نوفيلا( صراع الحب ) للكاتبة سلمي سمير/ الجزء الثالث من رواية ( غلطة العمر)

🌿الفصل الثاني🌿

((اللهم صبحنا بدفع الهموم وارزقنا عافية تدوم وارفع مقامنا يا رافع السماء والغيوم واجعلني واياهم في الفردوس الأعلي يا حي يا قيوم))
_____________//
🌻🌷البارت الثاني🌷🌻
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
تخرج فريدة من البيت وهي متعصبة من ردت فعلا امها وابوها وتفتح الباب تلاقي في وشها اخوها نادر وفريد
نادر:- صوتك عالي ليه يا هانم هو دلع بابا فيكي ملهوش اخر
فريدة:- ابعد عني انت كمان مش ناقصاك ولا انتو متصلتين عليا  كلكم شايفن وليد ده شخصية اسطورية مستحيل تكرر
فريد:- بصراحه هو انسان محترم وممتاز بس الجواز فعلا مش بالغصب بس حاول تفكري بمنطقية شويا وبلاش حالة الرفض  اللي ملازماكي دي لمجرد انهم خطبوكم لبعض وانتو اطفال حاولي تفكري في مصلحتك وبلاش العند للعند وبس
نادر:- ريح نفسك من الكلام معاها دي عنيدة ودماغها متركب شمال بس انا بحذرك يا فريده دلع بابا فيكي مش هيرحمك مني لو عليتي صوتك تاني فاهمه ولا لاء واستني هنا انتي راحه  علي فين كده يا هانم
فريدة:- راحه النادي العب تنس مع صفاء بنت خالي هي مستنياني هناك  من بدري
نادر:- كذابة انا مكلم محمد وانا جاي علشان افهم ايه اللي حصل قالي انه رايح ياخد  مرات اخوها وصفاء من عند اخته بيسام ازاي بقي بتقولي ان صفاء مستنياكي قي النادي اسمعي ويمسكها من دراعها بقوة انا مش عاجبني تصرفاتك ولو فضلتي كده انا هعرف اتصرف معاكي كويس اتفضلي اطلعي علي اوضتك ومش عايز اسمع ليك حس تاني  يلا غوري
فريدة:- اسمع  انت هنا طول ما بابا عايش ملكش حكم عليا وتصرخ بابا يا بابا وينزل رؤوف ووراه سهير ويسال
رؤوف:- حصل ايه وانت ايه رجعك بدري يا نادر من شغلك  وفريدة بتصرخ ليه حد منكم يفهمني
نادر:- اسال بنتك كانت رايحه فين  وليه بتكذب علشان تخرج
رؤوف :- في ايه يا فريدة ايه اللي اخوكي بيقوله ده
فريدة:- كنت راحه النادي اهدي اعصابي وصفاء بنت خالي وعدتني انها هتلعب معايا مباراة تنس وكنت هتصل بيها تسبقيني ليه وليه قولتله انها  مستنياني هناك قالي يا كذابة
سهير:-نادر عنده حق نادي ايه اللي ريحاه واستأذنتي من مين ولا واخده في وشك وطالعه بمزاجك وتبص لرؤوف بقولك ايه دلعك لفريدة زاد عن الحد وياريت تبطل دلعك ده شويا
رؤوف:- خلاص يا فريدة اسمع كلام ماما واخوك وكمان عمك باهر  زمانه علي وصول واكيد هيسال عنك
فريدة:- يا بابا انت عارف اني بحب اونكل باهر وطنط هنا لكن هيكلموني في موضوع وليد والخطوبة والجواز و ده اللي مخليني عايزه اخرج علشان مزعلهمش مني لو سمحت  يا بابا سيبني اخرج واوعدك مش هتاخر ارجوك يا بابا
ليرد عليها باهر وهو داخل هو وهنا مين مزعل الجميل  فوفو ومطفشها من البيت اوعي تقوليلي الواد   نادر ولا يمكن وليد
