اكرهها

عيد حب سعيد

بارت عيد الحب كبير شويا معلش 🌹🌹🌺🌺🌷🌷

happy 💖valentine's day💕leady's🌷💖💕💖
عيد حب سعيد علينا كلنا
دعوه للحب من القلب💖💖💖💖
💚💚💚💚

وقف عاكف مع والداته التى تحمل أحد أطفاله يطلب منها الإهتمام بأطفاله الليله لأنه سيأخذ سيبال الى أحد الفنادق لقضاء
ليلة الفلانتين سوياً بعيداً عن الفيلا وسيعود صباح الغد ويكمل بمزح يمكن ربنا يكرمنا ونجيب السابعه بقى
لتضحك ثريا وتقول حرام عليك دى هتتجنن وبتقول أنها على ما توصل الاربعين هيكون معاها ثلاته عشر عيل
ليضحك عاكف ويقول هى تجيب بنت كمان وهى تبطل خلف
لتقول ثريا قصدك أيه
ليضحك عاكف
لتقول ثريا والله أنا حاسه أنك بتضحك عليها
ليقول عاكف أبداً أنا يدوب بغير الأدوية أنا يهمني صحتها
يعنى مثلا حبوب منع الحمل ولا حبوب مقويات ولا حقن منع الحمل ولاالمقويات الى تقوى صحتها
لتقول ثريا بأستعجاب ليه بتعمل فيها كده
ليرد عاكف أبداً دى سيبا كل شويه تقولى عايزه أخت وأمها مش بتخلف الا ولاد اعمل أيه أدينى بقول يمكن تصدف المرتى وتخلف بنت.

💕💖💕

كان عاكف يتحدث مع والداته غافلا عن من سمعته بالصدفه لتتوعد له وتقول
يعنى أنت بتلعب بيا يا أبن الفاروق والله لعرفك مين هى سيبال صادق أنت والاميره بتاعتك الى عايزه أخت على أساس أنى بشتريهم من السوبر ماركت ولا كارفور.

💖💕💕

بعد قليل دخل عاكف الى الغرفة وجد سيبال تضع الصغير بمهده
ليضمها من الخلف ويقبل عنقها ويقول بتعملى أيه
لترد عليه بتنهيد كنت بحط أمجد فى سريره وهروح أشوف الباقين
ليضحك ويقول طب ما تسيبك من الباقيين وخليكي معايا يعنى أنا ولا هما
لترد عليه وتقول لأ هما هما صغيرين عايزين الى يهتم بهم أنما أنت كبرت أو عندك مامتك لو عايز أهتمام روحلها
ليقول أروح لمامتى تهتم بيا وأسيبك طب ما تسيبى لها هى الاحفاد وخليكى فى أبنها دا حتى تفرح وترضى عليكى لما تلاقيكى مهتمه بأبنها وتدعى ليكى تخلفى بنت تبقى أخت لسيبا
لتبتعد عنه وتضرب كفيها ببعضهم وتقول خلاص شطبت أنا لا هخلف ولد ولا بنت كفايه نص الدسته الى عندى ربنا يباركلنا فيهم.
ليميل ليقبلها لتبتعد قليلا وتقول الباب مفتوح وممكن أى حد من العيال يدخل علينا
ليقول عاكف وماله ما يدخلوا خليهم يتعلموا الشقاوه
لترد سيبال أنا مش عارفه ليه الوقاحه معاك واخده حقها وعمرها ما هتسيبك أنا هروح أشوف عيالى
ليجذبها من يدها ويضمها إليه ويقبلها بوله
لتبعده
ليضحك قائلا متقدريش تهربى منى أو تبعدى عنى
وبما أن النهارده الفلانتين أنا وأنتى هنقضيه لوحدنا بعيد عن هنا علشان متحججيش بالولاد أنا حجزت لنا جناح خاص فى أوتيل نقضى فيه الليله أنا وأنت وعشقنا وبس
لتبتسم وتقول بخبث بجد يا حبيبي
ليرد قائلا بجد يا جنتى
لتقول بدلع أنا موافقه بس هخرج مع تغريد وفاتن وصهيبه قالتلى على أسم برفان جديد عايزه أجربه الليله هروح معاهم أشتريه و هسبقك على الاوتيل علشان أنا عندى ليك مفاجأة هتعجبك
ليقول وأيه هى المفاجأة
لتقول وتبقي مفاجأة أزاي لو قولت لك
ليقول بعشق ولو قولت لك علشان خاطرى
لترد بدلال خاطرك غالى هقولك فاكر الفستان النبتى الى جبته بعد ما ولدت أمجد وكان ضيق عليا أنا قسته ولاقيته بقى حلو عليا وهلبسه لك
ليرد بوقاحه فستان نيبتى وفى ليله مميزه دى هتبقى ليلة العمر التانيه
لترد سيبال دى هتبقى أنبهار.