل محمد ويروح يصبح عليهم ويبوس هنا الصغيرة
محمد:- انا اهو يا ست ماما لا بتدلع ولا حاجه سايب الدلع لوليد وباسل بيموتو فيه وانتي  يا ست هنا فين ابوكي 
باهر:- سيبك من ابوها وقولي انت اتاخرت ليه عن شغلك مش كنت بتدلع مع مراتك بردك  واوعي تقولي لاء دا انت واخد ملكة جمال علي حق
محمد:- ملكة جمال ايه يا بابا دي طلعت مزعجة كل شويا انا الحمل بوظ جسمي  انا لازم اعمل رياضي اول ما اولد وارجع لرشاقتي انا مقاسي كبر انشين انا مش هعرف اخرج معاك بالشكل ده لما كرهتني في نفسي قال جمال قال الجمال جمال الروح مش الشكل والجسم انا خدت مقلب فيها من الاخر
ويلاقي امه نازله ضحك وباهر وهنا الصغيرة بترفس برجله من الضحك ويبصلهم بريبه مالهم دول وتشاور ليه هنا الصغير يبص وراه وتنزل ضحك ويلف وراه يشوف ميرفت واقفه
محمد:- حبيبتي صباح الخير صحيتي امتي انا مرديتش اصحيكي  قلت اسيبك تاخدى راحتك في النوم
ميرفت:- بقي انا مزعجه يا ميدا وروحي مش حلوة ماشي كل ده علشان عايزه افضل جميله في عينك افتكر ان انا اللي كنت مصره علي الحمل وسافرت بره اعمل العمليه رغم خطورتها علشان يبقي لينا ابن يربطنا سوا لكن الواضح انك مكنتش بتحبني ولا متحملنا  حبك كان لجمالي ولما راح زهقت مني طلقني يا ميدا انا مش عايزه اعيش معاك تاني
هنا:- تروح تحضنها وتضحك واللي تطلب الطلاق من جوزها تدلعه بردك دي انتي تموتي فيه و لو محمد بعد عنك تموتي  ودول كلمتين بيقولهم من زهقه من طلباتك هو مش متعود علي طلبات الحوامل متجيش انتي و تزعلي وتطلبي الطلاق يا خيبه خليكي علي قلبه  وطلعي عينه لحد ما تولدي وصلتي عليه ابنه يصحيه من عز النوم ساعته يعرف ان الله حق
محمد:- والله شكرا يا ماما انتي بتقويها عليها ما تتكلم يا سي بابا انتي اللي جبتلي الكلام في الاصل اتفضل دافع عني
باهر:- تستاهل انا عمري ما قلت علي امك كلمه حتي بيني وبين نفسي بقي الجمال ده كله يتساب وميتدلعش سيبك منه يا ميرفت وتعالي ادلعك انا والله كنت محتاجه لواحد زيا  يقدرك مش زي الحمار ابني اللي ميعرفش قيمتك
محمد:- بقي كده طيب تختاري مين يدلعك يا ميرفت حياتي ونور عيني وحب قلبي ويحضنها وينزل يبوس بطنها البارز والنبي يا استاذ اياد خلي ماما ترضي عليا اقسم بالله بحبها موت ومقدرش استغني عنها وكنت بهزر مع بابا علشان ابعد عينهم عنا لتحسدنا ويبوس طرطيف صوابعه برومانسيه
ميرفت:- ملعش بقي يا اونكل باهر مقدرش ابعد عن ميدا
باهر:- انا قلت طالع  نمس زي ابوك شفتي هو ده ابني
وباسل ويارا ينزلو علي صوت ضحكهم
باسل:- يارب دايما متجمعين وبتضحكو في ايه يا استاذ محمد مزعل الجميل ليه علي الصبح  مش عارف تتعلم من اخواتك ازاي تتعامل مع مراتك خد بابا مثل ليك وشوف بيعمل ايه مع ماما لحد دلوقتي بيتغزل فيها كانه بنت في العشرين واجمل نساء الارض وانه عينه مبتشفش غيرها
باهر:-  علي فكره يا باسل هو ده فعلا هنا في نظري اجمل نساء الارض مش علشان جماله الرباني لكن علشان جوهرة الطيب وروحها الحلوة ومعدنها النفيس مش تمثيل وخليكي في مراتك وملكش دخل فيا انا ومامتك
يارا:- متقلقش يا خالو هو اتعلم الدرس وبقي نسخه تانيه منك وكل يوم بيعوضني  بحبه وحنانه عن  اللي حصل
باسل:- هو ممدوح وصفاء لسه مجوش وهنا الصغيرة بتعمل ايه هنا فين ابوها وامها
هنا الصغيرة:- بابا بيبوس في ماما وسيباني جعانه وانتو كمان بتتكلمو وككل واحد.حاضن مراته وسيباني جعانه اعمل ايه ياربي يارب ارحمني من عيلتي دي كلهم بيحبو في بعض