فريدة:- تروح تحضن هنا وتبوس باهر والله وحشتوني بس ارجوك يا اونكل بلاش الكلام في موضوع وليد ده انا كل يوم  تقريبا لبتخانق معا ماما لمعي نادر لمعي نفسي وزهقت بجد 
هنا:- تضحك والله حرام عليكي يا سهير معذبة بنتك وكل ده كلام فاضي ما تقوليلها الحقيقه ان هي وووليد اخوات في الرضاعه يعني ميجزوش لبعض  ابدا
سهير:- هنا انتي بتقولي ايه بلاش لتصدق
تروح ليها هنا وتحضنها وتهمس ليها وافقه وانا هفهمك
هنا:- ايه يا دكتورة نسيتي لما ولدت وليد اني كنت تعبانه وانتي خدتيه تراعيه لحد ما خرجت من المستشفي وكنت بترضعيه مع فريدة احنا سالنا شيخ انا وباهر وقال يجوز هي تتجوز اي حد من ولادى لكن وليد لا بقي اخ لاخواتها
سهير:- باستغراب بجد يعني الشيخ قالك انهم كده اخوات
هنا:- ايوه واسالي باهر لو مش مصدقاني
فريدة:- انتي بتتكلمي جد يا طنط يعني انا وليد منجوزش لبعض خالص يعني كده موضوع الخطوبة منتهي وتبص لباهر هو وليد عرف كده يعني مش هيزعجني تاني خلاص
باهر:- بالعكس ده اخوكي زيه زي نادر وفريد وهيقطم رقبتك
فريدة:- مش مهم بس مفيش جواز بيني وبينه ولا ارتباط يقيدني بيه ويتحكم فيا بسببه الله انا فرحانه اوووي اووي
هنا:- ايوه خلاص حتي وليد طلب مني اختار ليه عروسة انتو عارف باسل اتجوز اصغر منه وانا نفسي افرح بيه معندكيش عروسة مناسبه ليه يا فريدة  من اصحابك ترشحهالي
فريدة:-  تسكت وتبص لمامتها هو قالك انه عايز يتجوز
رؤوف:- ما يتجوز او ما تيجوزش انتي يخصك ايه يلا ادخلي واعملي لينا حاجه نشربها وانت يا باهر تعالي معايا مكتبي عايزك وانتو خدو بعضكم وخلصو الموضوع مع بعض ويبص لنادر وفريد خلاص كده موضوع فريدة ووليد انتهي بس صداقتكم لوليد بقت اخوه مش صداقه وبس اتعاملو معاه علي هذا الاساس ويلا بقي واحشني صاحبي اقعد معاه
هنا:- تعالي يا سهير الاصحاب اتلمو علي بعض ونسيونا وتضحك وهي طالعه وتعمز لباهر وهو داخل ورا رؤوف المكتب اللي يساله باستهجان واستغراب
رؤوف:- ممكن افهم ايه اللي قولته انت ومراتك ده انت عارف ان وليد وفريدة مش اخواتك في الرضاعه وان ده محصلش
باهر:- الاولاد حاسين انهم مغصوبين لما نسيب ليهم الاختيار
ممكن يتقربو لبعض بدل ما هما بيهربو من بعض وبيعاندو
رؤوف:- والله اللي تشوفه احنا كنا عايزين بس نجمعهم ونرتبط ببعض اكتر ومش هتفرق جواز الاتنين من بعض دول مجانين لكن بصراحه ابنك وليد راجل واي اب يتمناه عريس  لبنته بس هنقول ايه النصيب وهنسيب ليهم حرية الاختيار
باهر:- نتمنا انهم يخرجو من حالة الرفض لحالة التعارف  والتجاوب ويمكن اللي احنا بنتمناه يحصل ويحبو بعض بجد
*************
وفوق عند سهير  كانت متعصبة وغضبانه من كلام هنا
سهير:- ايه اللي انتي قولتيه ده كده ريحتيها كنا بنضغط عليها علشان تفكر في وليد جيتي انتي واديتلها فرصه تعمل اللي هي عايزة انا مش عارفه وافقتك ازاي علي كده يا هنا
هنا:- اسمعي يا سهير  مفيش جواز بالغصب لا لبنتك ولا لابني واذا انتي شايفه اني اديت بنتك فرصه يبقي  ده نصيب وابني مش هيغلب يلاقي  بنت تحبه بجد وهي كمان هتلاقي اللي يحبها ويستاهلها وتحبه بجد مش بالغصب
سهير:-ليه  كده يا هنا  وانا اللي كنت بقول ان فريدة اكتر واحدة تناسب وليد وهو اللي الوحيد  هيقدر عليها ويكسر غرورها بنتي كده هتضيع  بسبب دلع ابوها فيه وكمان خسرت وليد اللي عمرها ما هتعوضه وكلامك السبب كان هيجي يوم وتوافق علي قرارنا ويمكن تحبه لكن كده ما هتصدق
هنا:- لا يا سهير الواضح ان بنتك رافضه ابني وفي حد.تاني في حياتها مش حكاية عند حكاية عدم قبول واللي عملته الصح وخدي حياتنا مثال لولا حبك لرؤوف مكنتوش رحعتو لبعض بعد طلاقكم وفراق اربع سنين ومكنتش انا رحعت لباهر بعد فراق ١٩ سنه لولا حبنا  صدقيني يا سهير لو مفيش حب قوي مابينهم مش هيتحملو الحياه مع بعضهم ايام
سهير:- تبكي كنت نقسي اشوف احفادي واحفادك من بنتي وابنك فعلا النصيب غلاب اسمعي طب بنتك ايه هخطبها  لابني فريد وكده نعوض جوازة فريدة ووليد
هنا:- تضحك وانا اللي بقول عليكي عاقله مش هنكرر الغلطه تاني يا سهير كل واحد من ولادنا يختار بنفسه فاهمه يا دوك
سهير:- فاهمه يا شقيقة عمري وتحضنها بحب وتمر الامسية بسلام وياخد باهر هنا ويروح وطول السكه يتناقشو في اللي حصل وانهم عمل الصح ولو ليهم نصيب مع بعض هيتجمعو
**************************************
اول ما يوصلو السرايا يلاقو باسل رجع من السفروبانتظارهم
باسل:- يشوف ابوه وامها يروح يسلم عليهم  ايه هو من لقي اصحابه  نسي  اولاده كل ده عند دكتور رؤوف انا كنت هنام بس  حبيت افهم ايه اللي حصل  في موضوع فريدة ووليد
باهر:- اطلعي يا هنا وانت تعالي يا باسل ورايا المكتب عايز اتكلم معاك شويا
باسل:- بابا انا جاي تعبان من السفر وفضلت سهران مستني حضرتك انت وماما علشان سمعت ان في مشاكل بين وليد وفريدة واللي اعرفه انكم كنتو ناويين تجوزهم اخرالسنادي
لكن لو في  حاجه مش مهمه ياريت تخليها لبكرة  ارجوك
باهر:- ايوه  في حاجه مهمه اتفضل ادخل نتكلم بهدوء لمراتك تصحي وتسمع كلامي ليك اللي مش هيعجبك ولا يعجب يارا
باسل:- يدخل المكتب  وهو مستغرب ويسال  ابوها في ايه يا بابا وليه حاسس انك زعلان مني هو حصل مني حاجه زعلتك
باهر:- ايوه كلك علي بعضك مش عاجبني وهروب مراتك في شغلها وانت سفرك الكتير وولادكم اللي اهملتو فيهم لولا مامتك كان حصل مصايب كتير وانت ولا انت هنا ممكن  اعرف في ايه وايه غيرك مع يارا وليه اهمالك وصل للحد ده
باسل:- ولا حاجه انا بس بحاول اكسب بعض العملاء بالحفلات والعزومات والسفريات ولازم اكون معاهم كواجب الضيافه ويارا اهتمامها بالجريدة هو سبب اهمالها انت خالها كلمها يمكن ترجع تهتم بالاولاد وتشوف مشاكلهم وتحلها
باهر:- اكلم مين يارا اللي بقت في حياتك زوجة للاولاد وبس هي كمان بتهرب زيك من واقع حياتكم الملخبطه اسمع يا باسل انت مش محتاج  اللي بتعمله ده لاكتساب عملاء اسمي واسم جدك كفيل يكبرو اسمك وسمعتك في سوق الاعمال