باسل:- يا بت انتي لضمه اوووي كده ليه صحيح ما انتي بنت فريدة متوقع منك ايه غير  اللماضه والفضايح
وليد:- وهو نازل من علي السلم يرد عليه
حاسب يا ابيه باسل  كلامك هيزعل فريدة اووي منك
فريدة:- لا متتدخلش قول يا ابيه باسل ميهمكش انا موافقه علي اي كلام تقوله في حقي  وتذغد وليد في كتفه انا مرتبيه علي ايده يعني عرفني اكتر منك وكمان انت ناسي انه اخو مامتي في الاصل يعني خالو واخو جوزي وفي مقام بابايا
يارا:- بس بس باباكي ايه اهدي كد يا سلفتي يعني انا ابقي مامتك  خليكي حلوه كده ومتكبرونيش انتي وميرفت
هناالصغيرة:-يووه انا جعان يا بشر بطلو كلام بقي خلونا ناكل
هنا :- خلاص يا هنهون قلبك اببض اقعدو خلينا نفطر وتنادي علي السفرجي يحط الفطار وتنزل نانسي وشادي ولاد باسل
ويجي من الجناح الخارجي صفاء وممدوح ويقعدو يفطرو معاهم وهما علي الفطار تدخل ايه بولادها التؤام ميرا وممدوح علي اسم جدها اللي يرحمه
صفاء:- تقوم تشيل منها ميرا وتقولها نفسي ربنا يدني بنتك شبهه كده وتبقي امووورة اوووي
هنا:- ربنا يرزقك اللي بتتمنيه واسمعي كلها كام شهر وهتجي تقعدي معانا في جناح مامتك  علشان الجناح الخارجي هنجوز فيه شادي ولا ايه رايك يا باهر
باهر:- لا خلي ممدوح وصفاء في الجناح بتاع بابا الله يرحمه وخلي جناح بيسام ليها زي ما هو  ده مكانها في بيت ابوها لما تجي في اي وقت  يكون جاهز لاستقبالها
باسل:- يا بابا الجناح من يوم موت جدي وبيسام مبقتش تجي تبات هنا وكمان كل السرايا ليها ده غير محمد اخد الجناح الارضي الوحيد خلي محمد يطلع فوق ويبقي معايا انا ووليد وحضرتك وجناح جدو خليها لايه وبيسام  وتحت يبقي للاولاد ممدوح وصفاء كده يبقي تمام والجناح الخارجي شادى يتجوز فيه ويعيش فيه ولما يحتاج مكان لاولاده في اوضة مكتب جدو والاوضه اللي جمبه
وفي صوت واحد باهر وهنا لاء الاوضه دي لاء
باهر:- اسمع يا باشا مهندس السرابا كلها ليك ولاخواتك بس اللي يفكر يقرب من الاوضه ده فيها موته وكمان اوضة مكتب جدك ده علمه وكله شهاداته والتكريمات اللي خدها في حياته
استحاله امحيه دي ثروة لاولاده واحفاده واحفاد احفاده فاهم
اسمع  جنينة السرايا فيها مساحه كبيرة يبتني عليها فيلا  واتنين انتي زي الشاطر اعمل فيلا لاولادك ممدوح وشادي وخلي السرايا لاخواتك وولادك عمتك اللي ليه حق زيك في السرايا خطط من بكره لبناء فيلا كبيرة وليها مدخل لباب السرايا وكده يبقو معانا وبنفس الوقت ليهم خصوصيتهم زيكم بالظبط وهيفضل الجناح الخارجي للعرسان وبس ده الغرض االي كان معمول ليه في الاصل
باسل:- موافق يا بابا واظن كلكم موافقون ويارا  رايها من رائ
محمد ووليد وايه موافقين فاضل بيسام واظن انت ادري واحد برايها  يا تؤامها الروحي  وعلاء
هنا:- كده تمام ومتنسوش في ٣ حوامل محتاجين للراحه
ميرفت اللي علي وش ولادة وصفاء اللي لسه في شهرها التاني وحبيبة قلبي فريدة اللي في شهرها الرابع يعني ازعاج وعمال يزعجوهم انتو احرار انا عايزه احفادي هاديين وعاقلين مش عصبيين ولمضين زي بنتك يا فريدة اللي فضحتكم قدمنا عن عماليكم علشان تاخدو بالكم
وليد:- وانا عملت ايه بس يا ست ماما غير اللي بيعمله بابا
ولا ايه يا فريدة
فريدة:- طيب بطل انت فضايح واحترم اخواتك وباباك
وليد:- فضايح لا والله والي عملتيه فيا ليلة الصباحية مكنش فضايح تحبو احيلكم عملت فيا ايه فريدة هاتم