ومن النهاردة مفيش سفرر او غياب عن البيت تاني ومراتك احتويها وعوضها غيابك الطويل عنها خدها في رحلة شهر عسل تاني جددو بيها حياتكم الزوجية الروتينيه
باسل:- يابابا هعمل كل اللي يريحك لكن موضوع السفر والمجاملات الاحتماعيه دي انا محتاج ليها انا عايز اعمل اسمي بنفسي مش علشان ابن المهندس باهر الدرمللي
باهر:- اسمع انا اقدر بكلمه مني افلس شركتك وارجعك تشتغل معايا تاني غصب عنك بلاش تتحداني يا باسل وارجع لمراتك وولادك واحذرني انا بتعامل معاك كاخ مش ابن بس فاهم
باسل:- علي مضض حاضر يا بابا اللي تامر بيه ممكن اعرف ايه مشكلة وليد وفريدة وايه موضوع انهم اخوات في الرضاعة ده وكلنا عارفين انه محصلش
باهر:- انسي موضوع وليد دي مشكلتي انا مامتك اهتم انت بولادك ومراتك هو ده الواجب عليك  والاهم
باسل:- حاضر يا بابا تصبح علي خير ويطلع ويخرج وراها باهر ويطلع اوضته يلاقي النور مطفي والظلام دامس مش شايف اي حاجه وينادي هنا هنا انتي نمتي اخص عليكي كده من غير ما تاخديني بحضنك بتهربي كالعادة ماشي ويحط ايده ينور النور يلاقي ايد تمنعه وتشده ليها وياخد نفس عميق  ويقولها وهو بيضحك ريحتك حلوة بحسك وبشمك قبل عيني ما تشوفك ويشدها لحضنها يبوسها بقوة وايده تفك ضفيرة شعرها لينزل منسدل علي ضهرها ويلاحظ بلمسة ايدة كتفها العاري يضحك هي ليلتك عسل ولا ايه يا ملاكي
هنا:- بصوت كله حب وشوق ايوه عسل وشهد زي حبك ليا انت ناسي النهاردة ايه يا عشق عمري
باهر:- يضحك لا مش ناسي خفت تكوني انتي اللي نسيتي ليلة عمري معاكي يوم  جمعنا القدر وبقيتي ملكي مش هقول غلطة لان علاقتي بيك كانت احلي واجمل من انها تبقي غلطة يمكن دفعنا الثمن فراق وحقد وعذاب لكن ربنا عوضتا بحب واخلاص ووفاء ويشيلها وينيمها علي سريرة استنيني دقيقه واجي اعيد معاكي كل لحظة حب عشتها في حضنك وينور الاباجورة ويشوف جمالها الخالي من اي زينه لكن طلتها الحلوة وملامحها البريئة خلتها اجمل ما يكون وتقوم من علي السرير تقلعها بدلته وتفك  الجرفته وتلعب بايدها في زراير قميصه وتغمز بعينها ها تحب جنان  ولا نمشها عقل يضحك باهر ويقولها عقل ايه ويمسك  قميصه يقطعه عنك يا عمري  واتتي العبي بس علي وتر مشاعري اللي بتثريها بنظراتك البريئة دي ويبدا في سطر ملاحمه من العشق علي تقسيمات جسدها وهي تثيرها بكل طريقه ليزداد من رغبته فيها اكتر واكتر ويستمر في اشباعها بالقبلات العلاقه الحميميه المفرطه ليحسو التعب بعدها  ويستسلمو للنوم العميق وهما في احضان بعض لنتهي ليلة ذكري عشقهم علي احسن ما يكون وينعمو بنوم هادي بعد عشقهم المجنون الثائر 
☘☘☘☘☘☘☘☘☘☘☘☘☘☘☘☘☘
وفي صباح اليوم التالي كانت فريدة مع اصحابها  في النادي
وهي سعيدة وفرحانه انها اتحررت اخيرا من ارتباطها بوليد
لكنه كان زي القدر لقيته قدامها وبدون اي مقدمات  او انها تستوعب هو هنا ليه ومش في كليته  لقته  بيتقدم عليها
وليد:- يضحك في وشها ازيك يا انسه فريدة اخبارك ايه وبتعملي ايه هنا دلوقتي في النادي معندكيش محاضرات ولا ايه علي فكرة انااسف علي اللي عمله محمد معاكي امبارح  واوعدك مش هيتكرر الموقف ده  تاني  ابدا
فريدة:- بتوتر لا ابدا محمد ده اخويا زيك بالظبط وانا   عندي سكشن كمان ساعتين بس انت هنا ليه وايه انسه فريدة احنا اخوات وزي ما بقولك وليد قولي فريدة ماشي يا وليد
وليد:- ايوه فعلا  احنا اخوات ماشي يا فريدة  انا هنا عندي ميعاد واهي جت علي السيرة ويضحك عن اذنك  وسلامي لاونكل رؤوف وطنط سهير ولنادر وفريد  ويسيبها  ويمشي وتلتف وراها تشوفه بيسلم علي بنت راىعة الجمال وشيك جدا
وتحس بخنقه لما لقيتها بتحضنها وياخده ويمشي ومن وراها
فاتن:- ايه اللي اناشايفاه ده مش ده وليد ابن باهر الدرمللي
من امتي بيعمل كده هو مش خطيبك زي ما سمعنا يا فوفو
فريدة:- لا طبعا مش خطيبي وهو حر في اللي بيعمله يلا تعالي نلعب مبارة تنس قبل ما نروح الكلية وبطلي رغي
فاتن:- اخص عليكي طب كنتي قولي مش كنت انا اولي بيه ده واد مز وعاقل وواثق في نفسه اوووي لا وكمان شكله عاشق ورومانسي يا بختها بنت المحظوظه هي مين دي صح
فريدة:- معرفش ومش عايزه اعرف وانا مالي هو حر  ويلا بينا نروح نلعب ولا اروح للكلية واسيب تتغزلي فيه براحتك
فاتن:- طب اهدي هي فين بنت خالك صفاء مش قولتي هتجي تلعب معانا وعايز تتعلم اصول اللعبه استني عرفتها دي ميرفت جعفر متعرفهاش دي اختاروها ملكة جمال مصر
فريدة:- صفاء معرفش راحت عند اونكل باهر  ومتصلتش بيها
اسالها هتجي ولا لاء بس انتي متاكده ان دي ملكة جمال مصر السنادى ويعرفها منين وليد وامتي اتعرف عليها علشان يكون بينهم الود  ده وكمان يحضنها كده عادي امتي حصل ده كله
فاتن:-ايه غيرانه منها بس هي بنت جميله فعلا مكنتش اعرف انها نمس كمان ثم  ايه حكاية صفاء مع بيت جدها وولاد خالها متكونش بتحب ممدوح  ابن خالها باسل ولا ايه بالظبط
فريدة:- لا مظنش ده من سنها والبنت لازم تتجوز واحد اكبر منها علشان يحتويها ويحسسها بانوثتها وتحس معاه الامان
فاتن:- انتي هبله ايه اكبر واصغر الرسول علية الصلاة والسلام اتجوز اللي اكبر منه السيدة خديجة  مش بيوم او سنه ب١٥ سنه وكان بيحبها ومحبش حد تاني زيها وكانت السيدة عائشة رضي الله عنها بتغير منها لانه كان بيحبها بعد موتها الحب مش بيهتم بالسن ممكن تلاقي نفسك مع حد اصغر منك وتحبيه جدا اوعي تحسبيها كده هتخسري كتير اوي صدقيني  سيبي قلبك يختار وانسي موضوع السن كبير او صغير وانتي هتعيشي سعيدة مع اختيارك لو حبتيه بجد
فريدة:- ياه كلامك جه متاخر وملهوش لزمة دلوقتي وتبص علي وليد اللي خد البنت اللي معاها وراحو الكافتيرة وهما بيضحكو بجد وتحس فعلا انها خسرت وليد حتي كصديق
وهي سرحانه فيهم من وراها ايد تخبط علي كتفها وتلف ليها
وتتسمر مكانها وتصرخ بخوف ........🤔🤔
💥💥💥💥💥💥💥💥💥💥💥💥💥💥💥💥💥💥
يتبع............
#سلمى سمير